ເພື່ອເປັນການສ້າງແຜນກຳນົດພະນັກງານນໍາພາ-ຄຸ້ມຄອງຂອງສະພາປະຊາຊົນແຂວງ ໃຫ້ສໍາເລັດຕາມລະດັບຄາດໝາຍທີ່ວາງໄວ້ສະນັ້ນ, ມາໃນວັນທີ 23 ກັນຍາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງໄດ້ເປີດກອງປະຊຸມປະເມີນແຜນກຳນົດພະນົກງານນໍາພາ-ຄຸ້ມຄອງ ຂອງສະພາປະຊາຊົນແຂວງໂດຍການເປັນປະທານຮ່ວມຂອງ ທ່ານ ວຽງໄຊ ສີວິໄລ ກຳມະການພັກ​ແຂວງ, ຮອງປະທານສະພາປະຊາຊົນແຂວງ ແລະ ທ່ານ ຄໍາໄຊ ບຸນເພັດ ຮອງຄະນະຈັດຕັ້ງແຂວງ, ມີບັນດາທ່ານຄະນະປະຈໍາສະພາປະຊາຊົນແຂວງ, ປະທານ- ຮອງປະທານຄະນະກຳມະການ, ຄະນະເລຂາທິການ, ບັນດາພະແນກການທີ່ກ່ຽວຂ້ອງ,ຫົວໜ້າ-ຮອງຫົວໜ້າຂະແໜງແລະພະນັກງານສະພາປະຊາຊົນແຂວງເຂົ້າຮ່ວມ.

​ ໃນພີທີ ທ່ານ ຄໍາໄຊ ບຸນເພັດ ຮອງຫົວໜ້າຄະນະຈັດຕັ້ງແຂວງ​ໄດ້​ຜ່ານ​ມະຕິຂອງ​ກົມ​ການ​ເມືອງ​ສູນ​ກາງພັກ, ສະ​ບັບ​ເລກທີ 030, 032, ວັນ​ທີ 3 ມັງກອນ 2018 ​ແລະ ຄໍາ​ແນະ​ນໍາຂອງ​ຄະນະ​ຈັດ​ຕັ້ງ​ສູນ​ກາງ​ພັກ, ສະບັບ​ເລກທີ 292, ລົງ​ວັນ​ທີ 26 ​ເມສາ 2018  ​ເພື່ອ​ປະ​ເມີນ​ຜົນ​ການທາ​ບທາມ​ເປົ້າໝາຍ ​​ແຜນ​ກໍານົດ​ພະນັກງານ-ລັດຖະກອນ. ​ໃນ​ໂອກາດ​ດັງກ່າວ ​ທ່ານ ວຽງ​ໄຊ ສີວິ​ໄລ ໄດ້​ເນັ້ນ​ໜັກ​ຄືນ​ກ່ຽວກັບ​ການ​ປະ​ເມີນພະນັກງານ​ນໍາພາ-​ຄຸ້ມ​ຄອງ ຕ້ອງ​ມີ​ຄວາມ​ໂປ່​ງ​ໃສ, ພາວະ​ວິ​ໄສ ​ເພື່ອ​ຮັບປະກັນ​ໃຫ້​ຜົນ​ການ​ປະ​ເມີນ​​​ຖື​ກຕ້ອງ, ສອດຄ່ອງ ກັບ​ມາດຖານ​ເງື່ອນ​ໄຂ​ທີ່​ໄດ້​ກໍາ​ນົດ​ໄວ້.

                                            ສະພາ​ປະຊາຊົນ​ແຂວງ​ຊຽງຂວາງ

ຂ່າວ​ໂດຍ: ນາງ ສຸກ​ສະຫວັນ ອິນທະ​ແສງ