ເພື່ອຕິດຕາມ ແລະຊຸກຍູ້ ພ້ອມທັງເກັບກຳຂໍ້ມູນ ການຈັດຕັ້ງການເຄື່ອນໄຫວວຽກງານ ຂອງ ຄະນະເລຂາທິການສະພາປະຊາຊົນແຂວງ ໃຫ້ນັບມື້ນັບມີປະສິດທິພາບສູງຂຶ້ນ.

ໃນຕອນເຊົ້າ ຂອງວັນທີ 05 ພະຈິກນີ້, ຢູ່ທີ່ສະພາປະຊາຊົນແຂວງ ຫຼວງພະບາງ ໄດ້ຈັັດຕັ້ງກອງປະຊຸມຕິດຕາມກວດກາ, ຊຸກຍູ້ ແລະເກັບກຳຂໍ້ມູນ ການເຄື່ອນໄຫວວຽກງານ ຂອງຄະນະເລຂາທິການສະພາປະຊາຊົນແຂວງ ໂດຍການເປັນປະທານຂອງ ທ່ານ ປອ ອາຄົມ ປຣະເສີດ ຮອງເລຂາທິການສະພາແຫ່ງຊາດ ໃຫ້ກຽດເຂົ້າຮ່ວມມີ ທ່ານ ສີວອນ ວົງຄຳຈັນ ກຳມະການພັກແຂວງ, ຄະນະປະຈຳ, ເລຂາທິການສະພາປະຊາຊົນແຂວງ, ມີບັນດາທ່ານຫົວໜ້າກົມ–ຮອງຫົວໜ້າກົມ, ທ່ານຮອງເລຂາທິການສະພາປະຊາຊົນແຂວງ, ຫົວໜ້າ–ຮອງຫົວໜ້າພະແນກ ສະພາແຫ່ງຊາດ ແລະ ຫົວ ໜ້າ–ຮອງຫົວໜ້າຂະແໜງ ຕະຫຼອດຮອດພະນັກງານ–ລັດຖະກອນ ພາຍໃນສະພາປະຊາຊົນແຂວງເຂົ້າຮ່ວມ.

ໃນໂອກາດດັ່ງກ່າວ ຄະນະເລຂາທິການສະພາປະຊາຊົນແຂວງ ຂຶ້ນລາຍງານ ສະພາບການຈັດຕັ້ງ ການເຄື່ອນໄຫວວຽກງານຮອບດ້ານໂດຍຫຍໍ້ ໃນໄລຍະ 9 ເດືອນຜ່ານມາ ເຊິ່ງເຫັນວາຄະນະເລຂາທິການສະພາປະຊາຊົນແຂວງ ສາມາດຍາດໄດ້ຜົນສຳເລັດຫຼາຍດ້ານ ເປັນຕົ້ນແມ່ນຜົນສຳເລັດກອງະຊຸມສະໄໝສາມັນແຕ່ລະຄັ້ງ, ການບັນຈຸຊັບຊ້ອນພະນັກງານເຂົ້າໃນການກຳນົດຕຳ  ແໜ່ງງານທີ່ຍັງຫວ່າງ, ການປັບປຸງໂຄງປະກອບກົງຈັກການຈັດຕັ້ງ, ການຄຸ້ມຄອງ, ບຳລຸງຮັກສາອາຄານສະຖານທີ່, ອຸປະກອນເຄື່ອງໃຊ້ເອເລັກໂທນິກ ແລະ ພາຫະນະຮັບໃຊ້ຕ່າງໆ, ການບໍລິການຈັດການເອກະສານ, ການອຳນວຍຄວາສະດວກດ້ານຕ່າງໆ, ການຈັດສັນງົບປະມານເຂົ້າໃນການເຄື່ອນໄຫວວຽກງານຮອບດ້ານ ໃຫ້ສະພາປະຊາຊົນແຂວງ ແລະ ການເຄື່ອນໄຫວວຽກງານສື່ມວນຊົນ ແມ່ນສາມາດຈັດຕັ້ງປະຕິບັດໄດ້ດີສົມຄວນ; ບັນດາໝາກຜົນສຳເລັດທີ່ສາມາດຍາດມາໄດ້ນັ້ນ ກໍ່ຍ້ອນມີນິຕິກຳເປັນ

ບ່ອນອີງ, ມີການນຳພາ–ຊີ້ນຳຂອງຄະນະພັກຂັ້ນເທິງ, ທີ່ມີການວາງແຜນການ, ແຜນງານ ແລະແບ່ງຄວາມຮັບຜິດຊອບຢ່າງຈະແຈ້ງ ເຮັດໃຫ້ການເຄື່ອນໄຫວວຽກງານສາມາດບັນລຸຜົນສຳເລັດໄດ້ຕາມລະດັບຄາດໝາຍແຕ່ຄຽງຄູ່ກັນນັ້ນ ກໍ່ຍັງມີ ຂໍ້ຫຍຸ້ງຍາກຈຳນວນໜຶ່ງ ທີ່ເຮັດໃຫ້ການເຄື່ອນໄຫວວຽກງານ ບໍ່ມີປະສິດທິພາບເທົ່າທີ່ຄວນ ເຊັ່ນຂອດການປະສານງານ, ຄວາມເອົາໃຈໃສ່ຄົ້ນຄວ້າ, ການຊອກຮູ້ຮ່ຳຮຽນ, ຄວາມຮັບຮູ້ຂອງພະນັກງານຍັງມີຈຳກັດ, ການກຳແໜ້ນພະລະບົດບາດ, ສິດແລະໜ້າທີ່ຮັບຜິດຊອບຂອງຕົນຍັງບໍ່ທັນດີເທົ່າທີຄວນ ແລະວັດຖຸອຸປະກອນຍັງບໍ່ຕອບສະໜອງ ຕໍ່ກັບ

ການເຄື່ອນໄຫວວຽກງານວິຊາສະເພາະແຕ່ລະດ້ານ ແລະພ້ອມດຽວກັນນັ້ນ ບັນດາທ່ານກໍ່ໄດ້ແລກປ່ຽນບົດຮຽນ–ປະສົບການ ເຊິ່ງກັນ ແລະກັນ ໃນການເຄື່ອນໄຫວວຽກງານດ້ານຕ່າງໆ ເພື່ອຊອກໃຫ້ເຫັນຊ່ອງທາງ ແລະວິທີທາງແກ້ໄຂໃຫ້ຖືກຕ້ອງໄປໃນທິດທາງດຽວກັນ ແລະໃນຕອນທ້າຍ ປະທານກອງປະຊຸມກໍ່ໄດ້ເນັ້ນໜັກໃຫ້ບັນດາຂະແໜງການຕ້ອງເອົາໃສ່ແກ້ໄຂບັນຫາຂໍ້ຄົງຄ້າງໃຫ້ດີຂຶ້ນເປັນກ້າວໆ.

ພາບແລະຂ່າວ: ວິລິຍະ ວັນນະສີ