ກອງປະຊຸມ, ທ່ານ ທອງໄຊ ທໍ່ຈົງເລຍຈີ ປະທານຄະນະກຳມະການ ເສດຖະກິດ, ແຜນການ ແລະ ການເງິນ ໄດ້ຜ່ານຮ່າງບົດລາຍງານການເຄື່ອນໄຫວວຽກງານປະຈຳປີ 2024 ຂອງ 3 ຄະນະກໍາມະການ ສພຂ, ເຊິ່ງໄດ້ຍົກໃຫ້ເຫັນດ້ານດີ ແລະ ຜົນສໍາເລັດຄື: ດ້ານນິຕິກໍາ: ໄດ້ເປັນເຈົ້າການຄົ້ນຄວ້າ, ກວດກາ ແລະ ປະກອບຄໍາເຫັນໃສ່ຮ່າງນິຕິກໍາຂອງອົງການລັດຂັ້ນແຂວງ(ຮ່າງຂໍ້ຕົກລົງຂອງທ່ານເຈົ້າແຂວງ) ແລະ ຮັບຮອງ ໃນກອງປະຊຸມຄະນະປະຈໍາ , ກອງປະຊຸມສະ ໄໝສາມັນເທື່ອທີ 6-7 ຂອງ ສພຂ ທັງໝົດ 7 ສະບັບ; ນໍາເອົາເນື້ອໃນຜົນສໍາເລັດ, ມະຕິກອງປະຊຸມສະໄໝສາມັນເທື່ອທີ 6-ເທື່ອທີ 7 ຂອງສະພາແຫ່ງຊາດ(ສພຊ), ສະພາປະຊາຊົນແຂວງ(ສພຂ) ລົງຈັດຕັ້ງຜັນຂະຫຍາຍ ແລະ ເຜີຍແຜ່ຢູ່ບັນດາເມືອງ, ອ້ອມຂ້າງແຂວງໄດ້ທັງໝົດ 122 ຈຸດ, ມີພົນລະເມືອງເຂົ້າຮ່ວມທັງໝົດ 17,560 ຄົນ, ຍິງ 7,740 ຄົນ; ເຂົ້າຮ່ວມກອງປະຊຸມທາບທາມຮ່າງລັດຖະທໍາມະນູນ ແລະ ກົດໝາຍ ທັງໝົດ 11 ຄັ້ງ, ມີ 32 ສະບັບເຊີ່ງມີຜຸ້ເຂົ້າຮ່ວມທັງໝົດ 257 ທ່ານ, ຍິງ 112 ທ່ານ; ເຊັນບົດບັນທຶກຮ່ວມ ກັບພະແນກ ການ-ອົງການກ່ຽວຂ້ອງທັງໝົດ 10 ສະບັບ. ດ້ານການຕົກລົງບັນຫາສໍາຄັນພື້ນຖານຂອງແຂວງ: ຄົ້ນຄວ້າ, ປະກອບຄໍາຄິດຄໍາເຫັນ ໃນການຕົກລົງບັນຫາສໍາຄັນຂອງແຂວງ ກ່ອນຈະນໍາເຂົ້າກອງປະຊຸມສະໄໝສາມັນເທື່ອທີ 6-ເທື່ອທີ 7 ຂອງ ສພຂ ເປັນຕົ້ນ: ການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ການເຄື່ອນໄຫວວຽກງານຂອງ ສພຂ, ອົງການກວດກາລັດແຂວງ, ອົງການໄອຍະການປະຊາຊົນ, ສານປະຊາຊົນແຂວງ, ອົງການກວດສອບແຫ່ງລັດປະຈໍາພາກເໜືອ, ວຽກງານພັດທະນາຊົນນະບົດແກ້ໄຂຄວາມທຸກຍາກ, ບັນຫາອື່ນໆລວມທັງໝົດ 20 ບັນຫາ. ດ້ານການຕິດຕາມກວດກາ: ລົງຕິດຕາມກວດກາການຈັດຕັ້ງຜັນຂະຫຍາຍມະຕິກອງປະຊຸມສະໄໝສາມັນເທື່ອທີ 6-7 ຂອງ ສພຊ, ສພຂ ໄດ້ 1 ຄັ້ງ, 6 ເມືອງ; ລົງຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດລັດຖະທໍາມະນູນ, ກົດໝາຍ ໄດ້ 1 ຄັ້ງ, ຢູ່ 3 ເມືອງ; ລົງຕິດຕາມກວດກາ ແລະ ຊຸກຍູ້ບັນດາໂຄງການລົງທຶນຂອງລັດ, ຂອງເອກະຊົນ ໃນການຂຸດຄົ້ນແຮ່ຄໍາ, ແຮ່ເຫຼັກ, ວຽກງານພັດທະ ນາຊົນນະບົດແກ້ໄຂຄວາມທຸກຍາກ, ການປະລະການຮຽນຂອງນັກຮຽນສາມັນສຶກສາ, ການສັກຢາຄວບຄຸ້ມພະຍາດຕາມລະດູການ, ຕິດຕາມກວດກາການຈັດຕັ້ງປະຕິບັດຍຸດທະສາດການປະຕິຮູບລະບົບການສຶກສາ ແລະ ການພັດທະນາຊັບພະຍາກອນມະນຸດແຫ່ງຊາດ ໄດ້ 13 ຄັ້ງ, 23 ຈຸດ; ໄດ້ສົມທົບກອງບັນຊາການ ປກສ ແຂວງ, ພະແນກຊັບພະຍາ ກອນທໍາມະຂາດ ແລະ ສິ່ງແວດລ້ອມ, ພະແນກຖະແຫຼງຂ່າວວັດທະນະທໍາ ແລະ ທ່ອງທຽວ ໃນການກໍານົດການປະເມີນການຈັດຕັ້ງປະຕິບັດຂໍ້ຕົກລົງເຈົ້າແຂວງ 03 ສະບັບ, ຢູ່ 7 ເມືອງ ແລະ ພະແນກການອ້ອມຂ້າງແຂວງ.

ພ້ອມນັ້ນ, ໄດ້ວາງທິດທາງແຜນການປະຈຳປີ 2025 ເຊິ່ງຈະໄດ້ສືບຕໍ່ຊຸກຍູ້ ແລະ ປະສານສົມທົບກັບພະແນກ ການຂັ້ນແຂວງໃນການສ້າງ, ປັງປຸງນິຕິກໍາໃຕ້ກົດໝາຍໃຫ້ປະຕິບັດຕາມຂັ້ນຕອນການສ້າງນິຕິກໍາ ກ່ອນທີ່ຈະນໍາເຂົ້າຜ່ານກອງປະຊຸມສະໄໝສາມັນເທື່ອ 9-10 ຂອງ ສພຂ; ສືບຕໍ່ຊຸກຍູ້, ສົມທົບພະແນກການ, ອົງການທີ່ກ່ຽວຂ້ອງຂອງແຂວງກະກຽມບັນດາເນື້ອໃນເອກະສານສໍາຄັນທີ່ຈະນໍາເຂົ້າສະເໜີຕໍ່ກອງປະຊຸມສະໄໝສາມັນເທື່ອທີ 9-10 ຂອງ ສພຂ ເປັນ ຕົ້ນ: ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂັ້ນແຂວງ, ກວດສອບຂອງອົງການກວດສອບປະຈໍາພາກເໜືອ 2, ບົດລາຍງານການເຄື່ອນໄຫວວຽກງານຂອງອົງການໄອຍະການປະຊາຊົນ, ສານປະຊາຊົນ, ວຽກງານ 3 ສ້າງ, ພັດທະນາຊົນນະບົດແກ້ໄຂຄວາມທຸກຍາກ ແລະ ເຂົ້າຮ່ວມຄົ້ນຄວ້າ, ປະກອບຄຳເຫັນຕໍ່ບັນຫາສໍາຄັນຂອງແຂວງ ຕາມພາລະບົດບາດ, ສິດ ແລະ ໜ້າທີ່ຂອງຕົນ; ສືບຕໍ່ຕິດຕາມ, ຊຸກຍູ້ການເຝົ້າລະວັງ, ປ້ອງກັນພະຍາດຕາມລະດູການ ແລະ ຮັບມືກັບໄພແລ້ງເຊັ່ນ: ໄຟໃໝ້ລາມປ່າ, ອະຄິໄພຕ່າງໆ ຕາມແຈ້ງການຂອງຄະນະສະເພາະກິດຂັ້ນສູນກາງ ແລະ ຂັ້ນແຂວງ, ຊຸກຍູ້ພາກສ່ວນທີ່ກ່ຽວຂ້ອງແກ້ໄຂຜົນກະທົບທາງດ້ານເສດຖະກິດພາຍໃນແຂວງ ແລະ ໄດ້ຜ່ານບົດລາຍງານການເຄື່ອນໄຫວວຽງານຂອງຄະນະເລຂາທິການສະພາປະຊາຊົນແຂວງ ປະຈໍາປີ 2024 ແລະ ທິດທາງແຜນການປີ 2025.