ກອງປະຊຸມໄດ້ຮັບຟັງ ແລະ ກວດກາເນື້ອໃນຮ່າງບົດລາຍງານຂອງລັດຖະບານ ແລະ ພາກສ່ວນຕ່າງໆທີ່ຈະ ລາຍງານຕໍ່ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ຄື: ບົດລາຍງານຢ່າງສັງລວມຂອງທ່ານນາ ຍົກລັດຖະມົນຕີ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ໄລຍະ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2024 ຕິດພັນກັບການຈັດຕັ້ງປະຕິບັດສອງວາລະແຫ່ງຊາດ; ບົດລາຍງານຂອງກະຊວງແຜນການ ແລະ ການລົງທຶນ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2024; ບົດລາຍງານຂອງກະຊວງການເງິນ ກ່ຽວກັບການຈັດ ຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2024; ບົດລາຍງານຂອງທະນາ ຄານ ແຫ່ງ ສປປລາວ ກ່ຽວກັບການຈັດຕັ້ງປະຕິບັດແຜນເງິນຕາ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2024; ບົດລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໄລຍະແຕ່ເດືອນ 7 ປີ 2021 ຫາເດືອນ 4 ປີ 2024 ແລະ ທິດທາງແຜນການ 6 ເດືອນທ້າຍປີ 2024; ບົດລາຍງານການຈັດຕັ້ງປະຕິບັດໂຄງ ການລົງທຶນແຮ່ທາດ ໃນໄລຍະຜ່ານມາ ແລະ ແຜນໃນຕໍ່ໜ້າ ຕິດພັນກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ສະບັບເລກທີ 95/ສພຊ, ລົງວັນທີ 18 ກໍລະກົດ 2023 ວ່າດ້ວຍການຮັບຮອງເອົາວິໄສທັດຮອດປີ 2040 ແລະ ຍຸດທະສາດການພັດທະນາແຮ່ທາດຮອດປີ 2030; ບົດລາຍງານການຈັດຕັ້ງປະຕິບັດບັນດາຄາດໝາຍການພັດທະ ນາຊົນນະບົດ ແລະ ແກ້ໄຂຄວາມທຸກຍາກ ໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ຕິດພັນກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ສະບັບເລກທີ 82/ສພຊ, ລົງວັນທີ 30 ທັນວາ 2022. ນອກຈາກນີ້, ກອງປະຊຸມ ຍັງໄດ້ຮັບຟັງການລາຍງານກ່ຽວກັບການແກ້ໄຂຜົນການກວດສອບປະຈຳປີ 2022; ບົດລາຍງານກ່ຽວກັບຄວາມຄືບໜ້າການກະກຽມເນື້ອໃນ ແລະ ສະຖານທີ່ຈັດກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາ ຊຽນ (AIPA) ຄັ້ງທີ 45 ແລະ ກອງປະຊຸມ AIPACODD ຄັ້ງທີ 7; ຄວາມພ້ອມກ່ຽວກັບການກະກຽມກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX; ຜົນການກວດກາເນື້ອໃນຮອບດ້ານຮ່າງກົດໝາຍສະບັບປັບປຸງ ຈຳນວນ 4 ສະບັບ ທີ່ຈະນຳເຂົ້າພິຈາລະນາໃນກອງປະຊຸມດັ່ງກ່າວ ຄື: ກົດໝາຍວ່າດ້ວຍການສົ່ງເສີມການລົງທຶນ, ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ, ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ; ການພິຈາລະນາໜັງສືສະເໜີຂອງສານປະຊາຊົນສູງສຸດ ກ່ຽວກັບການແຕ່ງຕັ້ງປະທານ, ຮອງປະທານຂອງສານປະຊາຊົນທ້ອງຖິ່ນ; ບົດລາຍງານຜົນການຄົ້ນຄວ້າໜັງສືສະເໜີຂອງນາຍົກ ລັດຖະມົນຕີ ກ່ຽວກັບການສະເໜີຂໍຫັນປ່ຽນທີ່ດິນປ່າໄມ້ທຳມະຊາດໄປເປັນທີ່ດິນປະເພດອື່ນ ແລະ ຂໍຍົກເວັ້ນຄ່າທຳ ນຽມໃນການຫັນປ່ຽນທີ່ດິນປ່າໄມ້ເພື່ອນຳໃຊ້ເຂົ້າໃນການກໍ່ສ້າງໂຮງຮຽນເຫຼົ່າຮົບແຜນທີ່ຂອງກະຊວງປ້ອງກັນປະເທດ ຢູ່ເຂດບ້ານປັກແຮດ ເມືອງນາຊາຍທອງ ນະຄອນຫຼວງວຽງຈັນ.

ການດໍາເນີນກອງປະຊຸມຄະນະປະຈໍາສະພາແຫ່ງຊາດຄັ້ງນີ້, ບັນດາທ່ານຄະນະປະທານຄະນະປະຈໍາສະພາແຫ່ງ ຊາດ, ບັນດາທ່ານກໍາມະການຄະນະປະຈໍາສະພາແຫ່ງຊາດ ໄດ້ເອົາໃຈໃສ່ຄົ້ນຄວ້າປະກອບຄໍາເຫັນຕໍ່ເນື້ອໃນຂອງບົດລາຍງານ ແລະ ການສະເໜີຂອງພາກສ່ວນຕ່າງໆ ຢ່າງເລິກເຊິ່ງ ເພື່ອເປັນບ່ອນອີງໃຫ້ບັນດາກະຊວງ, ອົງການ ນໍາໄປຄົ້ນ ຄວ້າປັບປຸງເຂົ້າໃສ່ເນື້ອໃນຂອງບົດລາຍງານ, ເນື້ອໃນຂອງບັນດາຮ່າງກົດໝາຍ ແລະ ເອກະສານຕ່າງໆ ໃຫ້ມີເນື້ອໃນຄົບຖ້ວນ, ຮັດກຸມ, ມີຜົນສັກສິດໃນການຈັດຕັ້ງປະຕິບັດ.