ກອງປະຊຸມຄະນະປະຈໍາສະພາປະຊາຊົນແຂວງຫລວງນໍ້າທາ ໄດ້ໄຂຂຶ້ນໃນຕອນເຊົ້າຂອງວັນທີ 30 ຕຸລາ 2024 ທີ່ຫ້ອງປະຊຸມຂອງສະພາປະຊາຊົນແຂວງ ໂດຍການເປັນປະທານຂອງ ທ່ານ ຄໍາຟອງ ອິນມານີ ຮອງເລຂາຄະນະບໍລິຫານງານພັກແຂວງ ປະທານຄະນະປະຈໍາສະພາປະຊາຊົນແຂວງ, ມີບັນດາທ່ານກໍາມະການຄະນະປະຈໍາສະພາປະຊາຊົນແຂວງ ເຂົ້າຮ່ວມ ຈໍານວນ 7 ທ່ານ, ຍິງ 2 ທ່ານ.
ກອງປະຊຸມໄດ້ລາຍງານຜົນການຈັດຕັ້ງປະຕິບັດບົດບັນທຶກກອງປະຊຸມຄະນະປະຈຳສະພາປະຊາຊົນແຂວງ ສະບັບເລກທີ 124/ຄປຈຂ ລົງວັນທີ 21 ຕຸລາ 2024, ໄດ້ພິຈາລະນາ, ຄົ້ນຄວ້າໜັງສືສະເໜີຂອງເຈົ້າແຂວງກ່ຽວກັບຮັບຮອງແຜນງານ ການຈັດຕັ້ງປະຕິບັດວຽກງານຟື້ນຟູ-ປັບປຸງຊີວິດການເປັນຢູ່ຂອງປະຊາຊົນທີ່ຖືກຜົນກະທົບຈາກໂຄງການເຂື່ອນໄຟຟ້ານ້ຳທາ1 ໄລຍະທີ່ສອງແຕ່ປີ 2024-2027, ປຶກສາຫາລືກ່ຽວກັບການກະກຽມກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງເປັນຕົ້ນແມ່ນຄາດຄະເນວັນເວລາ, ງົບປະມານ ແລະ ບັນດາເນື້ອໃນຕ່າງໆ ເປັນຕົ້ນແມ່ນ ບົດລາຍງານຫຍໍ້ຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃນໄລຍະ 1 ປີຜ່ານມາ; ບົດລາຍງານຂອງແຂວງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2024 ແລະ ແຜນ 2025 ຂອງແຂວງ; ບົດລາຍງານຂອງແຂວງກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2024 ແລະ ແຜນ 2025 ຂອງແຂວງ; ບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານປະຈຳປີ 2024, ແຜນປີ 2025 ແລະ ຜົນການກວດກາຕາມຜົນການກວດສອບປີ 2022 ຂອງອົງການກວດກາລັດແຂວງ; ບົດລາຍງານການຈັດຕັ້ງປະຕິບັດແຜນການເຄື່ຶອນໄຫວວຽກງານປະຈຳປີ 2024 ແລະ ແຜນການປະຈຳປີ 2025 ຂອງອົງການກວດສອບພາກເໜືອ, ບົດລາຍງານຜົນການກວດສອບຄືນ ແລະ ການສະຫຼຸບງົບປະມານຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2023 ຂອງແຂວງຫຼວງນໍ້າທາ; ບົດລາຍງານການຈັດຕັ້ງປະຕິບັດແຜນການເຄື່ອນໄຫວປະຈຳປີ 2024 ແລະ ແຜນການເຄື່ອນໄຫວປະຈຳປີ 2025 ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ; ບົດລາຍງານການຈັດຕັ້ງປະຕິບັດແຜນການເຄື່ອນໄຫວ ປະຈຳປີ 2024 ແລະ ແຜນການເຄື່ອນໄຫວປະຈຳປີ 2025 ຂອງສະພາປະຊາຊົນແຂວງ; ບົດປະກອບຄຳເຫັນຂອງອົງການແນວລາວສ້າງຊາດແຂວງ ແລະ ອົງການຈັດຕັ້ງມະຫາຊົນຕໍ່ການເຄື່ອນໄຫວຂອງວຽກງານຂອງສະພາປະຊາຊົນແຂວງ; ພິຈາລະນາ ແລະ ຮັບຮອງເອົານິຕິກຳໃຕ້ກົດໝາຍຂອງແຂວງ( ຂໍ້ຕົກລົງຂອງເຈົ້າແຂວງ ວ່າດ້ວຍກອງທຶນຢາເສບຕິດ),.ປືກສາຫາລືກ່ຽວກັບການກະກຽມກອງປະຊຸມຄົບຄະນະຂອງບັນດາຄະນະກຳມະການ ແລະ ກອງປະຊຸມປະຈຳປີຂອງຄະນະຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງເປັນຕົ້ນແມ່ນວັນເວລາ, ສະຖານທີ່, ງົບປະມານ ແລະ ເນື້ອໃນກອງປະຊຸມຕ່າງໆ
ໂດຍ ນາງ ອຳພອນ ສີປະເສີດ