(ສພຊ) – ວັນທີ 14 ພະຈິກຜ່ານມາ ທີ່ສະພາແຫ່ງຊາດ (ສພຊ) ໄດ້ມີກອງປະຊຸມຄະນະປະຈຳການຄະນະກຳມະການລະດັບຊາດປັບປຸງລັດຖະທຳມະນູນ (ຄລຊ) ໂດຍການເປັນປະທານຂອງທ່ານ ປອ. ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ປະທານ ຄລຊ.

ໃນກອງປະຊຸມໄດ້ຮັບຟັງບົດລາຍງານຜົນກອງປະຊຸມຄົບຄະນະບໍລິຫານງານສູນກາງພັກ ເທື່ອທີ 9 ສະໄໝທີ XI ຕໍ່ຮ່າງປັບປຸງລັດຖະທໍາມະນູນ ຈາກການຂໍທິດຊີ້ນໍາຕໍ່ກັບການປັບປຸງລັດຖະທໍາມະນູນ ສະບັບປີ 2015 ທີ່ຈະນໍາສະເໜີທາບທາມຄໍາເຫັນຈາກກອງປະຊຸມສະໄໝສາມັນເທື່ອທີ 8 ຂອງ ສພຊ ຊຸດທີ IX; ຈາກນັ້ນ, ຜູ້ເຂົ້າຮ່ວມໄດ້ສຸມໃສ່ປະກອບຄຳຄິດຄຳເຫັນຕໍ່ການປັບປຸງຕາມທິດຊີ້ນຳຂອງກອງປະຊຸມຄົບຄະນະບໍລິຫານງານສູນກາງພັກ.

(ນາງ ອາລິນ ສຸພິມມະປະດິດ)