(ສພຊ) – ກອງປະຊຸມກຳມາທິການວຽກ ງານຈັດຕັ້ງພາຍໃນໄອປາ ຂອງກອງປະຊຸມສະມັດ ຊາໃຫຍ່ AIPA ຄັ້ງທີ 45 ໄດ້ຈັດຂຶ້ນໃນວັນທີ 20 ຕຸລາ 2024 ທີ່ຫໍປະຊຸມແຫ່ງຊາດ ໂດຍການເປັນປະທານຂອງທ່ານ ນາງ ອຳໄພວອນ ລ້ອມບຸນແພງ ເລຂາທິການສະພາແຫ່ງຊາດ, ເຂົ້າຮ່ວມມີສະ ມາຊິກລັດຖະສະພາຈາກບັນດາປະເທດສະມາຊິກອາຊຽນ.

ກອງປະຊຸມຄັ້ງນີ້ ໄດ້ຮ່ວມກັນຄົ້ນຄວ້າ, ປຶກສາຫາລື ແລະ ພິຈາລະນາຮ່າງມະຕິ 16 ສະບັບ ໃນຂົງເຂດວຽກງານຈັດຕັ້ງພາຍໃນໄອປາຄື: 1. ຮ່າງມະຕິວ່າດ້ວຍບົດລາຍງານການກວດສອບການເງິນ ສົກປີ 2023-2024; 2. ຮ່າງມະຕິວ່າດ້ວຍແຜນສະເໜີງົບປະມານຂອງກອງເລຂາໄອປາ ໄລຍະວັນທີ 1 ສິງຫາ 2024 ຫາ 31 ກໍລະ ກົດ 2025; 3. ຮ່າງມະຕິວ່າດ້ວຍການຈັດສັນເງິນພັນທະໃນການປະກອບສ່ວນຂອງລັດຖະສະພາສັງເກດການໄອປາ; 4. ຮ່າງມະຕິວ່າດ້ວຍການ​ປັບ ປຸງ​ທຳ​ມະນູນໄອປາ; 5. ຮ່າງມະຕິວ່າດ້ວຍການຮັບ ຮອງເອົາຄໍາແນະນຳ ແລະ ຂັ້ນຕອນການພົວພັນລະຫວ່າງໄອປາ ກັບ ພາກສ່ວນພາຍນອກ; 6. ຮ່າງມະຕິວ່າດ້ວຍການຮັບຮອງເອົາລະບຽບເງື່ອນ ໄຂ (ToR) ແລະ ຂອບແນວຄວາມຄິດ (Concept Note) ກ່ຽວກັບຫໍສະໝຸດກົດໝາຍດິຈິຕອລໄອປາ (AIPAlync); 7. ຮ່າງ​ມະຕິວ່າດ້ວຍການ​ສະ​ເໜີ​ບົດ​ບັນທຶກ​ຄວາມ​ເຂົ້າ​ໃຈ​ລະ ຫວ່າງໄອປາ ກັບ​ ອົງການລັດຖະສະພາສາກົນ/ສະມາຄົມ; 8. ຮ່າງ​ມະຕິວ່າດ້ວຍການ​ສະ​ເໜີ​ບົດ​ບັນ ທຶກ​ຄວາມ​ເຂົ້າ​ໃຈ​ລະຫວ່າງໄອປາ ກັບ​ ​ຄູ່​ຮ່ວມ​ມື​ພັດທະນາ; 9. ຮ່າງມະຕິວ່າດ້ວຍການຮັບຮອງເອົາສະພາແຫ່ງຊາດລາຊະອານາຈັກບາເຣນ ເຂົ້າເປັນຜູ້ສັງເກດການຂອງໄອປາ; 10. ຮ່າງມະຕິວ່າດ້ວຍການຮັບຮອງເອົາສະພາແຫ່ງຊາດບຸນເດດສະຕາກ (Bundestag) ຂອງ ສາທາລະນະລັດ ສະຫະ ພັນ ເຢຍລະມັນ ເຂົ້າເປັນຜູ້ສັງເກດການຂອງໄອປາ; 11. ຮ່າງມະຕິວ່າດ້ວຍການມອບລາງວັນຜູ້ທີ່ ມີຜົນງານດີເດັ່ນຕໍ່ໄອປາ ໃຫ້ແກ່ທ່ານ ເປຮິນ ດາໂຕະ ຮາຈິ ຈູດິນ ຮາຈິ ອາຊາ ຈາກບຣູໄນ ດາຣູຊາ ລາມ; 12. ຮ່າງມະຕິວ່າດ້ວຍການມອບລາງວັນຜູ້ທີ່ມີຜົນງານດີເດັ່ນຕໍ່ໄອປາ ໃຫ້ແກ່ທ່ານ ຮູ ສະຣີ ຈາກລາຊະອານາຈັກ​ກຳປູ​ເຈຍ; 13. ຮ່າງມະຕິວ່າດ້ວຍການມອບລາງວັນຜູ້ທີ່ມີຜົນງານດີເດັ່ນຕໍ່ໄອປາ ໃຫ້ແກ່ທ່ານ ສຈ. ນາງ ການຈະນາລັດ ຣີວິໂຣຈະນາ ຈາກລາຊະອານາຈັກໄທ; 14. ຮ່າງມະຕິວ່າດ້ວຍການສະ​ແດງ​ຄວາມຊົມເຊີຍການບໍລິຫານງານຂອງທ່ານ ປອ. ໄຊສົມພອນ ພົມວິຫານ ປະ ທານໄອປາ; 15. ຮ່າງມະຕິວ່າດ້ວຍການສະ​ແດງ​ຄວາມຊົມເຊີຍ ແລະ ​ຂອບ​ໃຈຕໍ່​ລັດຖະບານ​ຟີ​ລິບ​ປິນ ທີ່​ໄດ້​ສະໝັກ​ໃຈປະກອບສ່ວນງົບປະມານ ຈໍານວນ 20,000 ໂດລາສະຫະລັດ ໃຫ້ໄອປາ ໃນປີ 2024; 16. ຮ່າງມະຕິວ່າດ້ວຍ ວັນທີ ແລະ ສະ ຖານທີ່ ຈັດກອງປະຊຸມສະມັດຊາໃຫຍ່ລັດຖະສະ ພາລະຫວ່າງຊາດອາຊຽນ (AIPA) ຄັ້ງທີ 46.

(ກົງທະນູຄຳ ພິພັດເສລີ)