(ສພຊ) – ວັນທີ 08 ເມສາ 2024 ທີ່ສະພາແຫ່ງຊາດ, ກອງທຶນຊ່ວຍເຫຼືອສັງຄົມຂອງສະພາແຫ່ງຊາດ ໄດ້ ຈັດກອງປະຊຸມປຶກສາຫາລືວຽກງານປິ່ນອ້ອມໃນໄລຍະຜ່ານມາ ແລະ ວາງທິດທາງແຜນການເຄື່ອນໄຫວວຽກງານ ໃນຕໍ່ໜ້າຂອງກອງທຶນ, ໂດຍການເປັນປະທານຂອງທ່ານ ດຣ. ນາງ ວິພາວັນ ພົມວິຫານ ປະທານກອງທຶນຊ່ວຍ ເຫຼືອສັງຄົມຂອງສະພາແຫ່ງຊາດ; ມີຄະນະກອງທຶນ, ກອງເລຂາກອງທຶນ ພ້ອມດ້ວຍພະນັກງານທີ່ກ່ຽວຂ້ອງເຂົ້າ ຮ່ວມ.

ກອງປະຊຸມໄດ້ຮັບຟັງການຜ່ານບົດສະຫຼຸບການເຄື່ອນໄຫວວຽກງານໃນໄລຍະຜ່ານມາ ແລະ ວາງທິດທາງ ແຜນການເຄື່ອນໄຫວວຽກງານໃນຕໍ່ໜ້າຂອງກອງທຶນ ພ້ອມທັງປຶກສາຫາລືຫຼາຍບັນຫາສຳຄັນ; ຫຼັງຈາກນັ້ນ, ຜູ້ເຂົ້າ ຮ່ວມໄດ້ປະກອບຄຳຄິດຄຳເຫັນໃສ່ບັນດາໜ້າວຽກຕ່າງໆ ເພື່ອເຮັດໃຫ້ການເຄື່ອນໄຫວວຽກງານກອງທຶນດັ່ງກ່າວ ມີ ປະສິດທິພາບ, ປະສິດທິຜົນ ແລະ ເກີດປະໂຫຍດສູງສຸດຕາມຈຸດປະສົງ ແລະ ຄາດໝາຍທີ່ວາງໄວ້.

(ພາບ ແລະ ຂ່າວ: ນາງ ໄຊໂສພາພອນ ມິ່ງມຸງຄຸນ)