​(ສພຊ) ວັນທີ 6 ເມສາຜ່ານມາ, ທີ່ສະພາແຫ່ງຊາດ ໄດ້ມີການມອບ-ຮັບເງິນສະໜັບສະໜູນກອງທຶນຊ່ວຍເຫລືອເຊິ່ງກັນ ແລະ ກັນ ຂອງຄະນະບໍລິຫານງານຊາວໜຸ່ມສະພາແຫ່ງຊາດ ຈຳນວນ 20.000.000 ລ້ານກີບ ເຊິ່ງກ່າວມອບໂດຍທ່ານ ບົວວຽງ ຈຳປາພັນ ປະທານບໍລິສັດ ເອັນຊີຊີ ຈຳກັນຜູ້ດຽວ ແລະ ກ່າວຮັບໂດຍທ່ານ ພອນແກ້ວ ຕົ້ນວໍລະຈິດ ເລຂາຄະນະບໍລິຫານງານຊາວໜຸ່ມສະພາແຫ່ງຊາດ.

​             ກອງທຶນຊ່ວຍເຫລືອເຊິ່ງກັນ ແລະ ກັນຂອງຊາວໜຸ່ມສະພາແຫ່ງຊາດ ເປັນກອງທຶນທີ່ໃຊ້ໃນການເຄື່ອນໄຫວວຽກງານຂອງຄະນະບໍລິຫານງານຊາວໜຸ່ມສະພາແຫ່ງຊາດ ເປັນຕົ້ນການຈັດກິດຈະກຳ, ຂະບວນການຕ່າງໆ ແລະ ຊ່ວຍເຫລືອສະມາຊິກຊາວໜຸ່ມໃນເວລາມີຄວາມຈຳເປັນ ແລະ ຫຍຸ້ງຍາກ.

(ພາບ ແລະ ຂ່າວ: ສົມນຶກ ແກ້ວໄຊຍະຈັກ)