(ສພຊ) – ວັນທີ 27 ທັນວາ 2024 ທີ່ເມືອງວຽງຄຳ ແຂວງວຽງຈັນ, ຄະນະກຳ ມະການລະດັບຊາດປັບປຸງລັດຖະທໍາມະນູນ ສະບັບປີ 2015 (ຄລຊ) ໄດ້ຈັດກອງປະ ຊຸມຄົ້ນຄວ້າປັບປຸງເນື້ອໃນລັດຖະທໍາມະນູນ ໂດຍການເປັນປະທານຂອງທ່ານ ປອ. ກອງແກ້ວ ໄຊສົງຄາມ ກຳມະການສູນກາງພັກ, ປະທານສະຖາບັນວິທະຍາສາດເສດ ຖະກິດ ແລະ ສັງຄົມແຫ່ງຊາດ, ກຳມະການ ຄລຊ; ມີທ່ານ ສຈ. ປອ. ຈະເລີນ ເຍຍປາວເຮີ ຮອງປະທານສະພາແຫ່ງຊາດ, ຮອງປະທານ ຄລຊ ພ້ອມດ້ວຍບັນດາທ່ານໃນຄະນະກຳມະການ, ກອງເລຂາ, ອະນຸກຳມະການຕ່າງໆ ແລະ ກອງເລຂາຊ່ວຍວຽກຂອງ ຄລຊ ເຂົ້າຮ່ວມ 80 ທ່ານ.

ທ່ານ ປອ. ກອງແກ້ວ ໄຊສົງຄາມ ກ່າວວ່າ: ຈຸດປະສົງ ແລະ ເນື້ອໃນຕົ້ນຕໍຂອງກອງປະຊຸມຄັ້ງນີ້ ແມ່ນເພື່ອຄົ້ນຄວ້າ, ຮຽບຮຽງ ແລະ ກວດກາເນື້ອໃນຮອບດ້ານຂອງຮ່າງລັດຖະທຳມະນູນສະບັບປັບປຸງ ຕາມຄຳເຫັນຂອງບັນດາທ່ານສະມາຊິກສະ ພາແຫ່ງໃນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ IX ແລະ ທິດຊີ້ນຳຂອງກອງປະຊຸມຄົບຄະນະກຳມະການລະດັບຊາດປັບປຸງລັດຖະທຳມະນູນ ຄັ້ງວັນທີ 24 ທັນວາ 2024 ກ່ອນນຳໄປທາບທາມຄວາມເຫັນຂອງປະຊາຊົນລາວບັນດາເຜົ່າໃນທົ່ວປະເທດ ໃນຕົ້ນປີ 2025.

ທີ່ປະຊຸມໄດ້ຮັບຟັງການສະເໜີສັງລວມຄຳເຫັນຂອງຄະນະກຳມະການລະດັບຊາດປັບປຸງລັດຖະທຳມະນູນ ສະບັບປັບປຸງ 2025 ແລະ ຮ່າງບົດລາຍງານຂອງ ຄລຊ ກ່ຽວກັບການປັບປຸງລັດຖະທຳມະນູນ ຕໍ່ກອງປະຊຸມຄະນະປະຈຳສະພາແຫ່ງຊາດ; ຈາກນັ້ນ, ຜູ້ເຂົ້າຮ່ວມໄດ້ເອົາໃຈໃສ່ຄົ້ນຄວ້າ, ປະກອບຄຳເຫັນຕໍ່ການປັບປຸງຮ່າງລັດ ຖະທຳມະນູນຢ່າງກົງໄປກົງມາ, ພາວະວິໄສ ແລະ ດ້ວຍຄວາມຮັບຜິດຊອບສູງ ເຮັດໃຫ້ກອງປະຊຸມຄັ້ງນີ້ ບັນລຸຜົນສຳເລັດຕາມຄາດໝາຍທີ່ວາງໄວ້.

(ສອນສັກ ວັນວິໄຊ)