ວັນທີ 7 ມີນາ 2022 ຜ່ານມານີ້ໜ່ວຍສະຫະພັນຮາກຖານແມ່ຍິງສະພາປະຊາຊົນແຂວງຫລວງນ້ຳທາ ໄດ້ປາຖະກະຖາວັນສ້າງຕັ້ງແມ່ຍິງສາກົນຄົບຮອບ 112 ປີ (8 ມີນາ 1910 – 8 ມີນາ 2022) ໂດຍການໃຫ້ກຽດເປັນປະທານຂອງ ທ່ານ ນາງເກສອນ ແສງຍະວົງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 3 ແຂວງຫລວງນ້ຳທາ ປະທານຄະນະກຳມະການວັດທະນາທຳ-ສັງຄົມ, ຄະນະບໍລິຫານງານສະຫະພັນແມ່ຍິງແຂວງ ຊຸດທີ IX , ໃຫ້ກຽດເຂົ້າຮ່ວມໂດຍ                ທ່ານ ນາງອຸ່ນຫລ້າ ອ້ຽງລໍລາດ ກຳມະການພັກແຂວງ, ເລຂາໜ່ວຍພັກສະພາປະຊາຊົນແຂວງ, ຮອງປະທານສະພາປະຊາຊົນແຂວງ ມີບັນດາທ່ານອົງການຈັດຕັ້ງມະຫາຊົນພາຍໃນສະພາປະຊາຊົນແຂວງ, ອົງການໄອຍະການປະຊາຊົນແຂວງ ຕະຫລອດຮອດສະມາຊິກສະຫະພັນແມ່ຍິງພາຍໃນສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ທ່ານ ນາງເກສອນ ແສງຍະວົງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 3 ແຂວງຫລວງນ້ຳທາ, ປະທານຄະນະກຳມະການວັດທະນະທຳ-ສັງຄົມ, ຄະນະບໍລິຫານງານສະຫະພັນແມ່ຍິງແຂວງຊຸດທີ IX ໄດ້ໃຫ້ກຽດປາຖະກະຖາວັນແມ່ຍິງສາກົນຄົບຮອບ 112 ປີ, ວັນແມ່ຍິງສາກົນວັນທີ 8 ມີນາ ແມ່ນເຫດການການເມືອງທີ່ສຳຄັນເປັນຂີດໝາຍແຫ່ງໄຊຊະນະອັນພຶ້ນຖານ ຂອງຂະບວນການແມ່ຍິງສາກົນໃນການຕໍ່ສູ້ ທວງເອົາສິດຜົນປະໂຫຍດອັນຊອບທຳມາໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ວັນແມ່ຍິງສາກົນ ໄດ້ກຳເນີດເກີດຂຶ້ນ ໃນທ່າມກາງສະພາບເສດຖະກິດຂອງພວກສັກດີນາ ແລະ ນາຍທືນຂະຫຍາຍຕົວ ເມື່ອໂຮງຈັກ, ໂຮງງານອຸດສາຫະກຳຂອງນາຍທືນຂະຫຍາຍຕົວ ມັນໄດ້ສ້າງຄວາມຮັ່ງມີໃຫ້ແກ່ພວກນາຍທືນ, ແຕ່ຊໍ້າພັດຍິ່ງເພີ່ມຄວາມທຸກຍາກລຳບາກໃຫ້ແກ່ຊາວຜູ້ອອກແຮງງານ ໂດຍສະເພາະແມ່ນ ກຳມະກອນແມ່ຍິງ, ຢູ່ພາຍໃຕ້ລະບອບສັກດີນາ, ນາຍທືນ, ແມ່ຍິງຖືກກົດຂີ່ຂູດຮີດຢ່າງໜັກໜ່ວງ, ເຮັດວຽກຫລາຍຊົ່ວໂມງ ແຕ່ໄດ້ຮັບຄ່າຈ້າງແຮງງານດ້ວຍລາຄາຖືກ, ເຮັດວຽກບໍ່ມີການຮັບປະກັນ, ບໍ່ມີລະບອບປະກັນສຸຂະພາບຂອງແມ່ຍິງ ແລະ ເດັກນ້ອຍ ນອກນັ້ນແມ່ຍິງຍັງຖືກດູຖູກໝີ່ນປະໝາດ, ຖືເປັນຄືສີນຄ້າ, ເປັນເຄື່ອງຫລີ້ນ, ຖືກທຸບຕີ, ຖືກຂົ່ມຂືນທຳສຳເລົາ ແລະ ຖືກໄລ່ອອກຈາກວຽກ, ໃນເວລາຖືພາ, ເວລາອອກລູກ ຫລື ເວລາເຈັບເປັນ ບໍ່ໄດ້ຮັບການປີ່ນປົວ, , ມາຮອດເດືອນກຸມພາ 1909 ແມ່ຍິງອາເມລິກາ ໄດ້ຈັດພິທີສະຫລອງ ວັນແມ່ຍິງສາກົນເປັນເທື່ອທຳອິດ ແມ່ຍິງໃນເມືອງນີວຢອກ 3,000 ຄົນ ໄດ້ເຂົ້າຮ່ວມການຕໍ້ສູ້ຄັດຄ້ານລັດຖະບານ ທີ່ບໍຍອມໃຫ້ແມ່ຍິງມີສິດຮັບເລືອກຕັ້ງ ການຕໍ່ສູ້ດັ່ງກ່າວ ໄດ້ເປັນການລະດົມນ້ຳໃຈຕໍ່ສູ້ຂອງແມ່ຍິງທີ່ຖືກກົດຂີ່ຂູດຮີດຢູ່ບັນດາປະເທດໃນທົ່ວໂລກ, ມາເຖິງປີ 1910 ຂະບວນການຕໍ່ສູ້ຂອງແມ່ຍິງ ໄດ້ແຜ່ຂະຫຍາຍກວ້າງອອກໄປສູ່ປະເທດນາຍທືນ ຢູ່ທະວີບເອີລົບ ແລະ ໃນປີນີ້ເອງ ກອງປະຊຸມສາກົນກ່ຽວກັບບັນຫາແມ່ຍິງຄັ້ງທຳອິດ ໄດ້ຈັດຂຶ້ນຢູ່ ໂກເປນຮາກນະຄອນຫລວງຂອງປະເທດເດນມາກ ມີຜູ້ແທນ 100 ກວ່າຄົນ ຈາກ 17 ປະເທດເຂົ້າຮ່ວມ, ກອງປະຊຸມດັ່ງກ່າວໄດ້ຮັບຮອງ ແລະ ຕົກລົງເອົາວັນທີ 8 ມີນາ ຂອງທຸກໆປີ ເປັນວັນແມ່ຍິງສາກົນ, ວັນທີ 8 ມີນາ ແມ່ນເຫດການ-ການເມືອງ ທີ່ສຳຄັນ, ເປັນຂີດ   ໝາຍແຫ່ງໄຊຊະນະພຶ້ນຖານຂອງຂະບວນການແມ່ຍິງສາກົນ ໃນການຕໍ້ສູ້ທວງເອົາສິດຜົນປະໂຫຍດອັນເປັນທຳ ໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນືກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດດສລີພາບ ປະຊາທິປະໄຕ ຄືກັນກັບເພດຊາຍ.

ຂຽນໂດຍ ນາງ ອຳພອນ ສີປະເສີດ