ຕອນບ່າຍຂອງວັນທີ 27 ມິຖຸນາ 2024 ນີ້ໜ່ວຍພັກສະພາປະຊາຊົນແຂວງຫລວງນ້ຳທາ ໄດ້ຈັດພິທີຮັບມະຫາຊົນກ້າວໜ້າເຂົ້າພັກສຳຮອງ ຢ່າງເປັນທາງການ ຂຶ້ນທີ່ຫ້ອງປະຊຸມສະພາປະຊາຊົນແຂວງ ໂດຍການເປັນປະທານຂອງ ສະຫາຍ ນາງ ອຸ່ນຫລ້າ ອ້ຽງລໍລາດ ກຳມະການພັກແຂວງ ຮອງປະທານສະພາປະຊາຊົນແຂວງ ເລຂາໜ່ວຍພັກ ສະພາປະຊາຊົນແຂວງ, ມີບັນດາສະຫາຍສະມາຊິກພັກສົມບຸນ, ສໍາຮອງ ພາຍໃນໜ່ວຍພັກເຂົ້າຮ່ວມ 26 ສະຫາຍ, ຍິງ 13 ສະຫາຍ.
ໃນພິທີໄດ້ຮັບຟັງຜ່ານມະຕິຕົກລົງຄະນະປະຈຳພັກແຂວງ ເລກທີ 27/ຄປພຂ, ລົງວັນທີ 9 ພຶດສະພາ 2024, ມະຕິຕົກລົງຄະນະປະຈຳພັກແຂວງ ເລກທີ 25/ຄປພຂ, ລົງວັນທີ 9 ພຶດສະພາ 2024, ມະຕິຕົກລົງຄະນະປະຈຳພັກແຂວງ ເລກທີ 26/ຄປພຂ, ລົງວັນທີ 9 ພຶດສະພາ 2024 ແລະ ມະຕິຕົກລົງຄະນະປະຈຳພັກແຂວງ ເລກທີ 28/ຄປພຂ, ລົງວັນທີ 9 ພຶດສະພາ 2024 ວ່າດ້ວຍການຮັບມະຫາຊົນກ້າວໜ້າເຂົ້າພັກສໍາຮອງ ຈໍານວນ 04 ສະຫາຍ, ຍິງ 04 ສະຫາຍ, ໂດຍການໃຫ້ກຽດມອບຂອງສະຫາຍ ນາງ ອຸ່ນຫລ້າ ອ້ຽງລໍລາດ ກຳມະການພັກແຂວງ ຮອງປະທານສະພາປະຊາຊົນແຂວງ ເລຂາໜ່ວຍພັກ ສະພາປະຊາຊົນແຂວງ; ພ້ອມດຽວກັນນີ້ ສະຫາຍ ຍັງໄດ້ມີຄຳເຫັນໂອລົມ ຕໍ່ມະຫາຊົນກ້າວໜ້າເຂົ້າພັກສຳຮອງ ຈົ່ງສືບຕໍ່ສືກສາຮ່ຳຮຽນສ້າງຄວາມເຂັ້ມແຂງດ້ວຍຕົນເອງ, ມີສະຕິຕໍ່ການຈັດຕັ້ງ ມີຄຸນທາດການເມືອງໜັກແໜ້ນ ພ້ອມທັງເອົາໃຈໃສ່ຈັດຕັ້ງປະຕິບັດກົດລະບຽບຂອງພັກຢ່າງເຂັ້ມງວດ, ຕັ້ງໜ້າຝຶກຝົນຫລໍ່ຫລອມຕົນເອງ ໃຫ້ກາຍເປັນຜູ້ທີ່ມີຄວາມຮູ້, ຄວາມສາມາດ ເພື່ອໃຫ້ເລື່ອນຂຶ້ນເປັນສະມາຊິກພັກສົມບູນ.
ໂດຍ ນາງ ອຳພອນ ສີປະເສີດ