ໃນວັນທີ 29 ເມສາ 2024 ໜ່ວຍພັກສະພາປະຊາຊົນແຂວງ ໄດ້ຈັດພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ  ໂດຍການເປັນປະທານຂອງສະຫາຍ ບຸນສອນ ເພັດລາວັນ ຮອງເລຂາພັກແຂວງ ປະທານສະພາປະຊາຊົນແຂວງວຽງຈັນ, ເຂົ້າຮ່ວມມີຄະນະພັກ, ແຂກຖືກເຊີນຈາກຄະນະພັກບັນດາພະແນກການອອ້ມຂ້າງແຂວງ ແລະ  ສະມາຊິກພັກພາຍໃນໜ່ວຍສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ກອງປະຊຸມຍັງໄດ້ຮັບຟັງການຂື້ນຜ່ານມະຕິຕົກລົງຂອງຄະນະບໍລິຫານງານພັກແຂວງ ວ່າດ້ວຍການອະນຸມັດເລື່ອນສະມາຊິກພັກສໍາຮອງເປັນສະມາຊິກພັກສົມບູນ ຂອງພັກປະຊາຊົນປະຕິວັດລາວ ສະບັບເລກທີ 84 /ຄປພ.ວຈ ລົງວັນທີ 02 ເມສາ 2024 ຕາມກົດລະບຽບຂອງພັກປະຊາຊົນປະຕິວັດລາວ; ໃນພິທີດັ່ງກ່າວ ສະຫາຍ ບຸນສອນ ເພັດລາວັນ  ໄດ້ໃຫ້ກຽດກ່າວໂອ້ລົມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍກັບບັນດາສະຫາຍທີ່ໄດ້ເອົາໃຈໃສ່ໃນການຕັ້ງໜ້າຝຶກຝົນຫຼໍ່ຫຼອມຕົນເອງໃນທຸກໆດ້ານເພື່ອສ້າງຕົນເອງຈົນໄດ້ເລື່ອນຂຶ້ນມາເປັນສະມາຊິກພັກສົມບູນ ແລະ ຈົ່ງພ້ອມກັນສືບຕໍ່ຮັກສາມູນເຊື້ອດັ່ງກ່າວ ແລະ ພ້ອມກັນຝຶກຝົນຫຼໍ່ຫຼອມຕົນເອງ ປະຕິບັດມະຕິ, ຄໍາສັ່ງຂອງຂັ້ນເທິງ ກໍ່ຄືກົດລະບຽບຂອງພັກວາງອອກຢ່າງເຂັ້ມງວດ.

ພາບ – ຂ່າວ ບູລາຕີ ແສນທະວົງ, ທ້າວ ພຸດທະວົງ ວິລະວົງ