![](https://na.gov.la/wp-content/uploads/2023/03/337526048_956157235555795_26543324627001249_n.jpg)
![](https://na.gov.la/wp-content/uploads/2023/03/336714614_971556924196603_2093001625168422127_n.jpg)
![](https://na.gov.la/wp-content/uploads/2023/03/337259452_766583194713298_7011872447130423025_n.jpg)
ຕອນບ່າຍຂອງວັນພຸດ, ວັນທີ 22 ມີນາ 2023 ຢູ່ທີ່ຫ້ອງປະຊຸມສະພາປະຊາຊົນແຂວງ, ໜ່ວຍພັກ ສະພາປະຊາຊົນແຂວງອຸດົມໄຊ ໄດ້ຈັດກອງປະຊຸມເຜີຍແຜ່ເອກະສານສໍາຄັນຂອງພັກ-ຂອງຊາດຂຶ້ນ, ໂດຍການເປັນປະທານຂອງສະຫາຍ ຄໍາດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງ ແລະ ສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ, ມີບັນດາສະຫາຍຄະນະພັກ ແລະ ສະມາຊິກພັກສົມບູນ-ສໍາຮອງພາຍໃນໜ່ວຍພັກສະພາປະຊາຊົນແຂວງເຂົ້າຮ່ວມ.
![](https://na.gov.la/wp-content/uploads/2023/03/337291236_3169553940014621_8741033523905949539_n.jpg)
![](https://na.gov.la/wp-content/uploads/2023/03/337128211_1619999228445996_5711779838504852884_n.jpg)
![](https://na.gov.la/wp-content/uploads/2023/03/337247172_698673432046649_7651460820841546687_n.jpg)
ບັນດາເອກະສານທີນໍາມາເຜີຍແຜ່ໃນຄັ້ງນີ້ປະກອບມີ: ມູນເຊື້ອແຫ່ງການນໍາພາຂອງພັກ ເຂົ້າໃນການຈັດຕັ້ງປະຕິບັດພາລະກິດປ່ຽນແປງໃໝ່ຢ່າງແຂງແຮງ ແລະ ເລິກເຊິ່ງ, ເນື່ອງໃນໂອກາດວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 68 ປີ(22 ມີນາ 1955-22 ມີນາ 2023), ເອກະສານວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ວັນເສຍສະຫຼະຊີວິດເພື່ອປະເທດຊາດ 21/3/1946 ສະເໜີໂດຍສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ ແລະ ໄດ້ຮັບຟັງການເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 5 ສະໄໝທີ XI, ມະຕິກອງປະຊຸມຄົບຄະນະບໍລິຫານງາານພັກແຂວງອຸດົມໄຊຄັ້ງທີ 7 ສະໄໝທີ IX ສະເໜີໂດຍສະຫາຍ ຄໍາດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງ.
![](https://na.gov.la/wp-content/uploads/2023/03/337233524_5813170292141786_1142970759514468679_n.jpg)
![](https://na.gov.la/wp-content/uploads/2023/03/336998860_783018209911284_1570189310935724564_n.jpg)
ຫຼັງຈາກນັ້ນ, ຄະນະພັກໄດ້ຜ່ານຮ່າງບົດສະຫຼຸບການເຄື່ອນໄຫວນຳພາ-ຊີ້ນຳ ຂອງຄະນະພັກສະພາປະຊົນແຂວງ ປະຈໍາເດືອນ 3, ວາງທິດທາງແຜນການ ປະຈໍາເດືອນ 4 ປີ 2023 ແລະ ຜ່ານຮ່າງບົດສະຫຼຸບການເຄື່ອນໄຫວນຳພາ-ຊີ້ນຳ ປະຈໍາໄຕມາດ I ຕົ້ນປີ ແລະວາງທິດທາງແຜນການ ປະຈໍາ 9 ເດືອນທ້າຍປີ 2023.
![](https://na.gov.la/wp-content/uploads/2023/03/337233957_3368617163354873_7143514467599467901_n.jpg)
![](https://na.gov.la/wp-content/uploads/2023/03/337138169_1467546284001067_4715253974026396860_n.jpg)
ຫລັງຈາກນັ້ນ, ບັນດາສະມາຊິກພັກຜູ້ເຂົ້າຮ່ວມໄດ້ປະກອບຄໍາຄິດຄໍາເຫັນໃສ່ຮ່າງບົດສະຫຼຸບການເຄື່ອນໄຫວດັ່ງກ່າວຢ່າງກົງໄປກົງມາ, ຕໍານິສົ່ງຂ່າວ, ກໍ່ສ້າງເຊິ່ງກັນ ແລະ ກັນ ພາຍໃນໜ່ວຍພັກຢ່າງເປັນປົກກະຕິ.
![](https://na.gov.la/wp-content/uploads/2023/03/337300198_540087494903176_1576404021907685417_n.jpg)
ພາບ/ຂ່າວ: ແສງພອນ ອິນນະລົງ.