ຕອນເຊົ້າຂອງວັນພຸດ, ວັນທີ 22 ກຸມພາ 2023 ຢູ່ທີ່ຫ້ອງປະຊຸມສະພາປະຊາຊົນແຂວງ, ໜ່ວຍພັກ ສະພາປະຊາຊົນແຂວງອຸດົມໄຊ ໄດ້ຈັດກອງປະຊຸມເຜີຍແຜ່ເອກະສານກົມການເມືອງສູນກາງພັກ, ໂດຍການເປັນປະທານຂອງສະຫາຍ ຄໍາດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງ, ມີສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ, ສະຫາຍ ຄໍາເຜີຍ ງອນວັນຄຳ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ, ບັນດາສະຫາຍຄະນະພັກ ແລະ ສະມາຊິກພັກສົມບູນ-ສໍາຮອງພາຍໃນໜ່ວຍພັກ ສະພາປະຊາຊົນແຂວງເຂົ້າຮ່ວມ.
ບັນດາເອກະສານທີນໍາມາເຜີຍແຜ່ຄັ້ງນີ້ປະກອບມີ: ມະຕິເລກທີ 21/ກມສພ, ລົງວັນທີ 9 ພະຈິກ 2022 ກົມການເມືອງສູນກາງພັກ ວ່າດ້ວຍ ການຕີລາຄາພະນັກງານ, ແຈ້ງການແນະນໍາຄະນະຈັດຕັ້ງສູນກາງພັກເລກທີ 322/ຄຈສພ, ລົງວັນທີ 2 ພະຈິກ 2022 ເລື່ອງການປະຕິບັດແຜນກໍານົດພະນັກງານນໍາພາ-ຄຸ້ມຄອງ ແລະ ເອກະສານປະ ຖະກະຖາວັນສ້າງຕັ້ງອົງການກວດກາພັກ-ລັດ ຄົບຮອບ ສປປລາວ ຄົບຮອບ 41 ປີ 16 ກຸມພາ 1982-16 ກຸມພາ 2023.
ຫຼັງຈາກນັ້ນ, ສະຫາຍເລຂາໜ່ວຍພັກໄດ້ຜ່ານຮ່າງບົດສະຫຼຸບການເຄື່ອນໄຫວ ນຳພາ-ຊີ້ນຳ ຂອງຄະນະພັກສະພາປະຊົນແຂວງ ປະຈໍາເດືອນ 2 ປີ 2023 ແລະ ວາງທິດທາງແຜນການ ປະຈໍາເດືອນ 3 ປີ 2023, ຫລັງຈາກນັ້ນ ຜູ້ເຂົ້າຮ່ວມໄດ້ມີຄໍາຄິດຄໍາເຫັນໃສ່ຮ່າງບົດສະຫຼຸບການເຄື່ອນໄຫວດັ່ງກ່າວ, ຕໍານິສົ່ງຂ່າວ, ກໍ່ສ້າງເຊິ່ງກັນ ແລະ ກັນ ພາຍໃນໜ່ວຍພັກຢ່າງກົງໄປກົງມາ.
ປະຕິບັດຕາມວະລະ, ກອງປະຊຸມຍັງໄດ້ຄົ້ນຄວ້າ, ພິຈາລະນາ ແລະ ຮັບຮອງເອົາການເລື່ອນສະມາຊິກພັກສໍາຮອງເປັນສະມາຊິກພັກສົມບູນຈໍານວນ 3 ສະຫາຍຕື່ມອີກ.
ພາບ/ຂ່າວ: ແສງພອນ ອິນນະລົງ.