(ສພຊ) ກອງປະຊຸມດໍາເນີນຊີວິດການເມືອງທ້າຍສະໄໝທີ VIII ຄະນະບໍລິຫານງານພັກແຂວງຊຽງຂວາງ ໄດ້ດຳເນີນໃນລະຫວ່າງວັນທີ 8-10 ຕຸລາ 2020 ທີ່ຫ້ອງປະຊຸມຫ້ອງວ່າການແຂວງຊຽງຂວາງ ໂດຍການເຂົ້າຮ່ວມຂອງສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ; ເຂົ້າຮ່ວມມີສະຫາຍ ບຸນຕົ້ນ ຈັນທະພອນ ເລຂາຄະນະບໍລິຫານງານພັກແຂວງ, ເຈົ້າແຂວງໆຊຽງຂວາງ; ມີບັນດາສະຫາຍຮອງເລຂາພັກແຂວງ, ຮອງປະທານກວດກາສູນກາງພັກ, ຄະນະປະຈໍາພັກແຂວງ, ກໍາມະການພັກແຂວງ ພ້ອມດ້ວຍພາກສ່ວນທີ່ກ່ຽວຂ້ອງ.

ໃນກອງປະຊຸມດຳເນີນຊີວິດການເມືອງທ້າຍສະໄໝຄັ້ງນີ້ ຜູ້ແທນກອງປະຊຸມໄດ້ພ້ອມກັນພິຈາລະນາຮັບຮອງ ແລະ ປະກອບຄຳຄິດຄຳເຫັນໃສ່ບັນຫາສຳຄັນຄື: ຮ່າງບົດສໍາຫລວດການນໍາພາລວມຂອງຄະນະພັກແຂວງ, ດຳເນີນການສຳຫລວດກວດກາຕໍ່ການຊີ້ນໍາ-ນໍາພາລວມຂອງຄະນະພັກ ແລະ ບຸກຄົນ, ພິຈາລະນາຮັບຮອງເອົາບຸກຄະລາກອນທີ່ຈະສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກແຂວງຊຽງຂວາງ ສະໄໝທີ VIII ແລະ ຄົ້ນຄວ້າຕົກລົງບັນຫາສໍາຄັນອື່ນໆ ເພື່ອກະກຽມຄວາມພ້ອມດ້ານຕ່າງໆໃຫ້ແກ່ການດຳເນີນກອງປະຊຸມໃຫຍ່ອົງຄະນະພັກແຂວງຊຽງຂວາງ ຄັ້ງທີ VIII ໃຫ້ໄດ້ຮັບການຈັດຕັ້ງປະຕິບັດຕາມກໍານົດ ແລະ ມີຜົນສໍາເລັດຕາມຄາດໝາຍ; ນອກນີ້, ກອງປະຊຸມຍັງໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຈາກສະຫາຍ ນາງ ປານີ ຢາທໍ່ຕູ້.

ແຫຼ່ງຂ່າວທີ່ມາ: ສະພາແຫ່ງຊາດ