ໃນວັນທີ 23 ຕຸລາ 2023 ສະມາຊິກສະພາປະຊາຊົນແຂວງ ໄດ້ລົງເຄື່ອນໄຫວຕິດຕາມກວດກາ ແລະ ຊຸກຍູ້ ການຈັດຕັ້ງປະຕິບັດລັດຖະທໍາມະນູນ, ກົດຫມາຍ ແລະ ມະຕິກອງປະຊຸມ ປະຈໍາປີ 2023 ຂອງຄະນະສະມາຊິກສະພາແຫ່ງຊາດ ແລະ ມະຕິກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງຊຸດທີ II ຢູ່ທີເມືອງຄອບ ແຂວງໄຊຍະບູລີ ທີຫ້ອງປະຊຸມຂອງຫ້ອງວ່າການເມືອງຄອບ ເຊິງນຳໂດຍທ່ານ ນາງ ວັນນາ ພົມວິສອນ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ7 ເລຂາທິການສະພາປະຊາຊົນແຂວງ ພ້ອມຄະນະ, ໂດຍໃຫ້ການຕ້ອນຮັບ ຂອງທ່ານ ບຸນຈັນ ເສດຈໍາປາ ຄະນະປະຈໍາພັກເມືອງ, ຮອງເຈົ້າເມືອງໆ ຄອບ, ມີບັນດາທ່ານສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ, ທ່ານຫົວໜ້າ, ຮອງຫົວໜ້າຫ້ອງການ, ຂົງເຂດເສດຖະກິດ, ແຜນການ ແລະ ການເງິນ, ຂົງເຂດວັດທະນະທຳ-ສັງຄົມ ແລະ ບັນດາເຜົ່າ, ຂົງເຂດຍຸຕິທຳ, ປກຊ-ປກສ ພ້ອມດ້ວຍບັນດາທ່ານພະນັກງານ-ລັດຖະກອນ ຊ່ວຍວຽກສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງເຂົ້າຮ່ວມ.

     

ໃນໂອກາດທີ່ສະມາຊິກສະພາແຫ່ງຊາດໄດ້ລົງເຄື່ອນ ໄຫວຕິດຕາມກວດກາ ແລະ ຊຸກຍູ້ຢູ່ທີເມືອງຄອບ ໃນເທຶ່ອນີ້ໄດ້ຮັບຟັງການລາຍງານຫຍໍ້ກ່ຽວກັບສະພາບ ການພັດ ທະນາເສດຖະກິດ-ສັງຄົມ; ຮັບຟັງການລາຍງານຂອງບັນດາຫ້ອງການຂັ້ນເມືອງ ພ້ອມທັງໄດ້ຄົ້ນຄວ້າປະ ກອບຄຳຄິດເຫັນ ແລະ ສະເໜີຕໍ່ສະພາເພື່ອເປັນບ່ອນອີງໃນການປັບປຸງແກ້ໄຂບັນຫາຄົງຄ້າງ ໃຫ້ໄດ້ຮັບການຄົນຄວ້າ ພິຈາ ແລະ ຮັບຮອງ, ເພື່ອສືບຕໍ່ປັບປຸງແກ້ໄຂໃນຕໍ່ໜ້າເຮັດໃຫ້ເມືອງຄອບ ໄດ້ຮັບການພັດທະນາດີຂຶ້ນເປັນກ້າວໆ.

ໂດຍ:ອິນທີ ຂຽວສີຟ້າ