ໃນວັນທີ 27–29 ມີນາ 2023 ທ່ານ ສົມພອນ ສີອຸດົມພັນຮອງປະທານຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 6 ໄດ້ລົງພົບປະຜູ້ມີສິດເລືອກຕັ້ງ ເພື່ອເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີIX ແລະ ສະພາປະຊາຊົນແຂວງ ຊຸດທີ II ຢູ່ເມືອງປາກແຊງລວມມີ 5 ຈຸດ, ມີ 5 ບ້ານຄື: ບ້ານ ຫາດຮີດ, ບ້ານ ຫ້ວຍໂພ, ບ້ານວັງເງິນ, ບ້ານ ສົບແຈກ ແລະ ບ້ານ ນາໂພ, ມີຜູ້ມີສິດເລືອກຕັ້ງເຂົ້າຮ່ວມຮັບຟັງທັງໝົດ 382 ຄົນ, ຍິງ 198 ຄົນ; ການລົງເຄື່ອນໄຫວວຽກງານໃນຄັ້ງນີ້ ໄດ້ມີຫົວໜ້າ ຫຼື ຮອງຫົວໜ້າຫ້ອງການພາຍໃນເມືອງ, ຫ້ອງການການເງິນເມືອງ, ຫ້ອງການແຮງງານ ແລະ ສະຫວັດດີການສັງຄົມເມືອງ, ຫ້ອງການອຸດສາຫະກຳ ແລະ ການຄ້າເມືອງ ແລະ ສະຫະພັນແມ່ຍິງເມືອງຕິດຕາມໄປນໍາ, ການລົງພົບປະໂອ້ລົມພໍ່ແມ່ປະຊາຊົນໃນແຕ່ລະບ້ານ ແມ່ນໄດ້ຮັບຟັງການລາຍງານສະພາບລວມໂດຍຫຍໍ້ ຈາກອໍານາດການປົກຄອງບ້ານ, ຫຼັງຈາກນັ້ນ, ທ່ານ ສົມພອນ ສີອຸດົມພັນ ກໍໄດ້ໃຫ້ກຽດເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ແລະ ສະພາປະຊາຊົນແຂວງ ໃຫ້ພໍ່ແມ່ປະຊາຊົນບັນດາເຜົ່າ ພາຍໃນບ້ານ ໄດ້ຮັບຮູ້ ແລະເຂົ້າໃຈທົ່ວເຖິງກັນ, ພ້ອມກັນນັ້ນ ກໍຍັງໄດ້ຮັບຟັງ ແລະ ຕອບຂໍ້ຂັດຂ້ອງໝອງໃຈ ຂອງຜູ້ມີສິດເລືອກຕັ້ງຈໍານວນໜຶ່ງ.

  ​​​​​​​​ພາບ ນາງ ຄໍາຫຼ້າສະວະບຸດ,   ຂ່າວ ສຸດາກອນ ໂພສະຫວັດ