(ສພຊ) ໃນຕອນເຊົ້າວັນຈັນທີ 17 ກັນຍາຜ່ານມາ ທີ່ຫ້ອງປະຊຸມຄະນະເລຂາທິການສະພາ ແຫ່ງຊາດ (ຫລັກ 6) ນະຄອນຫລວງວຽງຈັນ ໄດ້ມີພິທີປະກາດກົງຈັກການຈັດຕັ້ງຂັ້ນກົມ ແລະ ຂັ້ນພະແນກ, ແລະ ພິທີມອບບັດສະມາຊິກພັກໃຫ້ສະມາຊິກພັກພາຍໃນສະພາແຫ່ງຊາດ ໂດຍການເປັນປະທານຂອງສະຫາຍ ແສງນວນ ໄຊຍະລາດ ເລຂາທິການສູນກາງພັກ, ເລຂາຄະນະພັກ, ຮອງປະທານສະພາແຫ່ງຊາດ; ເຂົ້າຮ່ວມມີບັນດາປະທານ-ຮອງປະທານກໍາມາທິການ, ຄະນະເລຂາທິການ, ສະຖາບັນຄົ້ນຄວ້ານິຕິກໍາ, ຄະນະສະມາຊິກສະພາແຫ່ງຊາດເພດຍິງ,​ ຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ, ສະມາຊິກພັກ ແລະ ພາກສ່ວນທີ່ກ່ຽວຂ້ອງ.

ຈູດປະສົງຂອງກອງປະຊຸມ ກໍເພື່ອຈັດຕັ້ງເຜີຍແຜ່ເນື້ອໃນເອກະສານການແຕ່ງຕັ້ງຕໍາແໜ່ງບໍ ລິຫານປະເພດ 3 (ຮອງຫົວໜ້າກົມ), ປະເພດ 4 (ຫົວໜ້າພະແນກ) ແລະ ປະເພດ 5 (ຮອງຫົວໜ້າ ພະແນກ) ໃຫ້ແກ່ພະນັກງານລັດຖະກອນພາຍໃນສະພາແຫ່ງຊາດ ເພື່ອຮັບຊາບ ແລະ ຈັດຕັ້ງປະຕິ ບັດ. ໃນນັ້ນ, ປະກອບມີ ຮອງຫົວໜ້າກົມ ທ່ານ, ຫົວໜ້າພະແນກ ທ່ານ, ຮອງຫົວໜ້າພະແນກ ທ່ານ.

ຫລັງຈາກນັ້ນ, ກໍໄດ້ມີພິທີມອບບັດສະມາຊິກພັກ ໃຫ້ສະມາຊິກພັກທັງຫມົດ 33 ສະຫາຍ ຍິງ 12 ສະຫາຍ ເຊິ່ງມອບໂດຍສະຫາຍ ແສງນວນ ໄຊຍະລາດ; ຈຸດປະສົງຂອງການອອກບັດ ແລະ ມອບບັດໃນຄັ້ງນີ້ ແມ່ນການຢັ້ງຢືນເຖິງຖານະນາມຂອງສະມາຊິກພັກສົມບູນຂອງພັກປະຊາຊົນປະ ຕິວັດລາວ ທັງນໍາໃຊ້ເຂົ້າໃນວຽກງານຂອງພັກຕາມທີ່ກໍານົດໄວ້ໃນກົດລະບຽບຂອງພັກ; ເພື່ອຄຸ້ມ ຄອງສະມາຊິກພັກ​ດ້ານຈໍານວນ ແລະ ຄຸນນະພາບໃຫ້ເປັນເອກະພາບໃນທົ່ວພັກ, ເຮັດໃຫ້ຄະນະພັກ ຂັ້ນຕ່າງໆ ສາມາດຕິດຕາມກວດກາສະມາຊິກພັກໄດ້ງ່າຍ, ທັງເປັນການຄຸ້ມຄອງການຈັດຕັ້ງພັກ ແລະ ປ້ອງກັນພັກ,​ ສະກັດກັ້ນກຸ່ມຄົນບໍ່ດີສວຍໂອກາດປອມແປງ, ເລັດລອດເຂົ້າໃນການຈັດຕັ້ງ ພັກ; ເພື່ອຍົກສູງບົດບາດ ແລະ ຄວາມສາມາດນໍາພາຂອງພັກກໍາອໍານາດ, ປັບປຸງທັດສະນະ​ຫຼັກໝັ້ນ,

ອຸດົມການ, ແນວຄິດ ແລະ ການກະທໍາຂອງສະມາຊິກພັກໃຫ້ມີຄວາມໜັກແໜ້ນ.

ໃນຕອນທ້າຍ, ສະຫາຍຮອງເລຂາຄະນະພັກສະພາແຫ່ງຊາດ ໄດ້ໃຫ້ຮູ້ເຖິງເງື່ອນໄຂຂອງ ສະມາຊິກພັກທີ່ຈະໄດ້ຮັບບັດ, ບໍ່ໄດ້ຮັບບັດ, ຖືກຖອນບັດ, ແລະ ການນໍາໃຊ້ບັດສະມາຊິກ; ພ້ອມ ກັນນັ້ນ, ສະຫາຍ ແສງນວນ ໄຊຍະລາດ ຍັງໄດ້ເນັ້ນໃຫ້ບັນດາສະຫາຍທີ່ໄດ້ຮັບການແຕ່ງຕັ້ງຕໍາແໜ່ງບໍລິຫານໃນປະເພດຕ່າງໆ ເພື່ອໃຫ້ບັນດາສະຫາຍໄດ້ເປັນຂໍ້ຄິດດັ່ງນີ້: ຕ້ອງມີຄວາມພາກພູມໃຈຕໍ່ຜົນງານ ແລະ ການປະຕິບັດໜ້າທີວຽກງານຂອງຕົນເອງໃນໄລຍະຜ່ານມາ ຈຶ່ງໄດ້ຮັບການຕອບ ແທນຄືໃນວັນນີ້ (ໄດ້ເລື່ອນຊັ້ນ); ຕ້ອງລະລຶກເຖິງການຊຸກຍູ້ຊ່ວຍເຫຼືອ, ການບໍາລຸງສ້າງສະຫາຍ ຂອງການນໍາຂັ້ນຕ່າງໆ ກໍຄື່ເພື່ອນຮ່ວມງານ ຈຶ່ງເຮັດໃຫ້ເຮົາມີຜົນງານອັນພົນເດັ່ນ ແລະ ໄດ້ຮັບການແຕ່ງຕັ້ງໃນຕໍາແໜ່ງບໍລິຫານປະເພດຕ່າງໆ; ສືບຕໍ່ເອົາໃຈໃສ່ຈັດຕັ້ງປະຕິບັດໜ້າທີ່ວຽກງານຕາມທີ່ໄດ້ຮັບມອບໝາຍ ໃນຕໍາແໜ່ງໃໝ່ນີ້ຢ່າງຫ້າວຫັນ ແລະ ຕ້ອງຮັກສາມູນເຊື່ອໃຫ້ດີ; ເປັນແບບຢ່າງທີ່ດີໃຫ້ແຕ່ພະນັກງານ-ລັດຖະກອນທີ່ຢູ່ໃຕ້ການຄຸ້ມຄອງຂອງຕົນເອງ; ເອົາໃຈໃສ່ເປັນເຈົ້າການຊ່ວຍການຈັດຕັ້ງ ໃນການເຮັດວຽກງານສຶກສາອົບຮົມ-ການເມືອງແນວຄິດພະນັກງານລັດຖະກອນທີ່ຢູ່ໃນຄວາມຮັບຜິດຊອບຂອງຕົນເອງ; ເປັນເຈົ້າການໃນການປັບປຸງລະບອບແບບແຜນ ແລະ ວິທີການເຮັດວຽກຂອງຕົນໃຫ້ມີປະສິດທິຜົນ ແລະ ສູງກວ່າເກົ່າ; ເອົາໃຈໃສ່ຍົກສູງຄວາມຮູ້ຄວາມ ສາມາດທາງດ້ານວິຊາສະເພາະໃຫ້ຕົນເອງໄດ້ຮັບການພັດທະນາຢ່າງຕໍ່ເນື່ອງ.

(ສົມນຶກ ແກ້ວໄຊຍະຈັກ)