ໃນຕອນເຊົ້າຂອງວັນທີ 10 ເມສາ 2024 ນີ້, ສະພາປະຊາຊົນແຂວງໄຊຍະບູລີ ໄດ້ຈັດພິທີເລົ່າຄືນມູນ ວັນສ້າງຕັ້ງພັກປະຊາຊົນປະຕິວັດລາວຄົບຮອບ 69 ປີ (22 ມີນາ 1955 – 22 ມີນາ 2024), ວັນນັກຮົບເສຍອົງຄະ ແລະ ເສຍສະຫຼະຊິວິດເພື່ອປະເທດຊາດຄົບຮອບ 78 ປີ( 21 ມີນາ 1946 -21 ມີນາ 2024 ທີ່ຫ້ອງປະຊຸມສະພາປະຊາ ຊົນແຂວງ. ໂດຍໃຫ້ກຽດເຂົ້າຮ່ວມຂອງ ທ່ານ ນາງ ວັນນາ ພົມວິສອນ ເລຂາທິການ ສະພາປະຊາຊົນແຂວງ, ມີຮອງເລຂາທິ ການ,ບັນດາຫົວໜ້າ-ຮອງຫົວໜ້າຂະແໜງການ, ພະນັກ ງານຫຼັກແຫຼງພາຍສະພາປາຊົນແຂວງເຂົ້າຮ່ວມ.

ໃນພິທີທີ່ມີຄວາມໝາຍຄວາມສໍາຄັນນີ້ ທ່ານ ເລຂາທິການສະພາປະຊາຊົນແຂວງໄຊຍະບູລີ, ກໍ່ໄດ້ໃຫ້ກຽດເລົ່າຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວຄົບຮອບ 69 ປີ ໂດຍໄດ້ຍົກໃຫ້ເຫັນມູນເຊື້ອຮັກຊາດ, ນໍ້າໃຈຕໍ່ສູ້ອັນພິລະອາດຫານບໍ່ຍອມຈຳນົນຂອງປະຊາຊົນບັນດາເຜົ່າທຸກຊັ້ນຄົນເຂົ້າໃນການຕໍ່ສູ້ກູ້ຊາດຕ້ານການຮຸກຮານຂອງພວກຈັກກະພັດລ່າເມືອງຂື້ນແບບເກົ່າ ແລະ ໃໝ່, ພາຍໃຕ້ຊີ້ນຳ-ນຳພາອັນສະຫຼາດສ່ອງໃສຂອງພັກປະຊາຊົນປະຕິ ວັດລາວຈົນສາມາດຍາດໄດ້ເອກະລາດ, ອິດສະຫຼະພາບ, ອະທິປະໄຕ ແລະ ຜືນແຜ່ນດີນອັນຄົບຖ້ວນມາສູ່ປວງຊົນລາວທັງຊາດ ແລະ ສະຖາປະນາເປັນປະເທດ ສາທາລະ ນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ. ນັບແຕ່ປີ 1975 ເປັນຕົ້ນມາ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ກ້າວເຂົ້າສູ່ໄລຍະໃໝ່ຂອງການປະຕິວັດ ພັກປະຊາຊົນປະຕິວັດລາວໄດ້ກາຍເປັນພັກກຳອຳນາດ ຊື່ງມີລັດປະຊາທິປະໄຕປະຊາຊົນເປັນເຄື່ອງມືອັນແຫຼມຄົມເພື່ອຄຸ້ມຄອງສັງຄົມ. ໃນເງື່ອນໄຂທີ່ພັກເປັນພັກກຳອຳນາດທີ່ຕັ້ງ ແລະ ພາລະບົດບາດຂອງພັກໄດ້ມີການປ່ຽນແປງຄື: ປະຊາຊົນຊາວຜູ້ອອກແຮງງານລາວບັນດາເຜົ່າໄດ້ກາຍເປັນເຈົ້າຂອງປະເທດຊາດທີ່ມີເອກະລາດ ອະທິປະໄຕ ແລະ ຜືນແຜ່ນດີນອັນຄົບຖ້ວນຂອງຕົນ ປະເທດຊາດໄດ້ກ້າວເຂົ້າສູ່ໄລຍະໃໝ່ແຫ່ງການສ້າງສາພັດທະນາ ເພື່ອຄວາມຈະເລີນຮຸ່ງເຮືອງ ຄວາມສົມບູນພູນສຸກຂອງປະຊາຊົນລາວຢ່າງແທ້ຈີງ,

ຈາກນັ້ນທ່ານ ເລຂາທິການສະພາປະຊາຊົນແຂວງໄຊຍະບູລີ ຍັງໄດ້ໃຫ້ກຽດປາຖະກະຖາ, ວັນນັກຮົບເສຍອົງຄະ ເສຍສະຫຼະຊິວິດເພື່ອປະເທດຊາດຄົບຮອບ 78 ປີ ຕື່ມອີກ.

                                                                                                                                                                                                                                                                                          ພາບ-ຂ່າວ: ອິນທີ ຂຽວສີຟ້າ