ໃນຕອນເຊົ້າຂອງວັນທີ 16 ທັນວາ 2022 ຢູ່ທີ່ຫ້ອງປະຊຸມສະພາປະຊາຊົນ ແຂວງສະຫວັນນະເຂດ ໄດ້ຈັດຕັ້ງພິທີປາຖະກະຖາຫວນຄືນມູນເຊື້ອວັນຊາດທີ 02 ທັນວາຄົບຮອບ 47 ປີ ແລະ ວັນຄ້າຍວັນເກີດຂອງ ປະທານ ໄກສອນພົມວິຫານ ຄົບຮອບ 102 ປີ ເຊິ່ງໃຫ້ກຽດເປັນປະທານໃນພິທີໂດຍທ່ານ ນາງ ພູທອນ ແກ້ວພູວົງ ຮອງປະທານສະພາປະຊາຊົນແຂວງ ບັນດາທ່ານ ຄະນະປະຈໍາ, ປະທານ, ຮອງປະທານຄະນະກໍາມະການ, ຄະນະເລຂາທິການ, ພ້ອມທັງບັນດາຫົວໜ້າ, ຮອງຫົວໜ້າຂະແໝງ, ພະນັກງານວິຊາການທັງໝົດພາຍໃນສະພາປະຊາຊົນແຂວງເຂົ້າຮ່ວມ.

ຈາກນັ້ນໃນພິທີ ທ່ານ ນາງ ພູທອນ ແກ້ວພູວົງ ກໍ່ໄດ້ໃຫ້ກຽດປາຖະກະຖາ ໂດຍທ່ານຍົກໃຫ້ເຫັນວ່າ: ກ່ອນວັນທີ 02 ທັນວາ 1975 ຄືນຫຼັງ ປະເທດຊາດບ້ານເມືອງຂອງພວກເຮົາ ຖືກຈັກະພັດຕ່າງດ້າວທັງແບບເກົ່າ ແລະ ແບບໃໝ່ເຂົ້າມາຮຸກຮານ ປະຊາຊົນລາວບັນດາເຜົ່ານັບແຕ່ເໜືອເຖິງໃຕ້ກໍ່ໄດ້ຕໍ່ສູ້ຢ່າງອົງອາດກ້າຫານ ແຕ່ກໍ່ບໍ່ໄດ້ຮັບໄຊຊະນະ ຍ້ອນບໍ່ມີພັກນຳພາ,ພາຍຫຼັງພັກ ປະຊາຊົນ ປະຕິວັດລາວ ໄດ້ຮັບການສ້າງຕັ້ງຂື້ນ,ໂດຍແມ່ນ ປະທານໄກສອນ ພົມວິຫານ ເປັນຜູ້ນຳພາ ປະຊາຊົນລາວ ບັນດາເຜົ່າຕໍ່ສູ້ຈົນໄດ້ຮັບໄຊຊະນະເປັນຂັ້ນໆມາ ແບບບົວບໍ່ຊ້ຳ ນ້ຳບໍ່ຂຸ້ນແຕ່ຈັບປາໄດ້ ແລະ ກໍ່ໄດ້ສະຖາປະນາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ຂື້ນໃນວັນທີ 02 ທັນວາ 1975 ມາໃນປີນີ້ ກໍ່ຄົບຮອບ 47 ປີພໍດີ; ໄຊຊະນະນັ້ນບໍ່ສະເພາະແຕ່ໄດ້ຟື້ນຟູຄວາມເປັນເອກະລາດຂອງປະເທດເຮົາ,ຫາກຍັງເປັນຄັ້ງທໍາອິດ ທີ່ປະຊາຊົນລາວບັນດາເຜົ່າ ຜູ້ເຄີຍດໍາລົງຊີວິດເປັນທາດ ໄດ້ກາຍມາເປັນເຈົ້າຂອງແທ້ຈິງຂອງຊາດໜື່ງ ທີ່ມີເອກະລາດ,ມີອິດສາລະພາບຢ່າງສົມບູນ ແລະ ພວມກ້າວຂື້ນສູ່ສັງຄົມນິຍົມ,ເຮັດໃຫ້ຄວາມມຸ້ງຫວັງອັນແຮງກ້າຂອງປວງຊົນລາວ ກໍ່ຄືຂອງມວນມະນຸດປະກົດເປັນຈິງຢູ່ບົນຜືນແຜ່ນດິນອັນແສນຮັກຂອງພວກເຮົາ,ຄຽງຄູ່ກັນນີ້ ທ່ານຍັງໄດ້ຍົກໃຫ້ເຫັນເຖິງການນໍາພາ-ຊີ້ນໍາຂອງພັກໃນໄລຍະ ໃໝ່ ກໍ່ຄືໄລຍະການສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງສີວິໄລ ແລະ ກ້າວໜ້າຂື້ນໄປເລື້ອຍໆ ພາຍຫຼັງທີ່ໄດ້ຮັບຟັງການປາຖະກະຖາເອກະສານທີ່ໜຶ່ງໄປແລ້ວນັ້ນ ທ່ານກໍ່ໄດ້ສຶບຕໍ່ປາຖະກະຖາເອກະສານທີສອງເຊິ່ງກ່ຽວພັນກັບຜູ້ນໍາທີ່ແສງເຂົາລົບຮັກກໍ່ຄື ວັນຄ້າຍວັນເກີດຂອງ ປະທານໄກສອນພົມວິຫານ ຄົບຮອບ 102 ປີ ໃນນີ້ທ່ານໄດ້ຍົກໃຫ້ເຫັນກ່ຽວກັບ ຊີວິດ ແລະ ການເຄື່ອນໄຫວປະຕິວັດຂອງປະທານ ໄກສອນພົມວິຫານ, ຜົນງານໃນການຊີ້ນໍາ-ນໍາພາ ພາລະກິດປະຕິວັດ, ພ້ອມທັງຄຸນງາມຄວາມດີຂອງປະທານ ໄກສອນ ພົມວິຫານ ແລະ ກໍ່ໄດ້ເນັ້ນໜັກເສີມຂະຫຍາຍ, ສຶບທອດມໍລະດົກອັນລໍ້າຄ່າທີ່ເພິ່ນໄດ້ສ້າງໄວ້ ໃຫ້ເປັນມູນເຊື້ອປະຕິວັດ, ຄຸນທາດການເມືອງ, ຄຸນສົມບັດສິນທໍາ, ແບບແຜນວິທີເຮັດວຽກ ແລະ ການດໍາລົງຊີວິດຂອງປະທານໄກສອນ ພົມວິຫານ ໄດ້ເປັນແວ່ນແຍງອັນໃສແຈ້ງໃຫ້ພະນັກງານ, ສໍາມະຊິກພັກ ແລະ ພົນລະເມືອງລາວທຸກຊັ້ນຄົນ