ໃນລະຫວ່າງວັນທີ 21-24 ມີນາ 2022 ນີ້ ທ່ານ ກົງເພັດ ແກ້ວບົວພາ ກຳມະການພັກແຂວງ, ຮອງປະທານສະພາປະຊາຊົນແຂວງຫລວງນໍ້າທາ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ3 ແຂວງຫລງງນ້ຳທາ ແລະ ທ່ານ ຈັນທະສຸລິນ ຫມັ້ນປະດິດ ຄະນະປະນຳສະພາປະຂາຊົນແຂວງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 3 ແຂວງຫລວງນ້ຳທາສະມາຊິກສະພາແຫ່ງຊາດປະຈຳເຂດເລືອກຕັ້ງທີ 3 ແຂວງຫລວງນ້ຳທາ, ທ່ານ ຄຳພອນ ເຕີ່ນຈະເລີນ ຄະນະປະຈຳສະພາປະຊາຊົນແຂວງ ປະທານຄະນະກຳມະການເສດຖະກິດ, ແຜນການ ແລະ ການເງິນ ພ້ອມດ້ວຍສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງຫລວງນ້ຳທາໄດ້ເຜີຍແຜ່ເນື້ອໃນຜົນສຳເລັດກອງປະຊຸມສະໄໝສາມັນເທື່ອທີ2 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ຢູ່ເມືອງສິງ ແຂວງຫລວງນໍ້າທາ , ໃຫ້ກຽດເຂົ້າຮ່ວມຮັບຟັງມີເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ຄະນະພັກ, ຄະນະບັນຊາ ນາຍແລະພົນທະຫານ, ນາຍແລະພົນຕຳຫລວດ ສອງກອງບັນຊາການ ປກຊ-ປກສ ເມືອງຫລວງນ້ຳທາ, ຊຫົວໜ້າ, ຮອງຫົວໜ້າຫ້ອງການ, ພະນັກງານ-ລັດຖະກອນ, ຄະນະພັກຮາກຖານ, ອຳນາດການປົກຄອງບ້ານ ແລະ ປະຊາຊົນ, ເຊິ່ງໄດ້ລົງເຜີຍແຜ່ ແລະ ພົບປະປະຊາຊົນຜູ້ມີສິດປ່ອນບັດເລືອກຕັ້ງທັງໝົດ 09 ຈຸດຄື ສະໂມສອນເມືອງ, ບ້ານນ້ຳສ່າ, ບ້ານພູຫວານ, ບ້ານສວນຢາ, ບ້ານນ້ຳຂອນ, ກຸ່ມບ້ານສົບຊີມ, ບ້ານນ້ຳມັດເກົ່າ, ບ້ານພີນຮໍ້, ບ້ານນາລັນ ລວມທັງໝົດ 10 ບ້ານ, ມີຜູ້ເຂົ້າຮ່ວມຮັບຟັງທັງໝົດ 474 ຄົນ, ຍິງ 85 ຄົນ.
ໃນໂອກາດດັ່ງກ່າວສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ໄດ້ເຜີຍແຜ່ເນື້ອໃນຜົນສໍາເລັດກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX, ຊຶ່ງກອງປະຊຸມໄດ້ພິຈາລະນາຮັບຮອງເອົາ 11 ບັນຫາໃຫຍ່
ພ້ອມທັງເຜີຍແຜ່ເນື້ອໃນຜົນສໍາເລັດ ກອງປະຊຸມສະໄໝສາມັນເທື່ອທີ 2 ສະພາປະຊາຊົນແຂວງ ຊຸດທີ II ກອງປະຊຸມໄດ້ພິຈາລະນາຮັບຮອງເອົາ 6 ບັນຫາສໍາຄັນຂອງແຂວງ ຮັບຮອງເອົາ ຂໍ້ຕົກລົງຂອງເຈົ້າແຂວງ ວ່າດ້ວຍກອງທຶນສັງຄົມສົງເຄາະ ເຊີ່ງປະກອບມີທັງໝົດ 9 ໝວດ 40 ມາດຕາ
ພ້ອມນັ້ນ ສະມາຊິກສະພາແຫ່ງຊາດ ປະຈຳເຂດເລືອກຕັ້ງ, ສະມາຊິກສະພາປະຊາຊົນແຂວງພ້ອມດ້ວຍຄະນະສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງຫລວງນ້ຳທາ ໄດ້ໂອ້ລົມ ຮຽກຮ້ອງໃຫ້ຍົກສູງວຽກງານການເມືອງແນວຄິດໃນທຸກຂົງເຂດ, ເອົາໃຈໃສ່ປັບປຸງກົງຈັກການຈັດຕັ້ງ ແລະ ບຸກຄະລາກອນ ຕິດພັນກັບການປັບປຸງແບບແຜນວິທີເຮັດວຽກໃນຂັ້ນຕ່າງໆໃຫ້ມີຄວາມໜັກແໜ້ນເຂັ້ມແຂງ ພ້ອມທັງ ເນັ້ນໜັກໃຫ້ປະຊາຊົນ ຈົ່ງຕັ້ງໜ້າສ້າງເສດຖະກິດຄອບຄົວ ໂດຍອີງໃສ່ທ່າແຮງບົ່ມຊ້ອນຂອງແຕ່ລະຄອບຄົວ, ແຕ່ລະທ້ອງຖິ່ນ ພ້ອມທັງຮຽກຮ້ອງໃຫ້ທຸກພາກສ່ວນຈົ່ງຍົກສູງສະຕິລະວັງຕົວ ເພື່ອກຽມພ້ອມຮັບມືຕໍ່ສະພາບການປ່ຽນແປງໃໝ່ຂອງພາກພື້ນ ແລະ ສາກົນ, ເພີ່ມສະຕິລະວັງຕົວຕໍ່ກົນອຸບາຍມ້າງເພຂອງຄົນບໍຫວັງດີ ເອົາໃຈໃສ່ແກ້ໄຂປະກົດການຫຍໍ້ທໍ້ໃນສັງຄົມໃຫ້ຫລຸດລົງ, ເພີ່ມທະວີຄວາມສາມັກຄີ ຄວາມເປັນລະບຽບຮຽບຮ້ອຍຂອງສັງຄົມ.
ໃນໂອກາດດັ່ງກ່າວ ສະພາປະຊາຊົນແຂວງໄດ້ນຳເອົາເຄື່ອງຊ່ວຍເຫລືອ ເຊິ່ງມີ ເຄື່ອງໃຊ້ໃນຄົວເຮືອນ ແລະ ເຄື່ອງກິລາ ມອບໃຫ້ປະຊາຊົນ ແລະ ໂຮງຮຽນແຕ່ລະບ້ານ ລວມມູນຄ່າທັງໝົດ 2 ,000,000 ກວ່າກີບ
