ວັນທີ 30 ສິງຫາ 2022 ນີ້ ທີ່ວັດປ່າຜາໂອ ນະຄອນ–ຫລວງພະບາງ ໄດ້ຈັດພິທີ ມອບ–ຮັບ ນໍ້າບາດານ ຕາງໜ້າມອບໂດຍ ທ່ານ ດຣນາງ ວິພາວັນ ພົມວິຫານ ພ້ອມດ້ວຍຄະນະ ແລະ ທ່ານ ວົງສະຫວັນເທບພະຈັນ ຮອງເລຂາພັກແຂວງ ປະທານສະພາປະຊາຊົນແຂວງຫຼວງພະບາງ ພ້ອມດ້ວຍຄະນະ, ເຈົ້າສັດທາເຂົ້າຮ່ວມ ແລະ ຮັບໂດຍສາທຸໃຫ່ຍ ອ່ອນແກ້ວ ກິຕຕິພັທໂທ(ສິດທິວົງ) ຄະນະບໍລິຫານງານປະຈຳການ ສູນກາງອົງການພຸດທະສາສະໜາສໍາພັນ ແຫ່ງ ສປປລາວ, ເຈົ້າອາທິການວັດປ່າຜາໂອ, ໃນພິທີດັ່ງກ່າວ ສາທຸ ບຸນໂນະສິດທິພອນ ຄະນະກໍາມະການບໍລິຫານວັດປ່າຜາໂອ

ໄດ້ລາຍງານກ່ຽວກັບການກໍ່ສ້າງນໍ້າບາດານ ວັດປ່າຜາໂອ ໃນຄັ້ງນີ້ແມ່ນໄດ້ຮັບທຶນຊ່ວຍເຫຼືອລ້າ ຈາກ ມູນນິທິວີເລບຢູ ໂດຍມີ ທ່ານ ປອ ໄຊສົມພອນພົມວິຫານ ກໍາມະການກົມການເມືອງສູນກາງພັກ ປະທານສະພາແຫງຊາດ ເປັນຜູ້ ສະໜັບ ສະໜູນ ແລະ ປະສານກັບອົງການທີ່ກ່ຽວຂ້ອງ ສະໜອງທຶນ ການເຈາະນໍ້າບາດານ ທີ່ວັດປ່າຜາໂອ ຊຶ່ງໄດ້ຈັດຕັ້ງປະຕິບັດ ເລີ່ມແຕ່ວັນທີ 4 ເມສາ 2021, ມີຄວາມເລິກປະມານ65 ແມັດ, ຄາດຄະເນການສະໜອງນ້ຳໄດ້ 100 ແມັດກ້ອນ ຕໍ່ມື້, ຕາມລະດັບຄາດໜາຍ, ພ້ອມທັງສ້າງອາຄານຕິດຕັ້ງເຄື່ອງຄວບຄຸມການນໍາໃຊ້ 1 ຈຸດ ຂະໜາດ 3×3 ແມັດ ແລະ ອຸປະກອນອື່ນໆ ທີ່ນຳໃຊ້ເຂົ້າໃນການຜະລິດນໍ້າດື່ມ ສໍາເລັດ.

ໂຄງການເຈາະນໍ້າບາດານດັ່ງກ່າວ ສາມາດສະໜອງນໍ້າໄດ້ 150 ແມັດກ້ອນຕໍ່ວັນ ແລະ ໃຊ້ກັ່ນຕອງຜ່ານເຄື່ອງກັ່ນຕອງເປັນນໍ້າສະອາດ ເພື່ອດື່ມ ແລະ ສັນ ໃຫ້ພະສົງ, ສາມະເນນ ພາຍໃນວັດໄດ້ພຽງພໍ ລວມມູນຄ່າການກໍ່ສ້າງທັງໝົດຈໍານວນ 100.000ໂດລາ(ໜຶ່ງແສນໂດລາ) ນອກຈາກນັ້ນ, ທ່ານ ດຮ ນາງ ວິພາວັນ ພົມວິຫານ ເຈົ້າສັດທາທັງຫຼາຍກໍ່ໄດ້ມອບ, ເຂົ້າສານ ຈໍານວນ 9 ໂຕນ ແລະ ເຄື່ອງບໍ່ລິໂພກ-ອຸປະໂພກ ຈໍານວນໜຶ່ງຕື່ມອີກ.

                                ຂ່າວ ຄໍາຫລ້າ ພອນພິລາ

                              ພາບ ສຸດາກອນ ໂພສະຫວັດ