ຕອນບ່າຍຂອງວັນທີ 19 ທັນວາ 2022 ໜ່ວຍຊາວໜຸ່ມສະພາປະຊາຊົນແຂວງອຸດົມໄຊ ໄດ້ຈັດພິທີປະກາດຮັບຮອງຂໍ້ແຂ່ງຂັນ 4 ບຸກ ປະຈໍາປີ 2022 ໂດຍການເປັນປະທານຂອງສະຫາຍ ຄໍາດອນ ສີປະເສີດ ເລຂາໜ່ວຍຊາວ ໜຸ່ມສະພາປະຊາຊົນແຂວງ, ໃຫ້ກຽດເຂົ້າຮ່ວມໂດຍສະຫາຍ ສຸກສະຫວັນ ວົງລ້ອມ ຮອງເລຂາຄະນະບໍລິຫານງານຊາວໜຸ່ມແຂວງ, ສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ, ມີຄະນະໜ່ວຍ, ຕາງໜ້າຄະນະໜ່ວຍຊາວໜຸ່ມທີ່ຖືກເຊີນ ແລະ ສະມາຊິກໜ່ວຍຊາວໜຸ່ມສະພາປະຊາຊົນແຂວງ ເຂົ້າຮ່ວມ. ສະຫາຍ ຄໍາດອນ ສີປະເສີດ ເລຂາໜ່ວຍຊາວໜຸ່ມສະພາປະຊາຊົນແຂວງອຸດົມໄຊ ໄດ້ໃຫ້ຮູ້ວ່າ: ຜ່ານການຈັດຕັ້ງປະຕິບັດ ແລະ ການປະເມີນກວດກາຂໍ້ແຂງຂັນ 4 ບຸກ ໃນປີ 2022 ຂອງໜ່ວຍຊາວໜຸ່ມ ສພຂ ເຫັນວ່າ: ສະມາຊິກຊາວໜຸ່ມພາຍໃນໜ່ວຍ ແມ່ນມີທັດສະນະຫຼັກໝັ້ນການເມືອງໜັກແໜ້ນ, ມີຄວາມເຊື່ອໝັ້ນ ແລະ ເປັນເອກະພາບສູງຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ເວົ້າລວມ ເວົ້າສະເພາະແມ່ນຂອງຄະນະພັກ, ຄະນະໜ່ວຍ ແລະ ສະມາຊິກພາຍໃນໜ່ວຍ ສະແດງອອກໃນຖັນແຖວສະມາຊິກຊາວໜຸ່ມ ແມ່ນມີຄວາມອຸ່ນອຽນທຸ່ນທ່ຽງ, ຫ້າວຫັ້ນໃນການປະຕິບັດໜ້າທີ່ວຽກງານທີ່ໄດ້ຮັບມອບໝາຍ, ເປັນເຈົ້າການໃນການປະຕິບັດແນວທາງນະໂຍບາຍຂອງພັກ, ຮຽນຮູ້ວິທະຍາສາດເຕັກນິກທີ່ທັນສະໄໝ ເພື່ອນຳໃຊ້ເຂົ້າໃນການປະຕິບັດວຽກງານທີ່ໄດ້ຮັບມອບໝາຍ, ດ້ານການຈັດຕັ້ງແມ່ນໄດ້ຮັບການປັບປຸງ ແລະ ມີຄວາມເຂັ້ມແຂງ ມີແບບແຜນການນຳພາຢ່າງຖືກຕ້ອງ, ສອດຄ່ອງ ເຮັດໃຫ້ພາຍໃນ ໜ່ວຍມີຄວາມສາມັກຄີ ມີຄວາມສະຫງົບ ມີຂະບວນການທີ່ພົ້ນເດັ່ນ ພ້ອມດຽວກັນນີ້ ກໍໄດ້ຊຸກຍູ້ສົ່ງເສີມໃຫ້ສະມາຊິກສ້າງລາຍຮັບເສີມເວລານອກໂມງການຕາມເງື່ອນໄຂຂອງແຕ່ລະຄອບຄົວ. ຜ່ານການປະເມີນການເຄື່ອນໄຫວຈັດຕັ້ງປະຕິ ບັດຂໍ້ແຂ່ງຂັນ 4 ບຸກ ເຮັດໃຫ້ສະມາຊິກຊາວໜຸ່ມຈຳນວນຫຼາຍໄດ້ຮັບໃບຍ້ອງຍໍໃນການຈັດຕັ້ງເຄື່ອນໄຫວ 4 ບຸກ ດັ່ງນັ້ນ, ຈື່ງສາມາດຢັ້ງຢືນ ແລະ ຮັບຮອງເອົາໜ່ວຍຊາວໜຸ່ມສະພາປະຊາຊົນແຂວງອຸດົມໄຊ ເປັນໜ່ວຍ 4 ບຸກ ປະຈຳປີ 2022. ຕອນທ້າຍພິທີ ຍັງໄດ້ຮັບຟັງການໂອ້ລົມ ຂອງ ສະຫາຍ ສຸກສະຫວັນ ວົງລ້ອມ ຮອງເລຂາຄະນະບໍລິຫານງານຊາວໜຸ່ມແຂວງດົມໄຊ, ຊຶ່ງ ສະຫາຍ ໄດ້ຕີລາຄ່າຍ້ອງຍໍ ຊົມເຊີຍຕໍ່ກັບ ໜ່ວຍຊາວໜຸ່ມສະພາປະຊາ ຊົນແຂວງ ທີ່ໄດ້ເຄື່ອນໄຫວຈັດຕັ້ງປະຕິບັດຂໍ້ແຂ່ງຂັນ 4 ບຸກ ຕະຫຼອດໄລຍະ 1 ປີ ຜ່ານມາ. ພ້ອມດຽວກັນນັ້ນ, ສະຫາຍຍັງໄດ້ມີຄໍາເຫັນເພີ່ມຕື່ມ: ເພີ່ມທະວີ ການເຊື່ອມຊຶມ ແນວທາງຂອງພັກ, ກໍາແໜ້ນບັນ ດານິຕິກໍາຕ່າງໆ, ຮໍ່າຮຽນຄົ້ນຄວ້າ ແລະ ຝຶກຝົນຕົນເອງ ເປັນແບບຢ່າງໃຫ້ແກ່ມະຫາຊົນ; ເປັນເສນາທິການໃຫ້ແກ່ຄະນະພັກ, ເອົາໃຈໃສ່ໃຈຕໍ່ກັບວຽກງານວິຊາສະເພາະໂດຍສະເພາະທີ່ຕິດພັນກັບວຽກງານ 4 ບຸກ, ໃນນາມທີ່ເປັນເສນາທິການໃຫ້ແກ່ ສະມາຊິກສະພາປະຊາຊົນແຂວງ ທີ່ເປັນຕົວແທນຂອງປະຊາຊົນບັນດາເຜົ່າ ຕ້ອງເປັນສະມາຊິກຊາວໜຸ່ມທີ່ຫ້າວຫັນໂດດເດັ່ນ; ປຸກລະດົມເຂົ້າຮ່ວມປະກອບສ່ວນຊາວໜຸ່ມຕະລຸມບອນ, ເຂົ້າຮ່ວມຂະບວນການຕ່າງໆຂອງກົມກອງ ແລະ ຂອງແຂວງ. ພ້ອມນັ້ນ, ໃຫ້ຖືເອົາຜົນປະ ໂຫຍດອັນລວມເປັນຫຼັກ, ເພີ່ມທະວີຄວາມສາມັກຄີພາຍໃນໜ່ວຍ ໃຫ້ເປັນຈິດໜຶ່ງໃຈດຽວ, ເຄື່ອນ ໄຫວຈັດຕັ້ງປະຕິບັດ ແບບລວມສູນປະຊາທິປະໄຕ ແລະ ສືບຕໍ່ຮັກສາມູນເຊື້ອສູ້ຊົນຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃຫ້ບັນລຸຕາມແຜນການ.

ພາບ ແລະ ຂ່າວ: ສີແຫວງ ສີບຸນເຮືອງ.