(ສພຊ) ສະຫາຍ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປລາວ ຕ້ອນຮັບການເຂົ້າພົບປະຢ້ຽມຢາມ ຂອງສະຫາຍ ອີ ແທັງ ຮ່າ ນຽກ ເກີດໍາ ກໍາມະການສູນກາງພັກກອມມູນິດຫວຽດນາມ, ປະທານສະພາຊົນຊາດ ສະພາແຫ່ງຊາດ ແຫ່ງ ສສ.ຫວຽດນາມ ພ້ອມດ້ວຍຄະນະ ໃນວັນທີ 6 ມີນາ 2023 ທີ່ສະພາແຫ່ງຊາດ.

ສະຫາຍ ອີ ແທັງ ຮ່າ ນຽກ ເກີດໍາ ໄດ້ສະແດງຄວາມຂອບໃຈຕໍ່ ສະຫາຍ ປະທານສະພາແຫ່ງຊາດ ແຫ່ງ ສປປລາວ ທີ່ໄດ້ໃຫ້ການຕ້ອນຮັບຄະນະຢ່າງອົບອຸ່ນ ແລະ ໄດ້ລາຍງານຈຸດປະສົງຂອງການມາຢ້ຽມຢາມ ແລະ ເຮັດວຽກຢູ່ ສປປລາວ ໃນຄັ້ງນີ້ ໃຫ້ປະທານສະພາ ໄດ້ຮັບຊາບວ່າ: ກ່ຽວກັບການເມືອງ, ເສດຖະກິດ-ສັງຄົມ ກໍຄືບັນຫາສໍາຄັນຂອງຊາດ, ກອງປະຊຸມສະພາສະໄໜສາມັນເທື່ອທີ V ໄດ້ຜ່ານກົດໝາຍ ມີ 12 ຮ່າງກົດໝາຍ ທີ່ສໍາຄັນ ແລະ ມີການຕັດສິນ ໂດຍສະເພາະແມ່ນກົດໝາຍ ການປິ່ນປົວ, ກົດໝາຍທີ່ດິນ, ກົດໝາຍການຄ້າ ແລະ ກົດໝາຍໃຊ້ຄວາມຮຸນແຮງໃນຄອບຄົວ, ກົດໝາຍທີ່ໃຫ້ຄວາມສໍາຄັນກວ່າໝູ່ແມ່ນກົດໝາຍທີ່ດິນ ເຊິ່ງໄດ້ມີການປັບປຸງໃໝ່ໃຫ້ແທດເໝາະກັບການດໍາລົງຊີວິດຂອງປະຊາຊົນຫວຽດນາມ ໃນປັດຈຸບັນ.