ໃນຕອນບ່າຍ, ວັນທີ 14  ມັງກອນ 2025 ນີ້, ທ່ານ ສະແຫວງ ນັນທະວົງ ຄະນະປະຈຳສະພາປະຊາຊົນແຂວງ ປະທານຄະນະກຳມະການຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ ພ້ອມຄະນະ ໄດ້ເຄື່ອນໄຫວມອບເຄື່ອງອຸປະກອນໄອທີ ຈໍານວນ 1 ຊຸດ ລວມມູນຄ່າ 10 ກວ່າລ້ານກີບ ໃຫ້ກອງບັນຊາການທະຫານ ເມືອງໄຊພູທອງ ແຂວງສະຫວັນນະເຂດ ເພື່ອນຳໃຊ້ເຂົ້າໃນການປະຕິບັດໜ້າທີ່ວຽກງານຮອບດ້ານ ໃນການເຄື່ອນໄຫວຄັ້ງນີ້ ໃຫ້ການຕ້ອນຮັບ ແລະ ກ່າວຮັບ ຂອງທ່ານ ພັທ.ສົມພອນ ກ້ອນຄຳມະນີວົງ ເລຂາຄະນະພັກຮາກຖານກອງບັນຊາການ ປກຊ ເມືອງໄຊພູທອງ ພ້ອມຄະນະ ພາຍຫຼັງການມອບຮັບແລ້ວ ທ່ານ ພັທ.ສົມພອນ ກ້ອນຄຳມະນີວົງ ກໍໄດ້ສະແດງຄວາມຂອບອົກ-ຂອບໃຈ ຕໍ່ຄະນະທີ່ໄດ້ນຳເຄື່ອງມາມອບໃນຄັ້ງນີ້ ພ້ອມທັງໃຫ້ຄໍາໝັ້ນສັນຍາວ່າຈະນໍາເອົາເຄື່ອງອຸປະກອນດັ່ງກ່າວໄປໝູນໃຊ້ເຂົ້າໃນວຽກງານຂອງກົມກອງໃຫ້ເກີດຜົນປະໂຫຍດສູງສຸດ.

           ຊຶ່ງເຄື່ອງອຸປະກອນໄອທີ ທີ່ນຳໄປມອບໃນຄັ້ງນີ້ແມ່ນໄດ້ຮັບການສະໜັບສະໜູນຈາກພະແນກແຜນການ ແລະ ການລົງທຶນແຂວງ ແລະ ດ່ານສາກົນຂົວມິດຕະພາບ 02.