ໃນ​ວັນ​ທີ 12 ມັງກອນ 2024 ຢູ່​ທີ່​ພະ​ແນ​ກ​​​ຖະ​ແຫຼງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ​ແຂວງ ທ່ານ ນາງ ສາຍພູເງິນ ອຸດົມສຸກ ຄະນະປະຈໍາ-​ເລຂາທິການ​ສະພາປະຊາຊົນແຂວງ  ​ໄດ້​ຖະ​ແຫຼງຂ່າວ​ກ່ຽວກັບການກະກຽມຄວາມພ້ອມດ້ານຕ່າງໆ ຂອງກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງ ຊຸດທີ II ໂດຍປະຕິບັດຕາມມາດຕາ 60 ຂອງກົດໝາຍວ່າດ້ວຍການປັບປຸງບາງມາດຕາ ຂອງກົດໝາຍວ່າດ້ວຍສະພາແຫ່ງຊາດ ແລະ ກົດໝາຍວ່າດ້ວຍສະພາປະຊາຊົນຂັ້ນແຂວງ ສະບັບເລກທີ 82/ສພຊ, ລົງວັນທີ 30 ມິຖຸນາ 2020 ແລະ ປະຕິບັດຕາມມະຕິຂອງຄະນະປະຈໍາສະພາປະຊາຊົນແຂວງ ສະບັບເລກທີ 06/ຄປຈ, ລົງວັນທີ 10ມັງກອນ 2024  ວ່າດ້ວຍການດໍາເນີນກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງຊຸດທີ II.

ເພື່ອເປັນການຈັດຕັ້ງປະຕິບັດຕາມກົດໝາຍ ແລະ ນິຕິກໍາກ່ຽວຂ້ອງນັ້ນ ຄະນະກໍາມະການ, ຄະນະເລຂາທິການສະພາປະຊາຊົນແຂວງ ໄດ້ປະສານສົມທົບກັບ ພາກສ່ວນກ່ຽວຂ້ອງ ໃນການກະກຽມເນື້ອໃນຕ່າງໆ ທີ່ຈະນໍາສະເໜີຕໍ່ກອງປະຊຸມໃນຄັ້ງນີ້ ມາຮອດປັດຈຸບັນ ເຫັນວ່າການກະກຽມແມ່ນມີຄວາມພ້ອມທີ່ຈະດໍາເນີນກອງປະຊຸມໄດ້ ຢ່າງສອດຄ່ອງກັບລະບຽບ ແລະ ກົດໝາຍແລ້ວ.

ດັ່ງນັ້ນ, ຂ້າພະເຈົ້າ, ເລຂາທິການສະພາປະຊາຊົນແຂວງ, ຫົວໜ້າກອງເລຂາກອງປະຊຸມ, ຕາງໜ້າຄະນະປະຈຳສະພາປະຊາຊົນແຂວງມີຄວາມປິຕິຍິນດີ ແລະ ຖືເປັນກຽດຢ່າງສູງແຈ້ງມາ​ຍັງບັນດາທ່ານພະນັກງານລັດຖະກອນ, ທະຫານ, ຕຳຫຼວດນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ, ພໍ່ແມ່ພີ່ນ້ອງປະຊາຊົນລາວບັນດາເຜົ່າໃນທົ່ວແຂວງຊຽງຂວາງ ຮັບຊາບກ່ຽວກັບການດໍາເນີນກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງ ຊຸດທີ II ດັ່ງນີ້:

ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ ຊຸດທີ II   ຈະໄດ້ດໍາເນີນ ໃນລະຫວ່າງວັນທີ 16-18ມັງກອນ2024 ຢູ່ທີ່ ຫ້ອງປະຊຸມໃຫຍ່ ຫ້ອງວ່າການແຂວງ;

ກອງປະຊຸມຄັ້ງນີ້ຈະໄດ້ພິຈາລະນາ ແລະ ຮັບຮອງບັນຫາ ສໍາຄັນພື້ນຖານຂອງແຂວງ ເຊິ່ງສັງລວມ ມີ ວຽກຕົ້ນຕໍຄືດັ່ງນີ້:

1. ພາກການລາຍງານ

ວຽກ​ງານ​ອົງການ​ປົກຄອງ​ແຂວງ

• ບົດລາຍງານໂດຍສັງເຂບຂອງທ່ານເຈົ້າແຂວງກ່ຽວກັບການຈັດຕັ້ງປະຕິບັດວຽກງານພົ້ນເດັ່ນຮອບດ້ານ ປະຈໍາປີ2023 ແລະ ທິດທາງແຜນການ ປີ 2024 ຂອງອົງການປົກຄອງແຂວງ;
• ບົດລາຍງານຂອງພະແນກແຜນການ ແລະ ການລົງທຶນແຂວງ ກ່ຽວກັບ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ປະຈໍາປີ 2023 ແລະ ທິດທາງແຜນການປະຈໍາປີ 2024;
• ບົດລາຍງານຂອງພະແນກການເງິນແຂວງ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງ ປະຈໍາປີ 2023 ແລະ ທິດທາງແຜນການ ປີ 2024;
• ບົດລາຍງານຂອງອົງການກວດສອບປະຈຳພາກເໜືອ ໃນການເຄື່ອນໄຫວວຽກງານ ປະຈຳປີ 2023, ທິດທາງແຜນການ ປະຈຳປີ 2024 ແລະ ບົດລາຍງານຜົນການກວດສອບ ບົດສະຫຼຸບຂາດຕົວ ການຈັດຕັ້ງປະຕິບັັດ ແຜນງົບປະມານແຫ່ງລັດ ປະຈຳປີ 2022 ຂອງແຂວງຊຽງຂວາງ;
• ບົດລາຍງານຂອງ ອົງການກວດກາລັດແຂວງ ໄລຍະກາງສະໄໝ 5 ປີ ( 2021-2023 ), ທິດທາງແຜນການທ້າຍສະໄໝຮອດປີ 2025; ບົດລາຍງານການເຄື່ອນໄຫວວຽກງານປະຈໍາປີ 2023 ແລະ ທິດທາງແຜນການປະຈໍາປີ 2024; ບົດລາຍງານຜົນການກວດກາຕາມຜົນການກວດສອບ ປີ 2021;
• ບົດລາຍງານ ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ກ່ຽວກັບການປະເມີນຄືນການຈັດຕັ້ງປະຕິບັດ ຄຳສັ່ງເລກທີ 01/ຊຂ, ລົງວັນທີ 3 ກຸມພາ 2022 ວ່າດ້ວຍການຫ້າມຈັບຈ່ອງ, ບຸກລຸກ ແລະ ຊື້ຂາຍ ສິດນຳໃຊ້ທີ່ດິນບໍ່ຖືກຕ້ອງ ຢູ່ພາຍໃນແຂວງຊຽງຂວາງ
• ບົດລາຍງານ ຂອງພະແນກພະລັງງານ ແລະ ບໍ່ແຮ່ແຂວງ ກ່ຽວກັບການປະເມີນການຈັດຕັ້ງປະຕິບັດຄຳສັ່ງເລກທີ 18/ຊຂ, ລົງວັນທີ 21 ຕຸລາ 2021 ວ່າດ້ວຍການແກ້ໄຂການລັກລອບຂຸດຄົ້ນ ແລະ ປຸງແຕ່ງແຮ່ຄຳ ໂດຍບໍ່ຖືກຕ້ອງຕາມກົດໝາຍ ຢູ່ແຂວງຊຽງຂວາງ;
• ບົດລາຍງານຂອງທະນາຄານແຫ່ງ ສປປ ລາວ ປະຈຳພາກເໜືອ ສາຂາຊຽງຂວາງ ກ່ຽວກັບການຄຸ້ມຄອງທະນາຄານທຸລະກິດ, ສະຖາບັນການເງິນຈຸລະພາກ ແລະ ຕີລາຄາສະພາບການແລກປ່ຽນເງິນຕາຢູ່ແຂວງຊຽງຂວາງ;
• ບົດລາຍງານຂອງອົງການປົກຄອງແຂວງກ່ຽວກັບ ການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໄລຍະ 3 ປີຜ່ານມາ (2021-2023) ແລະ ທິດທາງແຜນການ (2024-2025);
• ບົດລາຍງານຂອງອົງການປົກຄອງແຂວງກ່ຽວກັບ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ ໄລຍະ 3 ປີຜ່ານມາ (2021-2023) ແລະ ທິດທາງແຜນການ ( 2024-2025 );
• ບົດລາຍງານຂອງ ພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວ ກ່ຽວກັບການກະກຽມຄວາມພ້ອມຕ້ອນຮັບປີທ່ອງທ່ຽວລາວ ປີ 2024.

ວຽກ​ງານອົງການ​ໄອຍະການ ແລະ ສານປະຊາຊົນແຂວງ

• ບົດລາຍງານຂອງອົງການໄອຍະການປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານປະຈຳປີ 2023 ແລະ ທິດທາງແຜນການ ປະຈຳປີ 2024;
• ບົດລາຍງານຂອງສານປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານປະຈຳປີ 2023 ແລະ ທິດທາງແຜນການ ປະຈຳປີ

ວຽກ​ງານ​ສະພາ​ປະຊາຊົນ​ແຂວງ

• ບົດລາຍງານການຈັດຕັ້ງປະຕິບັດວຽກງານ ຂອງສະພາປະຊາຊົນແຂວງ ປະຈຳປີ 2023 ແລະ ທິດທາງແຜນການ ປະຈໍາປີ

2. ພາກການປະກອບຄໍາເຫັນ

ນອກຈາກການລາຍງານແລ້ວ ກອງປະຊຸມຍັງຈະໄດ້ຮັບຟັງບັນດາບົດປະກອບຄໍາເຫັນຄື:

• ບົດປະກອບຄຳເຫັນ ຂອງຄະນະປະຈຳສະພາປະຊາຊົນແຂວງ ຕໍ່ບົດລາຍງານການ​ຈັດຕັ້ງປະຕິບັດ ແຜນພັດທະນາ​ເສດຖະກິດ-ສັງຄົມ ແລະ ແຜນງົບປະມານ ປະຈໍາປີ 2023 ແລະ ທິດທາງແຜນການ ປະຈໍາປີ2024;
• ບົດປະກອບຄຳເຫັນຂອງຄະນະປະຈຳສະພາປະຊາຊົນແຂວງ ຕໍ່ບົດລາຍງານຂອງອົງການກວດສອບປະຈຳພາກເໜືອ ໃນການເຄື່ອນໄຫວວຽກງານ ປະຈຳປີ 2023, ທິດທາງແຜນການ ປະຈຳປີ 2024 ແລະ ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັັດແຜນງົບປະມານແຫ່ງລັດ ປະຈຳປີ 2022 ຂອງແຂວງຊຽງຂວາງ ແລະ ບົດລາຍງານຂອງອົງການກວດກາລັດແຂວງ ໄລຍະກາງສະໄໝ (2021-2023), ທິດທາງແຜນການ ທ້າຍສະໄໝ; ການເຄື່ອນໄຫວວຽກງານປະຈໍາປີ 2023, ທິດທາງແຜນການປະຈໍາປີ 2024 ແລະ ບົດລາຍງານຜົນການກວດກາຕາມຜົນການກວດສອບ ປີ 2021;
• ບົດປະກອບຄຳເຫັນ ຂອງຄະນະປະຈຳສະພາປະຊາຊົນແຂວງ ຕໍ່ບົດລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍ ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໄລຍະ 3 ປີຜ່ານມາ (2021-2023) ແລະ ທິດທາງແຜນການຮອດປີ 2025;
• ບົດປະກອບຄຳເຫັນ ຂອງຄະນະປະຈຳສະພາປະຊາຊົນແຂວງ ຕໍ່ບົດລາຍງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ໄລຍະ 3 ປີຜ່ານມາ (2021-2023) ແລະ ທິດທາງແຜນການຮອດປີ 2025;
• ບົດປະກອບຄຳເຫັນຂອງຄະນະປະຈຳສະພາປະຊາຊົນແຂວງ ຕໍ່ບົດລາຍງານການກະກຽມຄວາມພ້ອມ ແລະ ແຜນການຕ້ອນຮັບປີທ່ອງທ່ຽວລາວ ປີ 2024;
• ບົດປະກອບຄຳເຫັນ ຂອງຄະນະປະຈຳສະພາປະຊາຊົນແຂວງ ຕໍ່ບົດລາຍງານ ການເຄື່ອນໄຫວວຽກງານ ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ ປະຈຳປີ 2023 ແລະ ທິດທາງແຜນການປະຈຳປີ 2024;
• ບົດປະກອບຄໍາເຫັນ ຂອງອົງການແນວລາວສ້າງຊາດ ຕໍ່ບົດລາຍງານຂອງສະພາປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະຈຳປີ 2023 ແລະ ທິດທາງແຜນການ ປະຈໍາປີ

3. ບັນດາມະຕິກອງປະຊຸມ

ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ ຊຸດທີ II ໃນຄັ້ງນີ້ ມີມະຕິຮັບຮອງເອົາວຽກງານດັ່ງກ່າວມາຂ້າງເທິງນັ້ນຈໍານວນ 7 ສະບັບ; ໃນນີ້, ມະຕິຮັບຮອງວຽກງານຂອງອົງການປົກຄອງ 5 ສະບັບ, ມະຕິຮັບຮອງວຽກງານໄອຍະການ ແລະ ສານປະຊາຊົນແຂວງ 1 ສະບັບ; ມະຕິຮັບຮອງວຽກງານສະພາປະຊາຊົນແຂວງ 1 ສະບັບ.

ອີກເທື່ອໜຶ່ງ, ຕາງໜ້າໃຫ້ຄະນະປະຈໍາສະພາປະຊາຊົນແຂວງ ຂ້າພະເຈົ້າຂໍຖືເປັນກຽດຮຽນເຊີນມາຍັງບັນດາທ່ານຈົ່ງຕິດຕາມ ຮັບຟັງ, ສະໜັບສະໜູນ ການດໍາເນີນກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ ຊຸດທີ II ຄັ້ງນີ້, ໃຫ້ມີຜົນສໍາເລັດຕາມຄາດໝາຍວາງໄວ້;ໃນໄລຍະກະກຽມ ແລະ ດຳເນີນກອງປະຊຸມ, ຄະນະເລຂາທິການສະພາປະຊາຊົນແຂວງ ໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍ​ດ່ວນໂດຍບໍ່ເສຍຄ່າໂທ ຜ່ານໝາຍເລກ 061156, ເພື່ອເປີດກວ້າງ ຮັບເອົາຄໍາຄິດເຫັນ, ຄໍາສະເໜີໂດຍກົງຈາກປະຊາຊົນ ທີ່ຈະສົ່ງໄປຍັງກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ ຊຸດທີ II ຫຼື ທ່ານສາມາດສົ່ງຄໍາເຫັນເປັນລາຍລັກອັກສອນມາຍັງກອງປະຊຸມຕາມວາລະຂອງການດໍາເນີນກອງປະຊຸມ.ການຖະແຫຼງຂ່າວກ່ຽວກັບການດໍາເນີນກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງ ຊຸດທີ II ຈົບພຽງເທົ່ານີ້ສຸດທ້າຍນີ້, ຂໍອວຍພອນໄຊອັນປະເສີດແດ່ທຸກໆທ່ານ ຈົ່ງພ້ອມກັນມີສຸຂະພາບເຂັ້ມແຂງແຮງກ້າ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ປະສົບຜົນສໍາເລັດໃນໜ້າທີ່ວຽກງານອັນຍິ່ງໃຫຍ່ຂອງຕົນທຸກປະການ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງ ສຸກສະຫວັນ ອິນທະແສງ