ຕອນເຊົ້າຂອງອັງຄານ, ວັນທີ 21 ມິຖຸນາ 2022 ຊາວໜຸ່ມ ສພຂ ອຸດົມໄຊ ສືບຕໍ່ເຂົ້າຮ່ວມສ້າງຂະບວນການອອກແຮງງານລວມ ທາສີຂອບທາງ-ຂົວ ແລະ ປະດັບປະດາສໍານັກງານ, ອົງການ,ໂດຍການນຳພາຂອງສະຫາຍ ຄຳແບ່ງ ຈັນມະນີ ຮອງເລຂາຄະນະບໍລິຫານງານຊາວໜຸ່ມແຂວງ, ມີບັນດາຊາວໜຸ່ມຮາກຖານ ພະແນກການ, ສອງກໍາລັງ ປກຊ-ປກສ ແລະ ອົງການຕ່າງໆອ້ອມຂ້າງແຂວງເຂົ້າຮ່ວມ 61 ກວ່າຮາກຖານ, ຈຳນວນ 350 ກວ່າສະຫາຍ. ເຊິ່ງໄດ້ກໍານົດເອົາ 5 ຈຸດຄື: ຈຸດຂົວນໍ້າກໍ 2, ຈຸດຂົວນໍ້າກໍ 1, ຈຸດ 4 ແຢກໄຟແດງ(ໂຮງແຮມສິງທອງ), ຈຸດວົງວຽນ ແລະ ທາງສອງຂ້າງ(ສະພາປະຊາຊົນແຂວງ) ແລະ ຈຸດ 4 ແຢກໄຟແດງສະໜາມບິນ.

ການສ້າງຂະບວນການໃນຄັ້ງນີ້ ແມ່ນເພື່ອເປັນການຜູກແໜ້ນຄວາມສາມັກຄີ ລະຫວ່າງຊາວໜຸ່ມຮາກຖານ ບັນດາພະແນກການ, ສອງກໍາລັງ ປກຊ-ປກສ, ອົງການຕ່າງໆອ້ອມຂ້າງແຂວງ ແລະ ເພື່ອເຮັດໃຫ້ເທດສະບານແຂວງອຸດົມໄຊ ມີຄວາມເປັນລະບຽບ ແລະ ສະອາດງາມຕາ ກຽມຄວາມພ້ອມໃຫ້ແກ່ການຕ້ອນຮັບແຂກທັງພາຍໃນ ແລະ ຕ່າງປະເທດ ທີ່ຈະເຂົ້າມາທ່ຽວມາຊົມແຂວງອຸດົມໄຊ ແລະ ຕິດພັນກັບການສ້າງຂະບວນການ ເພື່ອຂ່ຳນັບຮັບຕ້ອນວັນສ້າງຕັ້ງແຂວງອຸດົມໄຊ, ວັນສ້າງຕັ້ງກໍາລັງ ປກສ ແຂວງອຸດົມໄຊ ຄົບຮອບ 60 ປີ ແລະ ປີສາມັກຄີລາວ-ຫວຽດ ນາມ 2022.

ພາບ/ຂ່າວ: ແສງພອນ ອິນນະລົງ.