ກອງປະຊຸມສະຫລຸບຕິລາຄາການຈັດຕັ້ງປະຕິບັດວຽກງານ ຂອງ ຄະນະເລຂາທິການ ສະພາປະຊາຊົນແຂວງ (ສພຂ) ອັດຕະປື ປະຈໍາປີ 2022 ແລະ ພິທີປະດັບຫຼຽນໄຊ,ຫຼຽນກາ,ມອບໃບຍ້ອງຍໍຜົນງານ 5 ປີ. ໄດ້ຈັດຂື້ນ ໃນວັນທີ 20 ກຸມພາ 2023. ທີ່ຫ້ອງປະຊຸມ ສພຂ, ໂດຍການເປັນປະທານຂອງທ່ານ ນາງ ແສງອາລຸນ ວົງສາທິການ ເລຂາທິການ ສພຂ, ໃຫ້ກຽດເຂົ້າຮ່ວມຂອງທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ, ປະທານ ສພຂ, ມີບັນດາທ່ານ ຄະນະປະຈຳ, ຄະນະກຳມະການ, ຄະນະເລຂາທິການ, ຫົວໜ້າ-ຮອງຂະແໜງ, ພະນັກງານ-ວີຊາການ ພາຍໃນ ສພຂ ແລະ ແຂກທີ່ຖືກເຊີນເຂົ້າຮ່ວມ.

ກອງປະຊຸມ, ທ່ານ ນາງ ໂສພະນາ ວົງຊາລາຊີດ ຄະນະເລຂາທິການ ໄດ້ຂື້ນຜ່ານບົດລາຍງານ ການເຄື່ອນໄຫວຈັດຕັ້ງປະຕິບັດວຽກງານ ປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງຄະນະເລຂາທິການ ສພຂ, ເຊິ່ງໄດ້ຍົກໃຫ້ເຫັນຜົນງານດ້ານດີທີ່ພົ້ນເດັ່ນເປັນຕົ້ນ: ຖືເອົາວຽກງານການເມືອງ-ແນວຄິດ ເປັນວຽກສໍາຄັນ ແລະ ເອົາໃຈໃສ່ໃນສຶກສາອົບຮົມ ໃຫ້ແກ່ຖັນແຖວພະນັກງານ-ລັດຖະກອນ ຢ່າງປົກກະຕິຕໍ່ເນື່ອງດ້ວຍຫຼາຍຮູບການ ເຊັ່ນ: ຜ່ານກອງປະຊຸມປະຈໍາເດືອນ ຂອງຄະນະເລຂາທິການ, ກອງປະຊຸມບັນດາອົງການຈັດຕັ້ງມະຫາຊົນ, ປາຖະກະຖາວັນສໍາຄັນຕ່າງໆ ຂອງພັກ-ຂອງຊາດ, ເປັນເຈົ້າການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງຕົນໃນການເປັນເສນາທິການໃຫ້ສະພາປະຊາຊົນແຂວງ, ຄະນະປະຈໍາສະພາປະຊາຊົນແຂວງ ແລະ ຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງ ໃນການຄົ້ນຄ້ວາ-ສັງລວມເນື້ອໃນ; ຄຸ້ມຄອງວຽກງານບໍລິຫານ-ການເງີນ, ວຽກງານຈັດຕັ້ງ-ກວດກາ, ວຽກງານຂໍ້ມູນຂ່າວສານ ແລະ ວຽກງານອື່ນໆຕາມການມອບໝາຍຂອງຄະນະປະຈໍາ ສພຂ. ພ້ອມກັນນັ້ນ, ຜູ້ເຂົ້າຮ່ວມກອງປະຊຸມກໍ່ໄດ້ ແລກປ່ຽນປະກອບຄຳຄິດຄໍາເຫັນ ດ້ານຂໍ້ຄົງຄ້າງ ເພື່ອທີ່ຈະຕ້ອງໄດ້ແກ້ໄຂໃນຕໍ່ໜ້າ, ຈາກນັ້ນ, ໄດ້ຮັບຟັງການເຜີຍແຜ່ດໍາລັດ ຂອງລັດຖະບານ ສະບັບເລກທີ 205/ລບ ລົງວັນທີ 22 ກໍລະກົດ 2022 ວ່າດ້ວຍການປະຫຍັດ ແລະ ຕ້ານການຟູມເຟືອຍ. ນອກນີ້ຍັງໄດ້ມີ ພິທິ ມອບ ຫຼຽນໄຊ,ຫຼຽນກາ ແລະ ມອບໃບຍ້ອງຍໍຜົນງານ 5 ປີ (2016-2020), ໃນນັ້ນຫຼຽນໄຊແຮງງານຊັ້ນ I ມີ 1 ທ່ານ, ຫຼຽນໄຊແຮງງານຊັ້ນ II ມີ 4 ທ່ານ, ຍິງ 1 ທ່ານ, ຫຼຽນໄຊແຮງງານຊັ້ນ III ມີ 2 ທ່ານ,ຍິງ 1 ທ່ານ, ຫຼຽນກາແຮງງານມີ 7 ທ່ານ, ຍິງ 2 ທ່ານ, ໃບຍ້ອງຍໍລັດຖະບານມີ 5 ທ່ານ,ຍິງ 3 ທ່ານ ແລະ ໃບຍ້ອງຍໍທ່ານເຈົ້າແຂວງມີ 5 ທ່ານ, ຍິງ 1 ທ່ານ. ຕອນທ້າຍ ທ່ານ ນາງ ມີນາພອນ ໄຊສົມພູ ໄດ້ມີຄຳເຫັນໂອ້ລົມວ່າ: ກ່ອນອື່ນສະແດງຄວາມຍ້ອງຍໍຊົມເຊີຍ ຄະນະເລຂາທິການ ທີ່ໄດ້ເອົາໃຈໃສ່ປະຕິບັດໜ້າທີ່ວຽກງານ ຕາມພາລະບົດບາດ ແລະ ສິດ, ໜ້າທີ່ຕາມທີ່ກຳນົດໄວ້ໃນກົດໝາຍ, ຊື່ງສາມາດຍາດໄດ້ຜົນສຳເລັດໃນຫຼາຍໆດ້ານ, ຄຽງຄູ່ກັບຜົນສໍາເລັດ ທ່ານຍັງເນັ້ນ 7 ບັນຫາເພື່ອຈະຕ້ອງສືບຕໍ່ເອົາໃຈໃສ່ດັ່ງນີ້: 1) ເພີ່ມທະວີວຽກງານ ສຶກສາອົບຮົມການເມືອງ-ແນວຄິດ ໃຫ້ແກ່ ສະມາຊິກພັກ, ພະນັກງານລດັຖະກອນ ຂອງສະພາປະຊາຊນົແຂວງ ໃຫເັ້ປັນປົກກະຕິ ແລະ ຕໍ່ເນື່ອງ; 2) ເອົາໃຈໃສ່ ປັບປຸງກໍ່ສ້າງຍົກລະດັບທາງດ້ານທິດສະດີ ແລະ ວິຊາສະເພາະໃຫ້ແກ່ ພະນັກງານລັດຖະກອນ ໃຫ້ມີຄວາມເຂັ້ມແຂງ, ໜັກເໜັ້ນ . ໂດຍສ້າງໂອກາດ ແລະ ເງື່ຶອນໄຂໃຫ້ໄດ້ເຂົ້າຮ່ວມກອງປະຊຸມສໍາມະນາ ພາຍໃຕ້ຫົວຂໍ້ຕ່າງໆ ທີ່ສະພາແຫ່ງຊາດ ແລະ ສະພາປະຊາຊົນຂັ້ນ ແຂວງ ຫຼືຂະແໜງການທີ່ກ່ຽວຂ້ອງຈັດຂື້ນ ເພື່ອສ້າງເປັນພະນັກງານສືບທອດ. 3) ເອົາໃຈໃສ່ປັບປຸງແບບແຜນວີທີເຮັດວຽກ, ມີການຕິດຕາມກວດກາ, ມີການປະເມີນຜົນງາ ເຮັດເປັນລະບົບປົກກະຕິ, ເພື່ອສ້າງແຮງຈູງໃຈ ແລະ ຕີຖອຍແນວຄິດທໍ້ຖອຍ ໃນຖັນແຖວພະນັກງານ-ລັດຖະກອນ, ສາມາດຮັບປະກັນຄວາມຖືກຕ້ອງໂປ່ງໃສ ແລະ ມີຜົນສໍາເລັດເປັນຢ່າງດີ; 4) ເອົາໃຈໃສ່ສົ່ງເສີມຄວາມເປັນເຈົ້າການ ແລະ ມີຫົວຄິດປະດິດສ້າງຂອງສະມາຊິກພັກ, ພະນັກງານ-ລັດຖະກອນ ເພື່ອປະກອບສ່ວນອັນສໍາຄັນໃນການເຕົ້າໂຮມຄວາມສາມັກຄີ, ການປະຕິບັດວຽກງານວີຊາສະເພາະ, ເປັນເຈົ້າການເຂົ້າຮ່ວມທຸກກິດຈະກໍາ ແລະ ຂະບວນການຕ່າງໆໃນແຕລະໄລຍະ; 5) ເອົາໃຈໃສ່ປັບປຸງ ແລະ ຍົກລະດັບໃນການເປັນເສນາທິການ ຂອງຄະນະເລຂາທິການສະພາປະຊາຊົນ ແຂວງ, ພ້ອມທັງຮັບປະກັນຄຸນນະພາບຂອງສະມາຊິກພັກ , ພະນັກງານ-ລັດຖະກອນ ໃນການປະຕິບັດ ພາລະບົດບາດ ເປັນເສນາທິ່ດີ , ການປະສານງານທີ່ດີ, ບໍລິການຮັບໃຊ້ໃຫ້ດີເກັ່ງ ແລະ ມີວິໃນ; ພ້ອມທັງເປັນຊ່ຽວຊານ ແລະ ທັນສະໄໝວ່ອງໄວຂື້ນເທື່ອລະກ້າວ ; 6) ເອົາໃຈໃສ່ ປົກປັກຮັກສາສໍານັກງານ; ຄ້ມຄອງພາຫະນະ, ອຸປະກອນຮັບໃຊ້ ແລະ ສັບສີນສ່ວນລວມ ພ້ອມທັງປັບປຸງລະບົບຄຸ້ມຄອງການນໍາໃຊ້ງົບປະມານໃຫ້ມີປະສິດທິພາບ, ໂປ່ງໃສ ແລະ ສາມາດກວດສອບໄດ້ ບົນພື້ນຖານຢືດໝັ້ນນະໂຍບາຍປພຢັດແຫ່ງຊາດ ແລະ ວຽກງານອື່ນໆ; 7) ອັນສໍາຄັນ ຈະໃຫ້ວຽກງານທີ່ຄະນະເລຂາທິການສະພາປະຊາຊົນແຂວງ ມີຜົນສໍາເລັດໃນຕໍ່ໜ້າ ຕ້ອງສ້າງໃຫ້ໄດ້ຄວາມສາມັກຄີ ເປັນໜຶ່ງດຽວລະຫວ່າງຄະນະພັກ, ຄະນະນໍາກັບບັນດາອ້າຍນ້ອງພະນັກງານ-ລັດຖະກອນ ໃນການປະຕິບັດໜ້າທີ່ວຽກງານ ຕ້ອງຖືກກັບ ຫລັກການລວມສູນປະຊາທິປະໄຕ, ການຕົກລົງເປັນໝູ່ຄະນະມີຄວາມເປັນເອກະພາບ ເພື່ອພ້ອມກັນຮັບຜິດຊອບຕາມການຕົກລົງ. (ພາບ-ຂ່າວ: ວິນັດ ສພຂ)