ຕອນບ່າຍຂອງວັນທີ 23 ພະຈິກ 2022 ນີ້ ສະຫະພັນແມ່ຍິງຮາກຖານສະພາປະຊາຊົນແຂວງ ໄດ້ເປີດກອງປະຊຸມສະຫລຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ຮອບທີ II ປະຈຳປີ 2022 ແລະ ທິດທາງແຜນການປີ 2023 ຂຶ້ນທີ່ຫ້ອງປະຊຸມຂອງສະພາປະຊາຊົນແຂວງ ໂດຍການເປັນປະທານຂອງ ທ່ານ ນາງ ຄອນສະຫວັນ ອິນທອງຈັນ ປະທານສະຫະພັນແມ່ຍິງຮາກຖານສະພາປະຊາຊົນແຂວງ, ໃຫ້ກຽດເຂົ້າຮ່ວມໂດຍ ທ່ານ ນາງ ອຸ່ນຫຼ້າ ອ້ຽງລໍລາດ ກຳມະການພັກແຂວງ ຮອງປະທານສະພາປະຊາຊົນແຂວງ ເລຂາໜ່ວຍພັກສະພາປະຊາຊົນແຂວງ,  ທ່ານ ນາງ ຄຳພັດ ໄຊຍະວົງ ຫົວໜ້າຂະແໜງພັດທະນາແມ່ຍິງ , ມີບັນດາທ່ານຕາງໜ້າຈາກໜ່ວຍສະຫະພັນແມ່ຍິງສານປະຊາຊົນແຂວງ, ອົງການໄອຍະການປະຊາຊົນແຂວງ, ພະແນກຍຸຕິທຳແຂວງ, ຕາງໜ້າອົງການຈັດຕັ້ງມະຫາຊົນ, ພ້ອມດ້ວຍສະມາຊິກສະຫະພັນແມ່ຍິງພາຍໃນໜ່ວຍເຂົ້າຮ່ວມທັງໝົດ 24 ທ່ານ.

ໃນກອງປະຊຸມໄດ້ຮັບຟັງບົດສະຫລຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ຮອບທີ II ປະຈຳປີ 2022 ແລະ ທິດທາງແຜນການປີ 2023 ສະຫະພັນແມ່ຍິງຮາກຖານສະພາປະຊາຊົນແຂວງໄດ້ມີຄວາມພະຍາຍາມສູ້ຊົນໃນການຈັດຕັ້ງປະຕິບັດວຽກງານຕ່າງໆຕາມພາລະບົດບາດແລະໜ້າທີ່ທີ່ໄດ້ຮັບການມອບໝາຍຈາກຂັ້ນເທິງໂດຍສະເພາະແມ່ນການຈັດຕັ້ງປະຕິບັດວຽກງານຂໍ້ແຂ່ງຂັນດັ່ງກ່າວໄດ້ຕິດພັນກັບການສ້າງໜວ່ຍພັກປອດໃສ, ເຂັ້ມແຂງ, ໜັກແໜ້ນ ແລະການເຄື່ອນໄຫວວຽກງານວິຊາສະເພາະຂອງເອື້ອຍນ້ອງເເມ່ຍິງພາຍໃຕ້ການຊິີ້ນຳ-ນຳພາຂອງຄະນະພັກສະພາປະຊາຊົນແຂວງແລະ ຄະນະບໍລິຫານງານສະຫະພັນແມ່ຍິງແຂວງ, ມີພາລະບົດບາດສຶກສາອົບຮົມ, ເຕົ້າໂຮມຄວາມສາມັກຄີ ທັງປຸກລະດົມສະມາຊິກແມ່ຍິງເຂົ້າຮ່ວມເຊື່ອມຊື່ມແນວທາງນະໂຍບາຍ, ມະຕິ, ຄໍາສັ່ງຂອງພັກ, ລັດຖະທໍາມະນູນ, ກົດໝາບ ແລະ ກົດລະບຽບຂອງສະຫະພັນແມ່ຍິງລາວ, ແຜນພັດທະນາເສດຖະກິດ – ສັງຄົມ, ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ,ຈຶ່ງເຮັດໃຫ້ການຈັດຕັ້ງປະຕິບັດວຽກງານຂໍ້ແຂ່ງຂັນ3 ດີໄດ້ດຳເນີນໄປຢ່າງຕໍ່ເນື່ອງ ແລະ ມີຜົນສຳເລັດຕາມຄາດໝາຍ

ເຊິ່ງສະຫະພັນແມ່ຍິງຮາກຖານສະພາປະຊາຊົນແຂວງມີສະມາຊິກທັງໝົດ23ຄົນ, ໃນນັ້ນເປັນສະມາຊິກພັກສົມບູນ 12 ສະຫາຍ, ສະມາຊິກຊາວໜຸ່ມ 17 ຄົນ, ກຳມະບານ23ຄົນ;ລະດັບການສຶກສາຈົບມໍປາຍ23ຄົນ, ລະດັບວິຊາສະເພາະຈົບຊັ້ນປະລີນຍາຕີ19 ຄົນ, ຊັ້ນສູງ 3ຄົນ; ຜ່ານການຈັດຕັ້ງປະຕິບັດວຽກງານໃນໄລຍະ1 ປີ ຜ່ານມາໄດ້ຈັດກອງປະຊຸມດຳເນີນຊີວິດການເມືອງພາຍໃນຮາຖານສາມາດສະຫຼຸບຕີລາຄາປະເມີນຜົນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ນັບທັງດ້ານເນື້ອໃນ ແລະ ວິທີການສາມາດຕີລາຄາຈັດປະເພດບຸກຄົນ3 ດີ ປະເພດ I ມີ 23 ຄົນແລະຄັດເລືອກຄອບຄົວຕົວແບບໄດ້7ຄອບຄົວ, ພາຍຫຼັງຕີລາຄາຈັດປະເພດຍ້ອງຍໍ ຄະນະປະທານສະຫະພັນແມ່ຍິງຮາກຖານສະເໜີຂໍການຍ້ອງຍໍຈາກສະຫະພັນແມ່ຍິງແຂວງ ໄລຍະຜ່ານມາສະມາຊິກສະຫະພັນແມ່ຍິງໄດ້ຮັບໃບຍ້ອງຍໍ ດີເດັ່ນໃນການຈັດຕັ້ງປະຕິບັດ ຂໍ້ແຂ່ງຂັນ 3 ດີ ເຊັ່ນ: ໃບຍ້ອງຍໍການຈັດຕັ້ງປະຕິບັດຂໍ້ແຂ່ງຂັນ 3 ດີ ຜົນງານ 5  ປີ ຂອງສູນກາງສະຫະພັນແມ່ຍິງລາວ 23 ໃບ, ໃບຍ້ອງຍໍຊາວໜຸ່ມຜົນງານ 5 ປີ, ໃບຍ້ອງຍໍ 5 ເປັນເຈົ້າຂອງກຳມະບານ, ໃບຍ້ອງຍໍເຈົ້າແຂວງ, ໃບຍ້ອງຍໍກາແດງ,  ຫຼຽນກາແຮງງານ ໃນວັນເລືອກຕັ້ງ.ໃນໄລຍະ 1 ປີ ຜ່ານມາເອື້ອຍນ້ອງສະຫະພັນແມ່ຍິງຮາກຖານສະພາປະຊາຊົນແຂວງສາມາດສ້າງລາຍຮັບເຂົ້າຄັງຂອງໜ່ວຍແມ່ຍິງທັງຫມົດ 17.093.000 ກີບ

ພ້ອມນັ້ນບັນດາທ່ານຜູ້ເຂົ້າຮ່ວມກອງປະຊຸມໄດ້ພ້ອມກັນປະກອບຄຳເຫັນໃສ່ບົດສະຫລຸບດັ່ງກ່າວ ເພື່ອເຮັດໃຫ້ບົດສະຫລຸບມີເນື້ອໃນຄົບຖ້ວນ, ໜັກແໜ້ນ ແລະ ສົມບູນຂຶ້ນກວ່າເກົ່າ

ໃນຕອນທ້າຍກອງປະຊຸມສະມາຊິກສະຫະພັນແມ່ຍິງຮາກຖານສະພາປະຊາຊົນແຂວງ ໄດ້ພ້ອມກັນຈັບມືເພື່ອແຂ່ງຂັນ 3 ດີ ພ້ອມທັງພ້ອມກັນສືບຕໍ່ຮັກສາມູນເຊື້ອ ແລະ ສູ້ຊົນຈັດຕັ້ງປະຕິບັດຕາມຄາດໝາຍທີ່ວາງໄວ້ໃຫ້ສຳເລັດຕາມລະດັບຄາດໝາຍ.

ຂ່າວ ແລະ ພາບ ໂດຍ ນາງ ອຳພອນ ສີປະເສີດ