(ສພຊ) ເພື່ອຮັບປະກັນໃຫ້ແກ່ການເຄື່ອນໄຫວ ແລະ ຈັດຕັ້ງປະຕິບັດໜ້າທີ່ການເມືອງຕາມພາລະບົດບາດ, ສິດ ແລະ ໜ້າທີ່ ທັງເປັນບ່ອນອີງທີ່ດີໃຫ້ແກ່ການພົວພັນປະສານງານລະຫວ່າງຄະນະປະຈໍາສະພາແຫ່ງຊາດ (ສ​ພ​ຊ) ແລະ ຄະນະປະຈໍາສູນກາງແນວລາວສ້າງຊາດ (ສນ​ຊ) ໃຫ້ໄດ້ຮັບຜົນດີ; ກໍາມາທິການບັນດາເຜົ່າ ສ​ພ​ຊ ໄດ້ຈັດກອງປະຊຸມຕີລາຄາຕີລາຄາຜົນການຈັດຕັ້ງປະຕິບັດຂໍ້ຕົກລົງເລກທີ 01/ຄປຈ ວ່າດ້ວຍການພົວພັນລະຫວ່າງຄະນະປະຈໍາ ສ​ພ​ຊ ແລະ ຄະນະປະຈໍາ ສກ​ຊ; ໃນວັນທີ 15 ກັນຍາ 2021 ທີ່ສະພາແຫ່ງຊາດ ພາຍໃຕ້ການເປັນປະທານຂອງທ່ານ ຄໍາຈັນ ໂສຕາປະເສີດ ປະທານກໍາມາທິການບັນດາເຜົ່າ ສະພາແຫ່ງຊາດ, ໂດຍການເຂົ້າຮ່ວມຂອງທ່ານ ນາງ ຄໍາຈັນ ພົມແສງສະຫວັນ ຮອງປະທານແນວລາວສ້າງຊາດ, ບັນດາຕາງໜ້າຈາກອົງການຈັດຕັ້ງມະຫາຊົນສູນກາງ ແລະ ແຂກຖືກເຊີນ.

​ໃນກອງປະຊຸມ, ທ່ານ ສິງ ເລືອງວິ​ຫານ ຫົວໜ້າກົມຊົນເຜົ່າ ແລະ ສາສະໜາ ກໍາມາທິການບັນດາເຜົ່າ ໄດ້ຜ່ານຮ່າງຕີລາຄາການຈັດຕັ້ງປະຕິບັດຂໍ້ຕົກລົງສະບັບເລກທີ 01/ຄປຈ, ລົງວັນທີ 22 ພຶດສະພາ 2019 ວ່າດ້ວຍການພົວພັນລະຫວ່າງຄະນະປະຈໍາ ສ​ພ​ຊ ກັບຄະນະປະຈໍາ ສນ​ຊ.  ຈາກນັ້ນ, ຜູ້ແທນກອງປະຊຸມ​ໄດ້​​ສຸມ​ໃສ່ປະ​ກອບ​ຄ​ໍາ​ເຫັນ​ຕໍ່​ຮ່າງ​ການ​ຕີລາຄາການຈັດຕັ້ງປະຕິບັດຂໍ້ຕົກລົງດັ່ງ​ກ່າວ ​ຢ່າງ​ກົງ​ໄປ​ກົງ​ມາ ພ້ອມທັງແລກປ່ຽນບັນຫາຕ່າງໆທີ່ຜູ້ແທນກອງປະຊຸມໃຫ້ຄວາມສົນໃຈ.

ໂອກ​າດ​ດຽວ​ກັນ​ນີ້, ປະ​ທານກອງ​ປະ​ຊຸມ​ໄດ້ການແຈ້ງໃຫ້ຮູ້ໂດຍຫຍໍ້ ກ່ຽວກັບກົງຈັກການຈັດຕັ້ງ, ພາລະບົດບາດ, ສິດ ແລະ ໜ້າທີ່ຂອງກໍາມາທິການບັນດາເຜົ່າ ສະພາແຫ່ງຊາດ ແລະ ສະ​ຫລຸບ​ສັງ​ລວມ​ກ່ຽວ​ກັບ​ການປະ​ກອບ​ຄ​ຳຄິດ​ຄໍາ​ເຫັນ​ຂອງ​ບັ​ນ​ດາ​ຜູ້​ແທນກ​ອງ​ປະ​ຊຸມ ເພື່ອ​ເຮັດ​ໃຫ້​ມີ​ເນື້ອ​ໃນ​ຄົບ​ຖ​້ວນ​ສົມ​ບູນ​ຍິ່ງ​ຂຶ້​ນ.

(ສອນສັກ ວັນວິໄຊ)