​(ສພຊ) ເພື່ອເປັນການປະກອບຄໍາເຫັນໃສ່ຮ່າງຄູ່ມືການໂຄສະນາເຜີຍແຜ່ ລັດຖະທໍາມະນູນທີ່ໄດ້ຮ່າງໃນເບື້ອງຕົ້ນໃຫ້ມີເນື້ອໃນຄົບຖ້ວນ ແລະ ສາມາດນໍາໄປໂຄສະນາເຜີຍແຜ່ໃຫ້ແກ່ພະນັກງານ-ລັດຖະກອນ, ທະຫານ, ຕໍາຫຼວດ ແລະ ປະຊາຊົນລາວບັນດາເຜົ່າ ແລະ ເພື່ອເປັນການທາບທາມຄໍາຄິດຄໍາເຫັນຕໍ່ຮ່າງຄູ່ມືການໂຄສະນາເຜີຍແຜ່ກົດໝາຍຂົງເຂດສະພາແຫ່ງຊາດ ໃນວັນທີ 6 ເມສາ 2023 ທີ່ສະພາແຫ່ງຊາດ ກໍາມາທິການກົດໝາຍ ໄດ້ຈັດກອງປະຊຸມປະກອບຄໍາເຫັນໃສ່ຮ່າງຄູ່ມື ການໂຄສະນາເຜີຍແຜ່ລັດຖະທໍາມະນູນ ແລະ ປຶກສາຫາລືໂຄງຮ່າງຄູ່ມືການໂຄສະນາເຜີຍແຜ່ກົດໝາຍຂົງເຂດສະພາແຫ່ງຊາດ ໂດຍການເປັນປະທານຂອງທ່ານ ອໍາໄພ ຈິດມານົນ ຮອງປະທານກໍາມາທິການກົດໝາຍ ມີບັນດາທ່ານຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກຈາກກົມ, ສູນ, ພາຍໃນສະພາແຫ່ງຊາດເຂົ້າຮ່ວມ.

​ ໃນວາລະການດໍາເນີນກອງປະຊຸມ ຜູ້ແທນກອງປະຊຸມໄດ້ຜັດປ່ຽນກັນປະກອບຄໍາຄິດຄໍາເຫັນໃສ່ຮ່າງຄູ່ມືການໂຄສະນາ ເຜີຍແຜ່ລັດຖະທໍາມະນູນຂອງ ສປປລາວ ແລະ ໂຄງຮ່າງຄູ່ມືການໂຄສະນາເຜີຍແຜ່ກົດໝາຍຂົງເຂດສະພາແຫ່ງຊາດ ໃຫ້ແກ່ພະນັກງານ-ລັດຖະກອນ ແລະ ໃຫ້ແກ່ປະຊາຊົນລາວບັນດາເຜົ່າ.

(ພາບ ແລະ ຂ່າວ: ສອນສັກ ວັນວິໄຊ)