ຕອນເຊົ້າວັນທີ 13 ມັງກອນ 2023 ນີ້ ໜ່ວຍພັກສະພາປະຊາຊົນແຂວງ ໄດ້ເປີດກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ 5 ຮອບທີ V ປະຈໍາປີ 2022

ໂດຍການເປັນປະທານຂອງ ສະຫາຍ ກົງເພັດ ແກ້ວບົວພາ ກຳມະການພັກແຂວງ ຮອງເລຂາໜ່ວຍພັກສະພາປະຊາຊົນແຂວງ, ບັນດາສະຫາຍເລຂາ, ຮອງເລຂາ, ສະມາຊິກພັກຕາງໜ້າຈາກໜ່ວຍພັກອ້ອມຂ້າງຄື ສານປະຊາຊົນແຂວງ, ພະແນກຍຸຕິທຳແຂວງ, ກວດກາ, ໂຄສະນາອົບຮົມ, ຄະນະຈັດຕັ້ງແຂວງ ພ້ອມດ້ວຍສະມາຊິກພັກໜ່ວຍພັກສະພາປະຊາຊົນແຂວງເຂົ້!ຮ່ວມຢ່າວພ້ອມພຽງຢູ່ຫ້ອງປະຊຸມຂອງສະພາປະຊາຊົນແຂວງ.

ໃນວາລະກອງປະຊຸມ ສະຫາຍ ມີໄຊ ມີວິໄລ ເລຂາທິການສະພາປະຊາຊົນແຂວງໄດ້ຂຶ້ນຜ່ານຮ່າງບົດສະຫລຸບປະເມີນຄັ້ງທີ 5 ຮອບທີ V ປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງໜ່ວຍພັກສະພາປະຊາຊົນແຂວງ

ໜ່ວຍພັກສະພາປະຊາຊົນແຂວງລວມມີສະມາຊິກພັກທັງໝົດ 34 ສະຫາຍ, ຍິງ 11 ສະຫາຍ ໃນນີ້ເປັນກຳມະການຄະນະປະຈຳພັກແຂວງ 1 ສະຫາຍ, ເປັນກຳມະການພັກແຂວງ 2 ສະຫາຍ, ກວມເອົາ 72,34% ຂອງຈຳນວນພະນກງານລັດຖະກອນພາຍໃນສະພາປະຊາຊົນແຂວງ.

ໃນ 1 ປີຜ່ານມາຄະນະໜ່ວຍພັກໄດ້ເອົາໃຈໃສ່ສືກສາອົບຮົມການເມືອງແນວຄິດໃຫ້ຄະນະສະມາຊິກພັກໂດຍການຮ່ວມຊີວິດປະຈຳເດືອນເປັນປົກກະຕິ ແລະ ພະນັກງານລັດຖະກອນ , ພາຍໃຕ້ການຊີ້ນຳນຳພາຂອງຕົນໃຫ້ມີຄຸນທາດານເມືອງໜັກແໜ້ນ, ມີຄວາມຈົ່ງຮັກພັກດີ,​ເຊື່ອໝັ້ນຕໍ່ການນຳພາຂອງພັກ ປະຕິບັດໜ້າທີ່ວິຊາສະເພາະທີ່ຖືກຮັບມອບໝາຍໃຫ້ມີຜົນສຳເລັດຕາມລະດັບຄາດໝາຍ.

ໃນນີ້ດ້ານແນວຄິດການເມືອງປະຕິບັດໄດ້ 1,49 ຄະແນນ, ດ້ານການຈັດຕັ້ງປະຕິບັດປະຕິບັດໄດ້ 1,46 ຄະແນນ, ດ້ານແບບແຜນນຳພາປະຕິບັດໄດ້ 1,88 ຄະແນນ, ລວມປະເມີນຜົນສະມາຊິກພັກແຂງທັງໝົດ 31 ສະຫາຍ, ຍິງ 9 ສະຫາຍ, ກວມເອົາ 91,18%, ກາງ 3 ສະຫາຍ, ຍິງ 2 ສະຫາຍ ວມເອົາ 8,82%, ຄະແນນລວມໜ່ວຍໄດ້ 9,51 ຄະແນນ, ຈັດປະເພດແຂງ ຜ່ານການຕີລາຄາປະເມີນແຕ່ລະດ້ານຂອງໜ່ວຍໃນກອງປະຊຸມໄດ້ເຫັນດີເປັນເອກະພາບສະເໜີໃຫ້ຄະນະປະຈຳພັກແຂວງພິຈາະນາເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2022

ສຳລັບທິດທາງແຜນການປີ 2023 ນີ້ຄະນະພັກສະພາປະຊາຊົນແຂວງຈະສືບຕໍ່ສ້າງສະມາຊິກພັກປອດໃສ, ເຂັ້ມແຂງ, ໜັກແໜ້ນໂດຍສືບຕໍ່ເອົາໃຈໃສ່ຈັດຕັ້ງເຊື່ອມຊືມແນວທາງນະໂຍບາຍຂອງພັກ, ລະບຽບກົດໝາຍຂອງລັດໃຫ້ສະມາຊິກພັກພະນັກງານລັດຖະກອນພາຍໃນສະພາປະຊາຊົນແຂວງໃຫ້ກວ້າງຂວາງເລີກເຊິ່ງ, ດ້ານຄຸນທາດການເມືອງສູ້ຊົນໃຫ້ໄດ້ 2 ຄະແນນ, ດ້ານແນວຄິດໃຫ້ໄດ້ 1,5 ຄະແນນ, ການຈັດຕັ້ງໃຫ້ໄດ້ 1,5 ຄະແນນ, ແບບແຜນນຳພາໃຫ້ໄດ້ 2 ຄະແນນ ແລະ ນຳພາປະຕິບັດໜ້າທີ່ການເມືອງແຕ່ລະດ້ານສູ້ຊົນໃຫ້ໄດ້ 3 ຄະແນນ

ໂດຍ ນາງ ອາເມີງ ວີແຄລູ