ເພືື່ອເຮັດໃຫ້ການປັບປຸງລັດຖະທໍາມະນູນ ສະບັບປີ2015 ມີປະສິດທິພາບ, ປະສິດທິຜົນ ແລະ ສໍາເລັດຜົນທັນ ຕາມກໍານົດເວລາ, ຄະນະກໍາມະການລະດັບຊາດ ປັບປຸງລັດຖະທໍາມະນູນ ໄດ້ມີບົດປະເມີນຜົນການຈັດຕັັ້ງປະຕິບັດ ລັດຖະທໍາມະນູນ ສະບັບປີ 2015 (ໄລຍະ 2015 ຫາ ປີ2024)

ກອງປະຊຸມປະເມີນຜົນການຈັດຕັ້ງປະຕິບັດລັດຖະທຳມະນູນ ແຫ່ງ ສປປລາວ ສະບັບປີ 2015 ໄດ້ຈັດຂຶ້ນໃນຕອນເຊົ້າວັນທີ 19 ກໍລະກົດ 2024 ທີ່ຫ້ອງປະຊຸມຂອງສະພາປະຊາຊົນແຂວງ ໂດຍການເປັນປະທານຂອງທ່ານ ກົງເພັດ ແກ້ວບົວພາ ກຳມະການພັກແຂວງ ຮອງປະທານສະພາປະຊາຊົນແຂວງ ເຂົ້າຮ່ວມມີບັນດາທ່ານປະທານ, ຮອງປະທານຄະນະກຳມະການ, ຫົວໜ້າ, ຮອງຫົວໜ້າອົງການໄອຍະການປະຊາຊົນແຂວງ, ສານປະຊາຊົນແຂວງ, ຫົວໜ້າຂະແໜງພາຍໃນສະພາປະຊາຊົນແຂວງ, ສານປະຊາຊົນແຂວງ ແລະ ອົງການໄອຍະການປະຊາຊົນແຂວງຮ່ວມຢ່າງພ້ອມພຽງ.

ກອງປະຊຸມຄັ້ງນີ້ ໄດ້ຮັບຟັງຮ່າງ ບົດປະເມີນຜົນ ການຈັດຕັັ້ງປະຕິບັດລັດຖະທໍາມະນູນ ແຫ່ງ ສປປ ລາວ ສະບັບປີ 2015 (ໄລຍະ 2015 ຫາ ປີ 2024) ເປັນຕົ້ນແມ່ນຄວາມສຳຄັນ ແລະ ຄວາມຈຳເປັນ; ທິດຊີ້ນຳໃນການປັບປຸງລັດຖະທຳມະນູນແຫ່ງ ສ ປ ປ ລາວ ສະບັບປີ 2015

ພ້ອມນັ້ນບັນດາທ່ານທີເຂົ້າຮ່ວມກອງປະຊຸມໃນຄັ້ງນີ້ໄດ້ຍົກສູງຄວາມຮັບຜິດຊອບໃຊ້ຄວາມຮູ້, ຄວາມສາມາດຄົ້ນຄວ້າ ເພື່ອສຸມໃສ່ປະກອບຄຳເຫັນບັນດາເນື້ອໃນຂອງລັດຖະທຳມະນູນ ສະບັບປີ 2015ຕາມຄຳຖາມເຈາະຈີ້ມໃຫ້ແທດເໝາະກັບຄວາມເປັນຈິງ, ຍົກໃຫ້ເຫັນດ້ານດີ, ດ້ານອ່ອນ, ສາເຫດ ແລະ ສະເໜີວິທີແກ້ໄຂຢ່າງຊັດເຈນ ແລະ ສອດຄ່ອງກັບເນື້ອໃນພື້ນຖານຂອງໂຄງການການເມືອງທີ່ພັກ ແລະ ມະຕິຕ່າງໆຂອງບັັນດາກອງປະຊຸມໃຫຍ່ຂອງພັກເຮົາໃນຕໍ່ໜ້າ

ການສະຫຼຸບຕີລາຄາການຈັດຕັັ້ງປະຕິບັດລັດຖະທໍາມະນູນ ສະບັບປີ 2015 ໃນໄລຍະເກືອບ 10 ປີທີຜ່ານມາ ສາມາດເຫັນໄດ້ຂໍ້ສະດວກ, ຂໍ້ຫຍຸ້ງຍາກ, ຜົນສໍາເລັດ, ບັນຫາຄົງຄ້າງ ພ້ອມທັງສາເຫດ, ຄົ້ນຄວ້າ, ປັບປຸງເນື້ອໃນບົດ ບັນຍັດຂອງລັດຖະທໍາມະນູນ ສະບັບປີ 2015 ທີ່ບໍ່ສອດຄ່ອງ ໃຫ້ມີເນືັ້ອໃນທີື່ຖືກຕ້ອງ, ຄົບຖ້ວນ, ສອດຄ່ອງກັບໜ້າທີ່ ການເມືອງ ຂອງພັກ ແລະ ລັດເຮົາ ໃນໄລຍະໃໝ່, ກາຍເປັນກົດໝາຍພື້ນຖານສໍາຄັນຂອງປະເທດຊາດ, ເປັນບ່ອນອີງໃຫ້ ແກ່ການສ້າງ ແລະ ການປັບປຸງບັນດາກົດໝາຍ ເພືື່ອເປັນເຄືື່ອງມືຂອງລັດ ໃນການຄຸ້ມຄອງລັດ, ຄຸມຄອງເສດຖະກິດສັງຄົມດ້ວຍກົດໝາຍ, ສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນໍາພາຂອງພັກ

ພາບ ແລະ ຂ່າວ ໂດຍ ນາງ ອຳພອນ ສີປະເສີດ