ໃນວັນທີ 30 ມິຖຸນາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງຊຽງຂວາງ ໜ່ວຍກໍາມະບານສະພາປະຊາຊົນແຂວງຊຽງຂວາງ ໄດ້ເປີດກອງປະຊຸມປະຈໍາ 3 ເດືອນ (4.5.6) ປີ 2022 ໂດຍການເປັນປະທານ ຂອງ ທ່ານ ແສເດືອນ ຈັນທະລັງສີ ເລຂາໜ່ວຍພັກສະພາປະຊາຊົນແຂວງ, ຮອງປະທານຄະນະກໍາມະການຍຸຕິທໍາ ແລ ປກຊ-ປກສ ສະພາປະຊາຊົນແຂວງ, ມີຄະນະໜ່ວຍກໍາມະບານ ແລະ ສະມາຊິກກໍາມະບານສະພາປະຊາຊົນແຂວງ ເຂົ້າຮ່ວມ.
ໃນກອງປະຊຸມໄດ້ສັງເກດຄືນການຈັດຕັ້ງປະຕິບັດວຽກງານ 3 ເດືອນ (4.5.6) ປີ 2022 ຜ່ານມາ ຂອງໜ່ວຍກໍາມະບານ ແລະ ທັງເປັນການຕໍານິສົ່ງຂາວສະມາຊິກພາຍໃນໜ່ວຍດ້ວຍກັນ. ໃນທີ່ປະຊຸມໄດ້ຮັບຟັງການ ຜ່ານຮ່າງບົດສະຫຼຸບການເຄື່ອນໄຫວວຽກງານ ປະຈໍາ 3 ເດືອນ (4.5.6) ແລະ ທິດທາງແຜນການ 3 ເດືອນ (7.8.9) ປີ 2022 ຂອງໜ່ວຍກໍາມະບານ ສະພາປະຊາຊົນແຂວງຊຽງຂວາງ ຄະນະໜ່ວຍກຳມະບານ ສະພາປະຊາຊົນແຂວງ ໄດ້ເອົາໃຈໃສ່ສຶກສາອົບຮົມ¡¾ນເມືອງ-ແນວຄິດ ໃຫ້ສະມາຊິກກຳມະບານ ໃຫ້ເຊື່ອໝັ້ນຕໍ່ການນຳພາຂອງພັກມີຄວາມສາມັກຄີພາຍໃນ, ເອົາໃຈໃສ່ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ເອກະສານທີ່ສຳຄັນຂອງອົງການຈັດຕັ້ງຕ່າງໆ, ໄດ້ຮັບຄໍາຮ້ອງຂໍຄວາມເປັນທໍາ ແລະ ຄຳສະເໜີຂອງປະຊາຊົນ, ຕ້ອນຮັບພົນລະເມືອງ, ໃຫ້ຄຳປືກສາທາງດ້ານກົດໝາຍແກ່ປະຊາຊົນບັນດາເຜົ່າ, ເປັນເສນາທິການເກັບກຳຂໍ້ມູນດ້ານຕ່າງໆ, ຂຽນຂ່າວອອກລາຍການວິທະຍຸກະຈາຍສຽງ, ໄດ້ພ້ອມກັນສຸມໃສ່ເຂົ້າຮ່ວມການສ້າງຂະບວນກິລາ, ຂະບວນການອອກແຮງງານຕ່າງໆ ຢູ່ພາຍໃນ ແລະ ຮ່ວມກັບພະແນກການອອ້ມຂ້າງແຂວງຕ້ອນຮັບວັນສຳຄັນຕ່າງໆ ແລະ ທິດທາງແຜນການໃນ 3 ເດືອນ (7.8.9) ປີ 2022 ໜ່ວຍກໍາມະບານສະພາປະຊາຊົນແຂວງ ຈະສືບຕໍ່ສຶກສາອົບຮົມດ້ານການເມືອງ-ແນວຄິດໃຫ້ສະມາຊິກກໍາມະບານ, ສືບຕໍ່ປັບປຸງສະມາຊິກພາຍໃນໃຫ້ເຂັ້ມແຂງເພື່ອກຽມພ້ອມຮັບໃຊ້ໜ້າທີ່ການເມືອງທີ່ພັກ-ລັດມອບໝາຍໃຫ້ພ້ອມກັນຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຂອງກຳມະບານລາວໃຫ້ໄດ້ 95 % ຂື້ນໄປ, ສືບຕໍ່ສ້າງສະມາຊິກຜູ້ດີເດັ່ນເພື່ອນຳສະເໜີ ຄະນະພັກຕິດຕາມເປົ້າໝາຍມະຫາຊົນຜູ້ກ້າວໜ້າເພື່ອຂະຫຍາຍເຂົ້າເປັນສະມາຊິກພັກ, ສ້າງເງື່ອນໄຂໃຫ້ສະມາຊິກໄດ້ໄປຍົກລະດັບທາງດ້ານວິຊາສະເພາະ, ທິດສະດີການເມືອງການປົກຄອງ ແລະ ພາສາຕ່າງປະເທດຕາມເງື່ອນໄຂຕົວຈິງ.
ໃນຕອນທ້າຍ ແສງເດືອນ ຈັນທະລັງສີ ໄດ້ມີຄໍາເຫັນຍ້ອງຍໍຕໍ່ຜົນງານທີ່ໜ່ວຍກໍາມະບານສາມາດຈັດຕັ້ງປະຕິບັດມາໄດ້ໃນໄລຍະຜ່ານມາ ແລະ ທ່ານຍັງມີຄໍາເຫັນໂອ້ລົມຕໍ່ ສະມາຊິກກໍາມະບານທຸກສະຫາຍໃຫ້ສືບຕໍ່ສຶກສາອົບຮົມດ້ານການເມືອງ-ແນວຄິດ, ເອົາໃຈໃສ່ປະຕິບັດໜ້າທີ່ວຽກງານຂອງຕົນຢ່າງຕັ້ງໜ້າ, ປັບປຸງແບບແຜນວິທີເຮັດວຽກຂອງຕົນໃຫ້ມີຄວາມກ້າວໜ້າກວ່າເກົ່າ, ເອົາໃຈໃສ່ຄົ້ນຄວ້າຮໍ່າຮຽນ ຫາຄວາມຮູ້ຄວາມສາມາດເພື່ອພັດທະນາຕົນເອງ ແລະ ສືບຕໍ່ຮັກສາມູນເຊື້ອຄວາມສາມັກຄີພາຍໃນໜ່ວຍໃຫ້ແໜ້ນແຟ້ນກວ່າເກົ່າ.
ສະພາປະຊາຊົນແຂວງຊຽງຂວາງ
ຂ່າວໂດຍ: ນາງ ສຸກສະຫວັນ ອິນທະແສງ