ໃນວັນທີ 2 ກຸມພາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງ ໄດ້ເປີດກອງປະຊຸມປະຈໍາ 2022 ຂອງຄະນະເລຂາທິການສະພາປະຊາຊົນແຂວງຊຽງຂວາງ ພາຍໃຕ້ການເປັນປະທານຮ່ວມຂອງທ່ານ ວຽງໄຊ ສີວິໄລ ຮອງປະທານສະພາປະຊາຊົນແຂວງ ຜູ້ຊີ້ນໍາວຽຫກງານຄະນະເລຂາທິການສະພາປະຊາຊົນແຂວງ ແລະ ທ່ານ ນາງ ສາຍພູເງິນ ອຸດົມສຸກ ເລຂາທິການສະພາປະຊາຊົນແຂວງ, ໃຫ້ກຽດເຂົ້າມີບັນທ່ານຄະນະປະຈໍາສະພາປະຊາຊົນແຂວງ, ປະທານ-ຮອງປະທານຄະນະກໍາມະການ, ຄະນະເລຂາທິການ, ຫົວໜ້າຫ້ອງວ່າການແຂວງ, ຫົວໜ້າ-ຮອງຫົວໜ້າຂະແໜງ, ພະນັກງານຄົນຄວ້າສັງລວມຂອງຫ້ອງວ່າການແຂວງ ແລະ ພະນັກງານຂອງສະພາປະຊາຊົນແຂວງເຂົ້າຮ່ວມ.

ຈຸດປະສົງຂອງກອງປະຊຸມໃນຄັງນີ້ແມ່ນເພື່ອເປັນການສະຫຼຸບຕີລາຄາ, ກວດກາຄືນກ່ຽວກັບການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງຄະນະເລຂາທິການສະພາປະຊາຊົນແຂວງຊຽງຂວາງໃນຖານະເປັນເສນາທິການໃຫ້ຄະນະປະຈຳສະພາປະຊາຊົນແຂວງ, ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງແລະສະມາຊິກສະພາປະຊາຊົນແຂວງໃນການຄົ້ນຄວ້າ-ສັງລວມເນື້ອໃນວຽກງານຮອບດ້ານ, ຄຸ້ມຄອງວຽກງານບໍລິຫານ, ແຜນການແລະການເງິນ, ຄຸ້ມຄອງວຽກງານຈັດຕັ້ງ-ພະນັກງານ ແລະ ການບໍລິການຮັບໃຊ້ໄລຍະຜ່ານມາ. ໃນທີ່ປະຊຸມ ທ່ານ ຄໍາຫຼ້າ ແສງຄໍາຢອງ ຮອງເລຂາທິການສະພາປະຊາຊົນແຂວງ ໄດ້ຜ່ານຮ່າງບົດສະຫຼຸບປະຈໍາປີ 2022 ແລະ ທິດທາງແຜນການ ປີ 2023 ຂອງຄະນະເລຂາທິການສະພາປະຊາຊົນແຂວງ ເຊິ່ງໃນໄລຍະ 1 ປີ ຜ່ານມາຄະນະເລຂາທິການສະພາປະຊາຊົນແຂວງໄດ້ພະຍາຍາມເອົາໃຈໃສ່ຈັດຕັ້ງປະຕິບັດພາລະບົດບາດຂອງຕົນຕາມການຊີ້ນໍາຂອງຄະນະປະຈໍາສະພາປະຊາຊົນແຂວງ, ເຮັດໃຫ້ການຈັດຕັ້ງປະຕິບັດວຽກງານມີຜົນສໍາເລັດເປັນຢ່າງດີ ການເປັນເສນາທິການທາງດ້ານການກະກຽມດ້ານເນື້ອໃນໃຫ້ແກ່ຄະນະປະທານ, ຄະນະປະຈໍາ ແລະ ບັນດາຄະນະກໍາມະການຂອງສະພາປະຊາຊົນແຂວງ ແລະ ການອໍານວຍຄວາມສະດວກທາງດ້ານວັດຖຸອຸປະກອນ, ງົບປະມານຮັບໃຊ້ ແລະ ວຽກງານປິ່ນອ້ອມອື່ນໆ, ໃນທິດທາງແຜນການປີ 2023ຂອງຄະນະເລຂາທິການສະພາປະຊາຊົນແຂວງຈະເອົາໃຈໃສ່ພົວພັນປະສານງານ, ອໍານວຍຄວາມສະດວກຮອບດ້ານ ໃຫ້ແກ່ສະພາປະຊາຊົນແຂວງ, ຄະນະປະຈໍາ ແລະ ບັນດາຄະນະກໍາມະການຂອງສະພາປະຊາຊົນແຂວງ, ສືບຕໍ່ປັບປຸງກົງຈັກການຈັດຕັ້ງຂອງສະພາປະຊາຊົນແຂວງ ຕາມແຜນການສ້າງ ແລະ ປັບປຸງພະນັກງານໃຫ້ສອດຄ່ອງຕາມສະພາບ ແລະ ເງື່ອນຕົວຈິງ.

ນອກນັ້ນໃນທີ່ປະຊຸມທ່ານ ວຽງໄຊ ສີວິໄລ ໄດ້ມີຄໍາ​ເຫັນ​​ໂອ້ລົມຕໍ່ຄະນະເລຂາທິການກໍ່ຄືພະນັກງານສະພາປະຊາຊົນແຂວງ ຈົ່ງສືບຕໍ່ປັບປຸງເນື້ອໃນຮ່າງບົດລະຫຼຸບປະ ຈໍາປີ 2022 ໃຫ້ມີຄວາມຄົບຖ້ວນສົມບູນຕື່ມອີກ, ຈົ່ງ​ສືບ​ຕໍ່​ພັດທະນາ​ຕົນ​ເອງ​ໃນ​ການ​ການ​ຊອກ​ຮູ້​ຮໍ່​າຮຽນວຽກງານ​ຈາກ​ດ້ານ​ຕ່າງໆ ​ເພື່ອ​ນໍາ​ໃຊ້​ເຂົ້າ​ວຽກງານ​ໃຫ້​ດີ​ຂຶ້ນ​ກວ່າ​ເກົ່າ,​ເອົາ​ໃຈ​ໃສ່​ຈັດ​ຕັ້ງ​ປະຕິບັດໜ້າທີ່​ວຽກງານ​ຂອງ​ຕົນ ​ໃຫ້​ຖືກຕ້ອງ​ຕາມ​ຂັ້ນ​ເທິງ​ວາງ​ອອກ ແລະ ຮັກສາ​ມູນ​ເຊື້ອ​ຄວາມ​ສາມັກຄີ​ພາຍ​ໃນ​ໃຫ້​ດີ​ຂຶ້ນ​ກວ່າ​ເກົາ.

ສະພາ​ປະຊາຊົນ​ແຂວງ​ຊຽງຂວາງ

ຂ່າວ​​​ໂດຍ: ນາງ ສຸກ​ສະຫວັນ ອິນທະ​ແສງ