ໃນຕອນເຊົ້າວັນທີ 17 ກຸມພາ 2022 ນີ້ ທີ່ຫ້ອງປະຊຸມ ສະພາປະຊາຊົນແຂວງ(ຫຼັງເກົ່າ) ທ່ານ ປະລິນຍາເອກ ບຸນທັນ ບຸນວິໄລ, ຮອງເລຂາທິການສະພາແຫ່ງຊາດ ພ້ອມຄະນະໄດ້ເຄື່ອນໄຫວຕິດຕາມ ແລະ ເກັບກໍາຂໍ້ມູນການຈັດຕັ້ງ, ກ່ຽວກັບການເຄື່ອນໄຫວວຽກງານຂອງຄະນະເລຂາທິການສະພາປະຊາຊົນແຂວງ ສະຫວັນນະເຂດ ຊຸດທີ II, ໂດຍການຕ້ອນຮັບ ແລະ ເຂົ້າຮ່ວມເຮັດວຽກໃນຄັ້ງນີ້ມີ ທ່ານ ຄຳຜັນ ຄູນສະຫວັນ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງ, ບັນດາທ່ານ ຄະນະເລຂາທິການ, ຫົວໜ້າ-ຮອງຫົວໜ້າຂະແໝງເຂົ້າຮ່ວມຢ່າງພ້ອມພຽງ.

ທ່ານ ບົວລົມ  ອິນທີທະວົງ ໄດ້ຜ່ານບົດລາຍງານ  ກ່ຽວກັບການຈັດຕັ້ງ ແລະ ການເຄື່ອນໄຫວວຽກງານຂອງຄະນະເລຂາທິການສະພາປະຊາຊົນແຂວງ ສະຫວັນນະເຂດ ຊຸດທີ II ໃນໄລຍະຜ່ານມາໂດຍສັງເຂບ ເປັນຕົ້ນແມ່ນ:ໂຄງປະກອບການຈັດຕັ້ງ,ວຽກງານເລຂານຸການ-ຮັບໃຊ້ການນໍາ, ການເປັນເສນາທິການຊ່ວຍວຽກຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13, ຄະນະປະຈໍາສະພາປະຊາຊົນແຂວງ, ລວມທັງ ການເຮັດໜ້າທີ່ເປັນເສນາທິການຂອງບັນດາຂະແໜງ ຊ່ວຍບັນດາຄະນະກໍາມະການ,ວຽກງານຈັດຕັ້ງ ແລະ ກວດກາ, ວຽກບໍລິຫານ-ການເງິນ ແລະ ວຽກສື່ມວນຊົນຕື່ມອີກ.

ຈາກນັ້ນ ທ່ານ ປະລິນຍາເອກ ບຸນທັນ ບຸນວິໄລ ກໍ່ໄດ້ເຈາະຈິ້ມ ແລະ ປີດໂອກາດໃຫ້ບັນດາກົມ, ພະແນກການພາຍໃນຄະນະເລຂາທິການສະພາແຫ່ງຊາດ ກັບ ຄະນະກໍາມະການ, ບັນດາຫົວໜ້າຂະແໝງພາຍໃນສະພາປະຊາຊົນແຂວງ ແລກປ່ຽນເຊິ່ງກັນແລະກັນ ເພື່ອເປັນຂໍ້ມູນໃຫ້ແກ່ການກະກຽມປັບປຸງ ແລະ ສ້າງຄວາມເຂັ້ມແຂງໃຫ້ແກ່ຄະນະເລຂາທິການ ສະພາແຫ່ງຊາດ ແລະ ຄະນະເລຂາທິການສະພາປະຊາຊົນແຂວງ ໃນຂອບເຂດທົ່ວປະເທດ, ທ້າຍສຸດປະທານກອງປະຊຸມກໍ່ໄດ້ສະຫຼຸບຕີລາຄາ ໃນແຕ່ລະໜ້າວຽກດັ່ງກ່າວເພື່ອໃຫ້ດີຂຶ້ນໃນຕໍ່ໜ້າ

(ພາບ-ຂ່າວ: ນາງ​ ຄອນສະຫວັນ​ ເມກສະຫວັນ​)​