(ສພຊ) – ຕອນບ່າຍວັນຈັນທີ 20 ມັງກອນຜ່ານມາ ທີ່ສະພາແຫ່ງຊາດ ໄດ້ມີພິທີມອບ-ຮັບຄອມພິວເຕີຕັ້ງໂຕະ 2 ໜ່ວຍ ລວມມູນຄ່າ 24 ລ້ານກີບ ຈາກບໍລິສັດ ເຈບີ ເທຣດດິງ (JB Trading) ຈຳກັດ, ຕາງໜ້າກ່າວມອບໂດຍທ່ານ ຊາຄຣິດ ນັກສອນ ປະທານບໍລິສັດດັ່ງກ່າວ ແລະ ຕາງໜ້າກ່າວຮັບໂດຍທ່ານ ປອ. ອາຄົມ ປຣະເສີດ ຮອງເລຂາທິການສະພາແຫ່ງຊາດ ເຊິ່ງມີພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພະຍານ; ທ່ານ ປອ. ອາຄົມ ປຣະເສີດ ໄດ້ກ່າວສະແດງຄວາມຂອບໃຈ ແລະ ມອບໃບຍ້ອງຍໍຂອງຄະນະເລຂາທິການສະພາແຫ່ງຊາດ ເພື່ອຍ້ອງຍໍຜົນງານດີເດັ່ນໃນການປະກອບສ່ວນຊຸກຍູ້ ແລະ ອຸປະຖຳຄັ້ງນີ້.

(ນາງ ອາລິນ ສຸພິມມະປະດິດ)