ວັນ 11-13 ທັນວາ 2024ນີ້, ທ່ານ ນາງ ອູ່ນຫຼ້າ ອ້ຽງລໍລາດ ກໍາມະການພັກແຂວງ ຮອງປະທານສະພາປະຊາຊົນແຂວງ ພ້ອມດ້ວຍ ສສຂ ປະຈໍາເຂດເລືອກຕັ້ງເມືອງລອງແຂວງຫຼວງນໍ້າທາ, ໄດ້ລົງຕິດຕາມກວດກາ ການເຊື່ອຖືສາສະໝາຢູ່ບ້ານໂພນສະຫວ່າງ ແລະ ບ້ານແດນກາງເມືອງລອງ, ມີປະຊາຊົນທັງ 2 ບ້ານເຂົ້າຮ່ວມຈໍານວນ 90 ກວ່າຄົນ, ຍິງ 38 ຄົນ, ພາຍທັງການລົງພົບປະ ປະຊາຊົນ, ກໍ່ໄດ້ຈັດກອງປະຊຸມຮ່ວມກັບອົງການປົກຄອງເມືອງໂດຍມີບັນດາຫ້ອງການທີ່ກ່ຽວຂ້ອງຄື: ຫ້ອງການພາຍໃນ, ແນວລາວສ້າງຊາດ, ປກຊ-ປກສ, ສະຫະພັນນັກຮົບເກົ່າ, ອົງການຈັດຕັ້ງມະຫາຊົນ, ເຂົ້າຮ່ວມ,ໃນກອງປະຊຸມແມ່ນໄດ້ຜ່ານບົດລາຍງານຂອງຫ້ອງການພາຍໃນ, ແນວລາວສ້າງຊາດເມືອງ, ເພື່ອຕີລາຄາຄືນເບີ່ງການເຄື່ອນໄຫວ ເຊື່ອຖືສາສະໝາຕ່າງໆ, ບັນຫາຫຍໍ້ທໍ້ທີ່ຈະຕ້ອງໄດ້ເອົາໃຈໃສຊູກຍູ້ແກ້ໄຂຄື: ການເຊື່ອຖືສາສະໝາທີຍັງບໍ່ຖືກຕ້ອງສອດຄ່ອງຕາມນິຕິກໍາ, ການສວຍໃຊ້ສາສະໝາ, ຄວາມຮັບຮູ້ເຊື່ອມຊື່ມດ້ານສາສະໝາ, ສາເຫດທີ່ກໍ່ໃຫ້ເກີດຄວາມແຕກແຍກ,ຈໍາແນກລະຫວ່າງສາສະໝາຕໍ່ການດໍາລົງຊີວິດຂອງປະຊາຊົນ, ດັ່ງນັ້ນ; ທຸກພາກສວ່ນກຽ່ວຂ້ອງຕ້ອງໄດ້ສືບຕໍ່ຊູກຍູ້ຈັດຕັ້ງປະຕິບັດການເຊື່ອຖືສາສະໝາໃຫ້ມີຄວາມເປັນລະບຽບຮຽບຮ້ອຍ,ສັງຄົມມີຄວາມສະຫງົບ ແລະ ຍຸຕິທໍາຢູ່ພາຍໃຕ້ລະບຽບກົດໝາຍ.

ກອງປະຊຸມຄັ້ງນີ້ໄດ້ຮັບການສະໜັບສະໜູນຈາກໂຄງການສ້າງຄວາມເຂັ້ມແຂງຂອງສະພາແຫ່ງຊາດ ແລະ ສະພາປະຊາຊົນແຂວງ (ສະເຕັບ)

ໂດຍ ນາງ ອາເມີງ ວິແຄລູ