(ສພຊ) – ທ່ານ ນາງ ວາລີ ເວດສະພົງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ, ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ພ້ອມດ້ວຍຄະນະທີ່ມີທ່ານ ອຸດົມ ວົງໄກ ສອນ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 11 ແຂວງບໍລິຄຳໄຊ, ສະມາຊິກສະພາແຫ່ງຊາດໜຸ່ມ ໄດ້ສໍາເລັດການເຂົ້າຮ່ວມກອງປະຊຸມສຳມະນາກ່ຽວກັບ “ແມ່ຍິງ, ສັນຕິພາບ ແລະ ຄວາມປອດໄພ ຂອງສະມາຊິກລັດຖະ ສະພາເພດຍິງ: ເຕັກນິກ ແລະ ວິທີການໃນການໄກ່ເກ່ຍ ແລະ ເຈລະຈາຂອງລັດຖະສະພາ” ເຊິ່ງຈັດຂຶ້ນໃນວັນທີ 28-29 ພະຈິກ 2024 ທີ່ນະຄອນຫຼວງພະນົມເປັນ, ລາຊະອານາຈັກກໍາປູເຈຍ ໂດຍມີຕົວແທນຈາກບັນດາປະ ເທດສະມາຊິກລັດຖະສະພາໃນພາກພື້ນອາຊຽນເຂົ້າຮ່ວມ.

ຈຸດປະສົງກອງປະຊຸມຄັ້ງນີ້ ເປັນເວທີແລກປ່ຽນຄຳຄິດຄຳເຫັນ ແລະ ບົດຮຽນກ່ຽວກັບເຕັກນິກການໄກ່ເກຍ, ການເຈລະຈາ ແລະ ປະສົບການລະຫວ່າງຢູ່ພາຍໃນ ແລະ ລັດ ຖະສະພາ ເພື່ອໃຫ້ບັນລຸກ່ຽວກັບການຕົກລົງເຫັນດີໃນລະຫວ່າງການປະຕິບັດໜ້າທີ່ວຽກງານຂອງລັດຖະສະ ພາ ລວມທັງຢູ່ໃນເວທີການທູດຂອງລັດຖະສະພາ; ກອງປະຊຸມສຳມະນາດັ່ງກ່າວ ໄດ້ມີການແລກປ່ຽນວຽກງານແມ່ຍິງ, ສັນຕິພາບ ແລະ ຄວາມປອດໄພ. ພ້ອມດຽວກັນນັ້ນ, ບັນດາປະເທດສະມາຊິກລັດຖະສະພາ ຍັງໄດ້ກຳນົດແຜນວຽກຮ່ວມກັນເພື່ອຈັດຕັ້ງປະຕິບັດໃນຕໍ່ໜ້າ.

ທ່ານ ນາງ ວາລີ ເວດສະພົງ ໄດ້ສະແດງຄຳຄິດເຫັນ ແລະ ແລກປ່ຽນບົດຮຽນຕໍ່ກອງປະຊຸມສຳມະນາໃນລັກສະ ນະສ້າງສັນ ແລະ ກົງໄປກົງມາ.

ກອງປະຊຸມຄັ້ງນີ້ ໄດ້ປິດລົງດ້ວຍຜົນສໍາເລັດອັນຈົບງາມ ໂດຍຜູ້ແທນໄດ້ປຶກສາຫາລືສ້າງແຜນວຽກກ່ຽວກັບແມ່ຍິງ, ສັນຕິພາບ ແລະ ຄວາມປອດໄພ ຮ່ວມກັນເພື່ອຈັດ ຕັ້ງປະຕິບັດໃນຕໍ່ໜ້າ.