ຕອນເຊົ້າ ວັນທີ 22 ພະຈິກ 2024 ຢູ່ຫ້ອງປະຊຸມສະພາປະຊາຊົນແຂວງຫລວງນ້ຳທາ ໄດ້ຈັດພິທີມອບ-ຮັບ ອຸປະກອນໄອທີ ທີ່ໄດ້ຮັບການຊ່ວຍເຫລືອຂອງໂຄງການສ້າງຄວາມເຂັ້ມແຂງ ຂອງສະພາແຫ່ງຊາດ (ສະເຕັບ) ໂດຍການເປັນປະທານຂອງທ່ານ ຂັດ ໝັ້ນທະໄລ ຮອງເລຂາທິການສະພາປະຊາຊົນແຂວງ ມີຫົວໜ້າຮອງຫົວໜ້າຂະແໜງ ພ້ອມດ້ວຍພະນັກງານວິຊາການເຂົ້າຮ່ວມ.

ອຸປະກອນໄອທີ ທີ່ໄດ້ຮັບການຊ່ວຍເຫລືອຂອງໂຄງການສ້າງຄວາມເຂັ້ມແຂງ ຂອງສະພາແຫ່ງຊາດ (ສະເຕັບ) ປີ 2024 ໃຫ້ຄະນະເລຂາທິການ ແລະ ບັນດາຂະແໜງພາຍໃນສະພາປະຊາຊົນແຂວງຄຸ້ມຄອງ ແລະ ນຳໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຄື: ຄະນະເລຂາທິການສະພາປະຊາຊົນແຂວງ ຄອມພິວເຕີໂນດບຸກ 1 ເຄື່ອງ, ຂະແໜງຄົ້ນຄວ້າສັງລວມ ແລະ ຂໍ້ມູນຂ່າວສານ  ຄອມພິວເຕີໂນດບຸກ 2 ເຄື່ອງ, ກ້ອງວີດີໂອພ້ອມອຸປະກອນ 2 ຊຸດ, ຂະແໜງບໍລິຫານ, ຈັດຕັ້ງ ແລະ ກວດກາ ຄອມພິວເຕີຕັ້ງໂຕະ 1 ຊຸດ, ຂະແໜງວຽກງານຄະນະ ສສຊ ປະຈຳເຂດເລືອກຕັ້ງ ຄອມພິວເຕີຕັ້ງໂຕະ 1 ຊຸດ, ຂະແໜງຍຸຕິທໍາ ແລະ ປກຊ-ປກສ ຄອມພິວເຕີຕັ້ງໂຕະ 1 ຊຸດ, ຄອມພິວເຕີໂນດບຸກ 1 ເຄື່ອງ, ຂະແໜງວັດທະນາທຳສັງຄົມ ແລະ ບັນດາເຜົ່າ ຄອມພິວເຕີໂນດບຸກ 1 ເຄື່ອງ, ຄອມພິວເຕີຕັ້ງໂຕະ 1 ຊຸດ, ຂະແໜງແຜນການ ແລະ ການເງິນ ຄອມພິວເຕີຕັ້ງໂຕະ 1 ຊຸດ ແລະ ຂະແໜງເສດຖະກິດ ຄອມພິວເຕີຕັ້ງໂຕະ 1 ຊຸດ; ພ້ອມທັງ ມອບໃຫ້ຂະແໜງບໍລິຫານ, ຈັດຕັ້ງ ແລະກວດກາ ເກັບກຳຂໍ້ມູນອຸປະກອນຈຳນວນດັ່ງກ່າວ ເພື່ອຂຶ້ນບັນຊີຈົດເຂົ້າໃນຊັບສິນຂອງລັດ ໃຫ້ຖຶກຕ້ອງຕາມກົດໝາຍ, ມອບໃຫ້ບັນດາຂະແໜງປົກປັກຮັກສາ, ຄຸ້ມຄອງ ແລະ ນຳໃຊ້ເຂົ້າໃນການຈັດຕັ້ງປະຕິບັດວຽກງານໃຫ້ໄດ້ຮັບປະສິດທິຜົນສູງສຸດ ແລະ ເພື່ອເຮັດໃຫ້ການແຈກຢາຍອຸປະກອນໄອທີ ຖຶກຕ້ອງຕາມເປົ້າໝາຍ, ເໜາະສົມກັບຄວາມຕ້ອງການຕົວຈິງ