(ສພຊ) – ວັນທີ 20 ພະຈິກນີ້ ທີ່ສະພາແຫ່ງຊາດ (ສພຊ) ໄດ້ມີພິທີມອບ-ຮັບນໍ້າດື່ມແຮ່ທາດມິນີໂຣ ຈຳນວນ 500 ແພັກ ລວມມູນຄ່າ 100 ລ້ານກີບ ຈາກໂຮງງານນໍ້າດື່ມ ແຮ່ທາດມີນີໂຣ (ກຸ່ມບໍລິສັດ DSK ຈຳກັດ) ເພື່ອປະ ກອບສ່ວນຊຸກຍູ້ກອງປະຊຸມສະໄໝສາມັນເທື່ອທີ 8 ຂອງ ສພຊ ຊຸດທີ IX, ຕາງໜ້າມອບໂດຍທ່ານ ບຸນໄທ ວັນນະວົງ ຜູ້ຈັດການການຈັດຕັ້ງກຸ່ມບໍລິສັດ DSK ຈຳກັດ ແລະ ຕາງໜ້າຮັບໂດຍທ່ານ ປອ. ອາຄົມ ປຣະເສີດ ຮອງຄະນະເລຂາທິການສະພາແຫ່ງຊາດ ເຊິ່ງມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພະຍານ.

ທ່ານ ປອ. ອາຄົມ ປຣະເສີດ ໄດ້ມອບໃບຊົມເຊີຍຂອງຄະນະເລຂາທິການສະພາແຫ່ງຊາດ ໃຫ້ໂຮງງານນໍ້າດື່ມແຮ່ທາດມິນີໂຣ (ກຸ່ມບໍລິສັດ DSK ຈຳກັດ) ທີ່ມີຜົນງານດີເດັ່ນໃນການປະກອບສ່ວນໃນຄັ້ງນີ້.

(ນາງ ກຸກກິກ ບຸດດາໄຊ)