(ສປນວ) ວັນທີ 01 ພະຈິກ 2024, ທີ່ຫ້ອງວ່າການປົກຄອງ ນະຄອນຫຼວງວຽງຈັນ ທ່ານ ນາງ ລໍາພອຍ ສີອັກຄະຈັນ ກຳມະການປະຈຳພັກ ນະຄອນຫຼວງ, ຮອງປະທານ ສະພາປະຊາຊົນ ນະຄອນຫຼວງວຽງຈັນ ໄດ້ຕ້ອນຮັບຄະນະຜູ້ແທນ ສະພາປະຊາຊົນ ສະພາປະຊາຊົນ ແຂວງປົກຄອງພິເສດ ເຈຈູ ແຫ່ງ ສາທາລະນະລັດ ເກົາຫຼີ ນຳໂດຍ ທ່ານ ຢອງຊິກ ຍັງ, ປະທານຄະນະກໍາມະການ ເສດຖະກິດການກະເສດ, ການລ້ຽງສັດ ແລະ ການປະມົງ ພ້ອມດ້ວຍຄະນະ ທີ່ໄດ້ເດີນທາງມາພົບປະຢ້ຽມຢາມ ສະພາປະຊາຊົນ ນະຄອນຫຼວງວຽງຈັນ ເຂົ້າຮ່ວມຕ້ອນຮັບມີ ບັນດາທ່ານຄະນະປະຈຳ ສະພາປະຊາຊົນ ນະຄອນຫຼວງ, ຄະນະເລຂາທິການ ສະພາປະຊາຊົນ, ພະແນກການຕ່າງປະເທດ ນະຄອນຫຼວງ ພ້ອມດ້ວຍວິຊາການກ່ຽວຂ້ອງຈຳນວນໜຶ່ງ.

ທ່ານ ນາງ ລຳພອຍ ສີອັກຄະຈັນ ໄດ້ສະເແດງຄວາມຍິນດີຕ້ອນຮັບ ພ້ອມທັງຕີລາຄາສູງຕໍ່ການເດີນທາງມາຢ້ຽມ ຢາມຄັ້ງນີ້ ເປັນການເສີມຂະຫຍາຍສາຍພົວພັນຮ່ວມມືຮ່ວມກັນ, ໂດຍຄະນະຜູ້ແທນທັງສອງຝ່າຍກໍ່ໄດ້ມີການຢື້ຢາມຖາມຂ່າວ ແລະ ແລກປ່ຽນຂໍ້ມູນນຳກັນ. ພ້ອມດຽວກັນນີ້, ທ່ານ ນາງ ລຳພອຍ ສີອັກຄະຈັນ ກໍ່ໄດ້ສະເໜີໃຫ້ທັງສອງສະພາ ສືບຕໍ່ປະສານສົມທົບກັນ ໂດຍສະເພາະເນື້ອໃນ ຮ່າງບົດບັນທຶກການຮ່ວມມື ລະຫວ່າງ ສະພາປະຊາຊົນ ນະຄອນຫຼວງວຽງຈັນ ແລະ ສະພາປະຊາຊົນ ສະພາປະຊາຊົນ ແຂວງປົກຄອງພິເສດ ເຈຈູ ສະພາປະຊາຊົນ ເພື່ອຄວາມເປັນເອກະພາບດ້ານເນື້ອໃນຮ່ວມມືຂອງສອງຝ່າຍ ແລະ ກ້າວໄປເຖິງການລົງນາມຮ່ວມກັນໃນຕໍ່ໜ້າ, ເຮັດໃຫ້ວຽກງານຂອງສອງສະພາປະຊາຊົນ ໃນຖານະທີ່ເປັນອົງການນິຕິບັນຍັດຂັ້ນທ້ອງຖິ່ນ ໃຫ້ແໜ້ນແຟ້ນຍິ່ງຂຶ້ນ ແລະ ລົງເລິກຂື້ນຫຼາຍກວ່າເກົ່າ.

ທ່ານ ຢອງຊິກ ຍັງ, ປະທານຄະນະກໍາມະການ ເສດຖະກິດການກະເສດ, ການລ້ຽງສັດ ແລະ ການປະມົງ ໄດ້ສະແດງຄວາມຂອບໃຈ ຕໍ່ທ່ານ ນາງ ລຳພອຍ ສີອັກຄະຈັນ ພ້ອມດ້ວຍຄະນະ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ເຫັນດີເປັນເອກະພາບ ໃນການສືບຕໍ່ປະສານສົມທົບຄົ້ນຄວ້າຮ່າງບົດບັນທຶກການຮ່ວມມື ເພື່ອໄດ້ເອກະພາບ ແລະ ລົງນາມຮ່ວມກັນໃນໄວໆນີ້ ແລະ ສອງສະພາປະຊາຊົນ ຈະໄດ້ລົງເລິກພົວພັນຮ່ວມມືກັນໃນຂົງເຂດວຽກງານຂອງຕົນ ໃຫ້ສະໜິດແໜ້ນຫຼາຍຂື້ນ.