ໃນວັນທີ 29 ກໍລະກົດ 2024 ທີ່ຜ່ານມາ ທ່ານ ນາງ ບຸນມີ ຈຸນລະຈັກ ຮອງຫົວໜ້າສະຖາບັນການເມືອງ ແລະ ປົກຄອງແຫ່ງຊາດ, ສະມາຊິກສະພາແຫ່ງຊາດ ເຂດເລືອກຕັ້ງທີ 15 ແຂວງຈໍາປາສັກ ສົມທົບກັບ ທ່ານ ສົມສີ ມະນີນິນ ກຳມະການພັກແຂວງ, ຮອງປະທານສະພາປະຊາຊົນແຂວງຈໍາປາສັກ ແລະບັນດາທ່ານ ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງປາກຊ່ອງ ພ້ອມຄະນະ ເຄື່ອນໄຫພົບປະຢ້ຽມຢາມປະຊາຊົນບ້ານນໍ້າຕວດ, ເມືອງປາກຊ່ອງ.

ເພື່ອເປັນການຢ້ຽມຢາມຖາມຂ່າວ, ຕິດພັນກັບການນໍາເອົາເນື້ອໃນຜົນສຳເລັດກອງປະຊຸມສະໄໝສາມັນ ເທື່ອທີ7 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂງຈໍາປາສັກ ຊຸດທີ II ເຜີຍແຜ່ໃຫ້ປະຊາຊົນໄດ້ຮັບຮູ້ ແລະເຂົ້າໃຈຢ່າງເລິກເຊິ່ງ.

ການເຄື່ອນໄຫວ, ໄດ້ຮັບຟັງການລາຍງານຫຍໍ້ກ່ຽວສະພາບຈຸດພິເສດ ແລະການຈັດຕັ້ງປະຕິບັດວຽກງານຂອງບ້ານນໍ້າຕວດ ຈາກຕາງໜ້າອົງການປົກຄອງບ້ານນໍ້າຕວດ ເຊິ່ງເຫັນຈຸດດີ, ຂໍ້ຄົງຄ້າງ ແລະ ບັນຫາຈໍານວນໜຶ່ງ ທີ່ປະຊາຊົນໄດ້ສະເໜີ ເຊິ່ງເປັນຫາຕິດພັນກັບການດໍາເນີນຊີວິດການເປັນຢູ່ຂອງປະຊາຊົນ ເຊີ່ງບັນດາທ່ານສະມາຊິກສະພາແຫ່ງຊາດ ແລະສະມາຊິກວະພາປະຊາຊົນແຂວງ ໄດ້ສະແດງຄວາມເປັນຫ່ວງເປັນໄຍ ແລະຮຽກຮ້ອງໃຫ້ປະຊາຊົນບ້ວນນໍ້າຕວດ ຈົ່ງສູ້ຊົນອົດທົນຜ່ານຜ່າຕໍ່ບັນຫາຄວາມຫຍຸ້ງຍາກ, ສືບຕໍ່ຮັກສາຄວາມສາມັກຄີຮັກແພງ, ຮັກສາມມູນເຊື້ອອັນດຸໝັ່ນຂະຫຍັນພຽງ ສ້າງເສດຖະກິດຄອບຂອງຕົນໃຫ້ມີຄວາມເຂັ້ມແຂງ ເປັນຄອບຄົວກຸ້ມຢູ່ກຸ້ມກິນ, ມີສ່ວນຮ່ວມປະກອບສ່ວນໃນການສ້າງສາພັດທະນາປະເທດຊາດ.

ການເຄື່ອນໄຫວຂອງຄະນະ ສສຊ ເຂດ 15 ແລະ ສສຂ ໄດ້ນຳເອົາອຸປະກອນການສຶກສາ, ເຄື່ອງອຸປະໂພກ ແລະ ອຸປະກອນກິລາ ມອບໃຫ້ແກ່ອົງການປົກຄອງບ້ານ ແລະໂຮງຮຽງຂອງບ້ານນໍ້າຕວດ ເພື່ອນຳໃຊ້ເຂົາໃນວຽກງານອັນລວມໃຫ້ເກີດປະໂຫຍດສູງສຸດ ລວມມູນຄ່າເປັນເງິນທັງໝົດ ຈຳນວນ 8.000.000 ກີບ.