(ສພຊ) – ຕອນແລງວັນອາທິດທີ 20 ຕຸລານີ້ ທີ່ຫໍປະຊຸມແຫ່ງຊາດ, ທ່ານ ສັນຍາ ປຣະເສີດ ປະທານກໍາມາທິການການຕ່າງປະເທດ ພ້ອມດ້ວຍຄະນະ ໄດ້ພົບປະທ່ານ ນາງ ກາບຣິເອເລ ຄາດຊ໌ມາເຣັກ (Gabriele Katzmarek) ສະມາຊິກລັດຖະ ສະພາ ແຫ່ງ ສາທາລະນະລັດ ສະຫະພັນ ເຢຍລະມັນ ໃນໂອກາດທີ່ເຂົ້າຮ່ວມກອງປະ ຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ ຄັ້ງທີ 45 ທີ່ ສປປລາວ ເປັນເຈົ້າພາບ.

ໃນການພົບປະ, ສອງຝ່າຍໄດ້ພ້ອມກັນຕີລາຄາຄືນຕໍ່ການພົວພັນຮ່ວມມືນໍາກັນຢ່າງປົກກະຕິລະຫວ່າງສະພາແຫ່ງຊາດລາວ ກັບ ລັດຖະສະພາເຢຍລະມັນ ເຊິ່ງສະແດງອອກໃນການແລກປ່ຽນການຢ້ຽມຢາມຂອງຄະນະຜູ້ແທນນໍາກັນເປັນປົກກະ ຕິ; ແລກປ່ຽນຂໍ້ມູນຂ່າວສານ, ສານຊົມເຊີຍ ແລະ ສານອວຍພອນໃນໂອກາດວັນສຳຄັນຕ່າງໆ ພ້ອມທັງສະໜັບສະໜູນເຊິ່ງກັນແລະກັນໃນເວທີພາກພື້ນ ແລະ ສາກົນ ເປັນຕົ້ນແມ່ນກອງປະຊຸມຄູ່ຮ່ວມເຈລະຈາລັດຖະສະພາອາຊີ-ເອີຣົບ (ASEP), ສະຫະ ພັນລັດຖະສະພາສາກົນ (IPU) ແລະ ອື່ນໆ. ນອກຈາກນີ້, ສສ.ເຢຍລະມັນ ກໍຊ່ວຍ ເຫຼືອສະໜັບສະໜູນໃຫ້ແກ່ສະພາແຫ່ງຊາດລາວ ໂດຍຜ່ານໂຄງການເຊກາ, ໂລຊາລຸກຊໍາບວກ ແລະ ອົງການສາກົນຕ່າງໆ ເພື່ອເສີມສ້າງຄວາມເຂັ້ມແຂງໃນດ້ານຕ່າງໆ ເປັນຕົ້ນທາງດ້ານເຕັກນິກ-ວິຊາການ, ການສ້າງ ແລະ ປັບປຸງກົດໝາຍ, ທັດສະ ນະສຶກສາ, ກອງປະຊຸມສໍາມະນາ ແລະ ອື່ນໆ ເຊິ່ງເປັນປະໂຫຍດຢ່າງຍິ່ງໃຫ້ແກ່ສະພາແຫ່ງຊາດລາວ ໂດຍສະເພາະໄລຍະການກະກຽມກ່ອນກອງປະຊຸມໄອປາ-45 ແມ່ນໄດ້ໃຫ້ການສະໜັບສະໜູນໃນການຈັດສຳມະນາຕ່າງໆໃຫ້ແກ່ພະນັກງານການນຳ ແລະ ພະນັກງານຮັບໃຊ້ກອງປະຊຸມຂອງສະພາແຫ່ງຊາດ.

ສອງຝ່າຍຍັງໄດ້ສະເໜີທິດທາງແຜນການພົວພັນຮ່ວມມືກັນໃນຕໍ່ໜ້າ ໂດຍສືບຕໍ່ແລກປ່ຽນຄະນະຜູ້ແທນນຳກັນ ໃນລະດັບຕ່າງໆຢ່າງປົກກະຕິ ແລະ ຕໍ່ເນື່ອງ; ຮ່ວມມືທາງວິຊາການ ດ້ວຍຮູບການຈັດສໍາມະນາ, ເຝິກອົບຮົມ, ທັດສະນະສຶກສາ ແລະ ແລກປ່ຽນບົດຮຽນນຳກັນ ທັງພາຍໃນ ແລະ ຕ່າງປະເທດ ເພື່ອຍົກສູງຂີດຄວາມສາມາດແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຂອງ ສປປລາວ; ຊຸກຍູ້ ແລະ ສົ່ງເສີມໃຫ້ລັດຖະບານຂອງສອງປະເທດ ຈັດຕັ້ງປະຕິບັດສົນທິ ສັນຍາ, ສັນຍາ ແລະ ຂໍ້ຕົກລົງທີ່ສອງລັດຖະບານໄດ້ຮ່ວມກັນລົງນາມ ໃຫ້ມີປະສິດທິຜົນ; ຮ່ວມມື, ຊ່ວຍເຫຼືອ ແລະ ສະໜັບສະໜູນເຊິ່ງກັນແລະກັນໃນເວທີລັດຖະສະພາພາກພື້ນ ແລະ ສາກົນ.

(ນາງ ກຸກກິກ ບຸດດາໄຊ)