(ສພຊ) – ວັນອາທິດທີ 20 ຕຸລານີ້ ໄດ້ມີກອງປະຊຸມກໍາມາທິການສັງຄົມ ຂອງກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຄັ້ງທີ 45 ໂດຍການເປັນປະທານຂອງທ່ານ ບຸນຕາ ເທບພະວົງ ປະທານກຳມາທິການວັດທະນະທຳ-ສັງຄົມ, ເຂົ້າຮ່ວມມີຫົວໜ້າ ແລະ ຮອງຫົວໜ້າຄະນະຜູ້ແທນສະມາຊິກລັດຖະສະພາອາຊຽນ.

ກອງປະຊຸມໄດ້ປຶກສາຫາລື, ພິຈາລະນາ ແລະ ຮັບຮອງເອົາ 5 ຮ່າງມະຕິຄື: 1. ຮ່າງມະຕິວ່າດ້ວຍການເພີ່ມທະວີບົດບາດຂອງລັດຖະສະພາໃນການຮ່ວມມືເພື່ອການແກ້ໄຂບັນຫາຢາເສບຕິດ ເຮັດໃຫ້ອາຊຽນປອດຢາເສບຕິດຢ່າງເປັນຮູບປະທໍາ; 2. ຮ່າງມະຕິວ່າດ້ວຍການດຳເນີນການຮ່ວມກັນຜ່ານຂໍ້ລິເລີ່ມສົນທິສັນຍາໂລກວ່າດ້ວຍພລາສຕິກໃນອາຊຽນ; 3. ຮ່າງມະຕິວ່າດ້ວຍການສົ່ງເສີມບົດບາດຂອງລັດຖະສະພາດ້ານນະວັດຕະກຳການຮັກສາສຸຂະພາບແບບອັດສະລິຍະ; 4. ຮ່າງມະຕິວ່າດ້ວຍການສົ່ງເສີມສິດ, ສະຫວັດດີການສັງຄົມ ແລະ ໂອກາດໃນການຈ້າງງານ ສຳລັບຜູ້ອາຍຸສູງໃນອາຊຽນ; 5. ຮ່າງມະຕິວ່າດ້ວຍການເພີ່ມທະວີການຮ່ວມມືໃນການເພີ່ມການຄວບຄຸມຢາສູບ ແລະ ສານນີໂຄຕິນ ໃນອາຊຽນ.

(ນາງ ອາລິນ ສຸພິມມະປະດິດ)