(ສພຊ) – ວັນສຸກທີ 18 ຕຸລານີ້ ທີ່ຫໍປະຊຸມແຫ່ງຊາດ ໄດ້ມີການພົບປະສອງຝ່າຍລະຫວ່າງຄະນະຜູ້ແທນສະພາແຫ່ງຊາດ ສປປລາວ ແລະ ຄະນະຜູ້ແທນສະພາແຫ່ງຊາດ ແຫ່ງ ລາຊະອານາຈັກກຳປູເຈຍ ເຊິ່ງຝ່າຍລາວນຳໂດຍທ່ານ ບຸນຕາ ເທບພະວົງ ປະທານກຳມາທິການວັດທະນະທຳ-ສັງຄົມ, ຝ່າຍກຳປູເຈຍນຳໂດຍທ່ານ ນາງ ລັອກ ເຄັງ ປະທານກຳມາທິການສາທາລະນະສຸກ, ວຽກງານສັງຄົມ, ນັກຮົບເກົ່າ, ການຟື້ນຟູຊາວໜຸ່ມ, ແຮງງານ, ວິຊາຊີບ, ວຽກງານແມ່ຍິງ.

ໃນການພົບປະ, ສອງຝ່າຍໄດ້ລາຍງານການຈັດຕັ້ງປະຕິບັດວຽກງານຂອງຕົນ ແລະ ຈຸດພິເສດພົ້ນເດັ່ນໃຫ້ກັນແລະກັນຊາບ ພິເສດແມ່ນຜົນການຈັດຕັ້ງປະຕິບັດບົດບັນທຶກຊ່ວຍຈຳທີ່ສອງກຳມາທິການໄດ້ລົງນາມຮ່ວມກັນໃນເດືອນມັງກອນ 2009 ທີ່ນະຄອນຫຼວງວຽງຈັນ ເພື່ອຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງກຳມາທິການວັດທະນະທຳ-ສັງຄົມ, ສະພາແຫ່ງຊາດລາວ ແລະ ກຳມາທິການສາທາລະນະສຸກ, ສະຫວັດດີການສັງຄົມ-ນັກຮົບເກົ່າ, ຟື້ນຟູຊາວໜຸ່ມ, ແຮງງານ, ບຳລຸງວິຊາຊີບ ແລະ ວຽກງານແມ່ຍິງ, ສະພາແຫ່ງຊາດກຳປູເຈຍ. ໃນຕອນທ້າຍ, ສອງຝ່າຍສະເໜີທິດທາງການພົວພັນຮ່ວມມືໃນຕໍ່ໜ້າ ໂດຍສືບຕໍ່ຄົ້ນຄວ້າສ້າງບົດບັນທຶກວ່າດ້ວຍການຮ່ວມມືລະຫວ່າງສອງສະ ພາແຫ່ງຊາດ ລາວ-ກຳປູເຈຍ ກໍຄືສອງກຳທິການ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານການພົວພັນຮ່ວມມືໃນຕໍ່ໜ້າ; ເພີ່ມທະວີການແລກປ່ຽນຢ້ຽມ ຢາມ, ພົບປະເຮັດວຽກລົງເລິກບາງບັນຫາທີ່ສອງກຳມາທິການມີຄວາມສົນໃຈ; ສືບຕໍ່ຮ່ວມມື ແລະ ສະໜັບສະໜູນເຊິ່ງກັນແລະກັນໃນການເຄື່ອນໄຫວວຽກງານໃນເວທີລະດັບພາກພື້ນ ແລະ ສາກົນ.

(ນາງ ອາລິນ ສຸພິມມະປະດິດ)