ເນື່ອງໃນໂອກາດ ບຸນອອກພັນສາ ປະວໍລະນາ ປະຈໍາປີ ພສ 2567 ທີ່ໄດ້ໝູນວຽນມາບັນຈົບຄົບຮອບອີກວາລະໜຶ່ງ ທີ່ເຄີຍຈັດຕັ້ງປະຕິບັດກັນມາ ຕາມຮີດຄອງປະເພນີ, ວັດທະນະທໍາອັນດີງາມຂອງຊາດລາວ ກໍຄືຊາວເມືອງນາແລ ແຂວງຫລວງນ້ຳທາ ໃນວັນທີ 15 ຕຸລາ 2024 ນີ້ສະພາປະຊາຊົນແຂວງຫລວງນ້ຳທາ ທ່ານ ຄໍາຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງ ໄດ້ເຂົ້າຮ່ວມ ພິທີເປີດການແຂ່ງຂັນຊ່ວງເຮືອ ບຸນອອກພັນສາ ປະວໍລະນາ ພສ 2567 ທີ່ເມືອງນາແລແຂວງຫລວງນ້ຳທາ; ພ້ອມດຽວກັນ ສະພາປະຊາຊົນແຂວງ ຍັງໄດ້ມອບເງິນຈໍານວນ 2.000.000 ກີບ ເພື່ອຊູກຍູ້ງານບຸນປະເພນີຊ່ວງເຮືອໃນຄັ້ງນີ້,