(ສພຊ) – ຕອນເຊົ້າວັນພະຫັດທີ 10 ຕຸລາຜ່ານມາ ໄດ້ມີການມອບ-ຮັບສິນຄ້າໂອດັອບ (ກາເຟເມັດຂົ້ວ) ຈາກສະພາປະຊາຊົນແຂວງ (ສພຂ) ໄຊສົມບູນ ຈໍານວນ 100 ຖົງ ລວມມູນຄ່າ 25 ລ້ານກີບ ໃຫ້ແກ່ສະພາແຫ່ງຊາດ ເພື່ອສະໜັບສະໜູນກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ (AIPA) ຄັ້ງທີ 45 ເຊິ່ງຕາງໜ້າກ່າວຮັບໂດຍທ່ານ ນາງ ອຳໄພວອນ ລ້ອມບຸນແພງ ເລຂາທິການສະພາແຫ່ງຊາດ, ຕາງໜ້າກ່າວມອບໂດຍທ່ານ ນາງ ຂັນກາບ ໄຊຍະກຸມມານ ເລຂາທິການ ສພຂ ໄຊສົມບູນ ໂດຍມີພາກສ່ວນທີ່ກ່ຽວຂ້ອງເຂົ້າຮ່ວມ.

(ສອນສັກ ວັນວິໄຊ)