ວັນທີ 7 ຕຸລາ 2024 ນີ້, ທີ່ສະພາປະຊາຊົນແຂວງຫົວພັນ ໄດ້ມີພິທີມອບ-ຮັບ ຜະລິດຕະພັນຊາ, ກາເຟ ແລະ ເຄື່ອງຫັດຖະກຳ ລວມມູນຄ່າ 3000.000 ກີບ ເພື່ອຮັບໃຊ້ກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ (AIPA) ຄັ້ງທີ 45 ເຊິ່ງກ່າວມອບໂດຍ ຜູ້ຕາງໜ້າ ສະພາການຄ້າ ແລະ ອຸດສາຫະກຳ ແຂວງຫົວພັນ ກ່າວຮັບໂດຍທ່ານ ຄຳຟອງ ກົ້ວມີໄຊ ຮອງປະທານສະພາປະຊາຊົນແຂວງ ມີບັນດາທ່ານຄະນະປະຈຳ, ຄະນະເລຂາທິການ ສພຂ ເຂົ້າຮ່ວມ.

ທ່ານ ຄຳຟອງ ກົ້ວມີໄຊ ໄດ້ກ່າວຄຳຂອບໃຈຕໍ່ສະພາການຄ້າ ແລະ ອຸດສາຫະກຳແຂວງ ທີ່ໄດ້ປະກອບສ່ວນສຳຄັນ ແລະ ສະໜັບສະໜູນຜະລິດຕະພັນທີ່ມີຄວາມເປັນເອກະລັກສະເພາະ ແລະ ເປັນຜະລິດຕະພັນພາຍໃນແຂວງຂອງຕົນ, ສາມາດຈັດເປັນເຄື່ອງຕ້ອນຂອງຝາກໃຫ້ແກ່ຄະນະຜູ້ແທນຕ່າງປະເທດທີ່ເຂົ້າຮ່ວມກອງປະຊຸມໄອປາ ເຊິ່ງຈະຈັດຂຶ້ນ ໃນລະຫວ່າງ ວັນທີ 18-24 ຕຸລາ 2024 ທີ່ນະຄອນຫລວງວຽງຈັນ ເຊິ່ງສະພາແຫ່ງຊາດ ແຫ່ງ ສປປລ ລາວ ໄດ້ຮັບກຽດເປັນເຈົ້າພາບຈັດກອງປະຊຸມ.

                                                                                                                          (ນ. ປຸ້ຍນິຕາ ເພັງມີໄຊ )